ທີ່ສີລັງກາ: ພວກກະບົດທະມິນສີລັງກາກ່າວວ່າ ພວກຕົນໄດ້ຕັດສິນໃຈຢຸດຍິງ ຫລັງຈາກໄດ້ຖືກພວກທະຫາຍຝ່າຍຣັຖບານ ປິດລ້ອມໄວ້ຢູ່ໃນບໍລິເວນ ນ້ອຍໆແຫ່ງນຶ່ງໃນພາກເໜືອຂອງປະເທດນັ້ນ. ໃນຖະແຫລງການທີ່ເຜີຍແຜ່ອອກໃນວັນອາທິດມື້ນີ້ທາງ Web site TamilNet ທີ່ນິຍົມຝ່າຍກະບົດ ຫົວໜ້າດ້ານຄວາມສັມພັນລະຫວ່າງຊາດຂອງພວກກະບົດກ່າວວ່າ ການສູ້ຣົບຂອງເຂົາເຈົ້າໄດ້ມາເຖິງຈຸດອັນທ່ີທ່ານເອີ້ນວ່າ ຈຸດຈົບທີ່ຂົມຂື່ນ ແລ້ວ. ທ່ານ Selvarasa Pathamanathan ກ່າວວ່າ ພວກກະບົດໄດ້ຕັດສິນໃຈຢຸດທຳການສູ້ຣົບ ເພື່ອກຳຈັດອັນທ່ີທ່ານເອີ້ນວ່າ ເປັນຂໍ້ອ້າງທີ່ອ່ອນແອອັນສຸດທ້າຍຂອງຝ່າຍຣັຖບານ ສຳລັບທຳການເຂັ່ນຂ້າພວກ ປະຊາຊົນຊາວທະມິນ ແລະວ່າຄຳຮຽກຮ້ອງຂອງພວກກະບົດ ທີ່ຂໍໃຫ້ນາໆຊາດເຂົ້າແຊກແຊງນັ້ນ ບໍ່ໄດ້ຮັບການເອົາຫົວຊານຳເລີຍ. ປະທານາທິບໍດີມາຮິນດາຣາຊາພັກແຫ່ງສີລັງກາໄດ້ກັບຄືນມາຍັງ ປະເທດໃນວັນອາທິດມື້ນີ້ຈາກການຢ້ຽມຢາມປະເທດຈໍແດນບ່ອນທີ່ທ່ານກ່າວວ່າ ກອງທັບໄດ້ຊະນະພວກກະບົດ ຫລັງຈາກຕໍ່ສູ້ກັນມາເປັນເວລາ 25 ປີ.
ສັນຕິພາບໃນພາກຕາເວັນອອກກາງ: ນາຍົກຣັຖມຸນຕີໃໝ່ຂອງອີສຣາແອນໄດ້ເດີນທາງມາຢ້ຽມ
ຢາມນະຄອນຫລວງວໍຊິງຕັນດີຊີ ເພື່ອເຈລະຈາກັບເຈົ້າໜ້າທ່ີ
ສະຫະຣັດ ກ່ຽວກັບຊ່ອງທາງໃນການສ້າງສັນຕິພາບລະ
ຫວ່າງອີສຣາແອນກັບບັນດາປະເທດອາຣັບແລະໂຄງການ ນີວເຄລັຍຂອງອິຣ່ານ.
ນາຍົກຣັຖມຸນຕີອີສຣາແອນ ທ່ານເບັນຈາມິນ ເນຕັນຢາຮູ ຊຶ່ງເດີນມາຮອດໃນຕອນເຊົ້າຂອງວັນອາທິດມື້ນີ້ ໄດ້ກ່າວ
ມາກ່ອນວ່າ ການເຈລະຈາສັນຕິພາບໃນອະນາຄົດລະ
ຫວ່າງອີສຣາແອນ-ປາເລສໄຕນ໌ນັ້ນຄວນເພັ່ງເລງໃສ່ເຣື່ອງການ
ເສດຖະກິດແລະຄວາມໝັ້ນຄົງ ແທນທ່ີ່ຈະເປັນເຣື່ອງການສ້າງຕັ້ງ
ປະເທດປາເລສໄຕນ໌ ຊຶ່ງເປັນແນວຄິດທີ່ທ່ານບໍ່ເຄີຍເຫັນດີນຳ.
ການເລືອກຕັ້ງທີ່ KUWAIT: ຜົນການເລືອກຕັ້ງຢ່າງເປັນທາງການຈາກການເລືອກຕັ້ງທົ່ວໄປໃນ Kuwait ສະແດງໃຫ້ເຫັນວ່າແມ່ຍິງ4 ຄົນຊະນະບ່ອນນັ່ງໃນສະພາຄັ້ງທຳອິດເປັນປວັດສາດຂອງປະເທດໃນຂົງເຂດອ່າວ ເປີເຊັຍແຫ່ງນີ້. ຜົນຂອງການເລືອກຕັ້ງໃນວັນເສົາວານນີ້ ເປັນການປາໄຊຂອງພວກນິຍົມສາສນາອີສລາມ ຊຶ່ງແຕ່ກ່ອນມີຈຳນວນຜູ້ແທນໃນສະພາຈຳນວນເກືອບເຄິ່ງນຶ່ງຫລຸດລົງມາເຫລືອພຽງແຕ່16 ບ່ອນນັ່ງ. Kuwait ເປັນປະເທດນຳໜ້າໃນການໃຫ້ສິດທິທາງດ້ານການເມືອງໃຫ້ແກ່ພົນລະ
ເມືອງຂອງຕົນ. ພວກແມ່ຍິງໄດ້ຮັບສິດໃນການປ່ອນບັດເລືອກຕັ້ງແລະສມັກເປັນສະມາຊິກສະພາແຫ່ງຊາດໄດ້ໃນປີ 2005 ແຕ່ບໍ່ເຄີຍຊະນະບ່ອນນັ່ງໃນສະພາຈັກເທື່ອໃນການເລືອກຕັ້ງ2 ເທື່ອຜ່ານມາ. ພວກສມັກຮັບ
ເລືອກຕັ້ງແມ່ຍິງ4 ຄົນທ່ີຊະນະການເລືອກຕັ້ງນີ້ ມີຮວມທັງທ່ານນາງ Massouma al-Mubarak ອະດີດຣັຖມຸນຕີກະຊວງສາທາຣະນະສຸກ ຊຶ່ງເປັນຊົນກຸ່ມນ້ອຍນິກາຍ Shi’ite ແລະຖືກແຕ່ງຕັ້ງເປັນຣັຖມຸນຕີແມ່ຍິງຄົນ ທຳອິດຂອງKuwait ໃນປີ2005. ສ່ວນແມ່ຍິງຄົນອື່ນໆນັ້ນແມ່ນຮວມທັງພວກນັກເຄື່ອນໄຫວ
ຫົວເສຣີນິຍົມ ຄືທ່ານນາງ Aseel al-Awadhi ແລະທ່ານນາງ Rola Dashti ແລະທ່ານນາງ
Salwa al-Jasser ອາຈານສອນໃນມະຫາວິທຍາໄລ.
ທີ່ລີທົວເນັຍ: ບ່ອນປ່ອນບັດໄດ້ໄຂຂຶ້ນແລ້ວໃນຕອນເຊົ້າວັນອາທິດມື້ນີ້ ທີ່ລີທົວເນັຍ ສຳລັບການເລືອກຕັ້ງປະທານາທິບໍດີ ຊຶ່ງເສດຖະກິດຂອງປະເທດກຳລັງປະສົບກັບບັນຫາຫຍຸ້ງຍາກ ຫລັງຈາກໄດ້ເຕີບ ໂຕຢ່າງ
ສມ່ຳສເມີມາເປັນເວລາຫລາຍປີ. ການສຳຫລວດຫາງສຽງປະຊາຊົນ ສະແດງໃຫ້ເຫັນວ່າທ່ານນາງ
Dalai Grybauskaite ຊຶ່ງ ເປັນຫົວໜ້າງົບປະ ມານຂອງສະຫະພາບ ຢູໂຣບແລະນັກການເມືອງຫົວອິດສະຣະ ກຳລັງມີຄະແນນນຳໜ້າຢ່າງແຂງແຮງ. ຄູ່ແຂງຂັນທ່ີມີສຽງສນັບສນຸນໃກ້ຊິດທ່ີສຸດຂອງທ່ານນາງ ຊຶ່ງເປັນຫົວໜ້າພັກສັງຄົມປະຊາທິປັດຝ່າຍຄ້ານ ໄດ້ຮັບສຽງສນັບສນຸນຈາກປະຊາຊົນແຕ່ພຽງ 9ເປີເຊັນ ຕາມການຢັ່ງສຽງປະຊາຊົນນັ້ນ.
ທີ່ມຽນມ້າ: ທ່ານນາງອອງຊານຊູຈີ ຜູ້ນຳຝ່າຍຄ້ານຂອງມຽນມາ ກ່າວວ່າ ເວລານີ້ ທ່ານນາງມີສຸຂະພາບດີ ແລະພ້ອມທີ່ຈະປ້ອງກັນດ້ວຍຕົນເອງ ໃນຄະດີກ່າວຫາຕໍ່ທ່ານນາງຊຸດໃໝ່ ໂດຍຣັຖບານທະຫານມຽນມານັ້ນ
ທ່ານ ນວຽນ(?) ວິນ ໂຄສົກພັກສັນນິບາດແຫ່ງຊາດເພື່ອປະຊາທິປໄຕກ່າວວ່າ ທ່ານນາງອອງຊານຊູຈີ ຜູ້ໄດ້ຮັບລາງວັນໂນເເບລຂະເເໜງ ສັນຕິພາບນັ້ນ ໄດ້ຖະແລງເຊ່ນນັ້ນ ເວລາພົບປະກັບທະນາຍຄວາມຂອງທ່ານນາງ ເມື່ອວັນເສົາຜ່ານມານີ້ທີ່ຄຸກ Insein ທີ່ມີຊື່ສຽງເນົ່າເໝັນນັ້ນ.
ທ່ານນາງອອງຊານຊູຈີ ພ້ອມກັບຜູ້ຊ່ວຍຍິງຂອງທ່ານນາງສອງຄົນຖືກ ຣັຖບານທະຫານມຽນມາຕັ້ງຂໍ້ຫາວ່າ ຝ່າຝືນເງຶ່ອນໄຂຂອງການກັກບໍລິ ເວນ ຫລັງຈາກຜູ້ບຸກລຸກຊາວອາເມລິກັນນາຍ John Yettaw ໄດ້ລັກ ລອບເຂົ້າໄປໃນບ້ານພັກຂອງທ່ານນາງ ທີ່ຕັ້ງຢູ່ແຄມທະເລສາບ. ຖ້າຫາກຖືກຕັດສິນວ່າມີຄວາມຜິດແທ້ນັ້ນ ທ່ານນາງຈະມີສິດຖືກຈຳຄຸກ ຮອດ ຫ້າປີ.
ວັນເສົາ, ໒໗ ກໍລະກົດ ໒໐໒໔
