<!-- IMAGE -->ພວກຜູ້ນຳຂອງບັນດາປະເທດໃນເຂດເວສເທີນເຮັມມີສເຟຍ ຫລືຊີກໂລກຕາເວັນຕົກ ກໍຄືພາກພື້ນອາເມຣິກາ ໄດ້ພົບປະກັນໃນກອງປະຊຸມສຸດຍອດສອງມື້ ໃນກາງເດືອນເມສາຜ່ານມານີ້ໃນທ່າມກາງນ້ຳຈິດນ້ຳໃຈທີ່ຟື້ນຄືນມາໃໝ່ຂອງການຮ່ວມມືກັນໃນຂົງເຂດ. ພວກຜູ້ນຳເຫລົ່ານັ້ນໄດ້ປຶກສາຫາລືກັນກ່ຽວກັບຫົວຂໍ້ປະຊຸມທ່ີກວ້າງຂວາງ ທີ່ພົວພັນກັບການປະຕິບັດງານຕ່າງໆໃນດ້ານເສດຖະກິດ ພະລັງງານສະອາດ ຄວາມປອດພັຍຂອງສາທາລະນະ ແລະການລຸດຜ່ອນຄວາມທຸກຈົນ ຊຶ່ງເປັນແຜນການປະຕິບັດງານ ທ່ີສະຫະຣັຖ ຈະເປັນພາຄີທ່ີມີສະຖານະພາບເທົ່າທຽມກັນ ແລະ ຈະປະຕິບັດງານຮ່ວມກັບ ຕລອດທັງຮັບຟັງປະເທດເພື່ອນບ້ານຂອງຕົນ.
ພວກຜູ້ນຳເຫລົ່ານັ້ນ ໄດ້ປຶກສາຫາລືກັນກ່ຽວກັບຫົວຂໍ້ປະຊຸມທ່ີກວ້າງຂວາງ ທີ່ພົວພັນກັບການປະ ຕິບັດງານຕ່າງໆໃນດ້ານເສດຖະກິດພະລັງງານສະອາດ ຄວາມປອດພັຍຂອງສາທາລະນະແລະານລຸດຜ່ອນຄວາມທຸກຈົນ ຊຶ່ງເປັນແຜນການປະຕິບັດງານ ທີ່ສະຫະຣັຖ ຈະເປັນພາຄີທີ່ມີສະຖານະພາບເທົ່າທຽມກັນແລະຈະປະຕິບັດງຮ່ວມກັບ ຕລອດທັງຮັບຟັງປະເທດເພື່ອນບ້ານຂອງຕົນ.
ປະທານາທິບໍດີ ບາຣັກ ໂອບາມາ ກ່າວວ່າ “ພວກເຮົາໄດ້ສະແດງໃຫ້ເຫັນແລ້ວວ່າ ບໍ່ມີປະເທດໃດເປັນພາຄີອາວຸໂສ ຫລືບໍ່ອາວຸໂສໃນຂົງເຂດອາເມລິການີ້ ແຕ່ພວກເຮົາເປັນພາຄີເທົ່າກັນໝົດທີ່ມີຄວາມໝາຍໝັ້ນ ຕໍ່ການສົ່ງເສີມ ຄວາມສຳເລັດກ້າວໄກຂອງແຜນການປະຕິບັດງານອັນ ດຽວກັນ ແລະຕໍ່ການເອົາຊະນະແລະຂ້າມຜ່ານສິ່ງທ້າທາຍຕ່າງໆທີ່ມີຮ່ວມກັນນັ້ນ ໃຫ້ໄດ້”
ຄວາມໝາຍໝັ້ນດັ່ງກ່າວນີ້ ຖືວ່າສຳຄັນ ໃນເວລາທ່ີຄວາມສາມາດປະຕິບັດງານຮ່ວມກັນ ອາດພິສູດໃຫ້ເຫັນວ່າມີຄວາມສຳຄັນທີ່ສຸດໃນການຫາທາງ ແກ້ໄຂບັນຫາສະພາວະເສດຖະກິດຖົດຖອຍຢູ່ໃນເວລານີ້ ຊຶ່ງເປັນສະພາວະທີ່ຮ້າຍແຮງທີ່ສຸດໃນເກືອບ 70 ປີຜ່ານມາ. ໂດຍສະເພາະໃນຂົງເຂດອາເມລິກາລາຕິນນັ້ນ ວິກິດການຖົດຖອຍຂອງເສດຖະກິດຄັ້ງນີ້ ກຳລັງຂົ່ມຂູ່ທີ່ຈະຕ່າວປິ້ນຄວາມຈະເຣີນກ້າວໜ້າທາງດ້ານເສດຖະກິດແລະສັງຄົມທີ່ຂົງເຂດດັ່ງກ່າວໄດ້ຮັບມາຢ່າງຫລວງຫລາຍ ໃນໄລຍະຫລາຍໆປີຜ່ານມານີ້.
ເພື່ອຊ່ວຍແກ້ໄຂວິກິດການການເງິນນີ້ ປະທານາທິບໍດີໂອບາມາໄດ້ປະກາດໃຫ້ຮູ້ເຖິງການສ້າງຕັ້ງກອງທຶນໃໝ່ຂນາດນ້ອຍ ເພື່ອການເຕີບໂຕດ້ານການເງິນ ຂຶ້ນມາ ໂດຍຈະອະນຸມັດເງິນງົປມານຈຳນວນ 100 ລ້ານໂດລາໄວ້ ໃຫ້ສຳຫລັບເປັນທຶນກູ້ຢືມແກ່ວົງການທຸລະກິດຂນາດນ້ອຍໆທັງຫລາຍ ທ່ີກຳລັງປະເຊີນກັບການຖືກບີບຮັດດ້ານສິນເຊື່ອ ເນຶ່ອງຈາກວິກິດການການເງິນນັ້ນ. ວຽກງານສ່ວນໃຫຍ່ໃນຂົງເຂດຊີກໂລກຕາເວັນຕົກນີ້ ແມ່ນຢູ່ຕາມພວກບໍລິສັດ ແລະທຸລະກິດລາຍນ້ອຍໆ ແລະກອງທຶນໃໝ່ນີ້ຈະຊ່ວຍຜ່ອນ ຄາຍຄວາມເປັນຫ່ວງຂອງພວກບໍລິສັດເຫລົ່ານີ້ ແລະຂອງພວກຄົນງານຂອງເຂົາເຈົ້າ ໃນສະພາວະຕົກຕ່ຳເຊັ່ນນີ້.
ກອງປະຊຸມສຸດຍອດຂອງກຸ່ມປະເທດອາເມລິກາຄັ້ງນີ້ ບໍ່ຄືກັບກອງປະຊຸມນາໆຊາດບັ້ນຕ່າງໆ ທີ່ຜ່ານມາ ຄືບໍ່ໄດ້ຍຸດຕິລົງດ້ວຍການຮັບຜ່ານເອົາແຜນປະຕິບັດການຕົວແບບສຳ ຫລັບຂົງເຂດ ເພາະວ່າກອງປະຊຸມຄັ້ງນີ້ບໍ່ໄດ້ຕັ້ງໃຈ ທີ່ຈະໃຫ້ເປັນກອງປະຊຸມໃນແບບ “ບັ້ນດຽວແກ້ໄຂໄດ້ໝົດທຸກຢ່າງ” ແຕ່ໃຫ້ເປັນກອງປະຊຸມເພື່ອຊີ້ບອກບັນຫາ ແລະເພັ່ງເລັງໃສ່ບັນຫາສຳຄັນໆຕ່າງໆທ່ີກຳລັງປະເຊີນໜ້າຂົງເຂດອາ ເມຣິກາຢູ່ໃນເວລານີ້.
ບັດນີ້ ພວກຜູ້ນຳທີ່ເຂົ້າຮ່ວມກອງປະຊຸມຄັ້ງນີ້ ກໍໄດ້ຕ່າວຄືນກັບປະເທດຕົນ ເພື່ອເລິ່ມປະຕິບັດງານຮ່ວມກັນ ແລກປ່ຽນຄວາມຄິດຄວາມເຫັນ ແລະແຜນການຊຶ່ງກັນແລະກັນ ເພື່ອນຳເອົາຄຳເຫັນດີຕ່າງໆໃນກອງປະຊຸມນັ້ນ ມາປະຕິບັດໃຫ້ເປັນໝາກເປັນຜົນ.
ປະທານາທິບໍດີໂອບາມາ ກ່າວໃນທີ່ສຸດວ່າ “ໃນຖານະເປັນປະເທດເພື່ອນບ້ານກັນນັ້ນ ພວກເຮົາລ້ວນແລ້ວແຕ່ມີຄວາມຮັບຜິດຊອບຕໍ່ກັນແລະກັນ ແລະຕໍ່ພົນລະເມືອງຂອງພວກເຮົານຳ ແລະໂດຍການປະຕິບັດງານຮ່ວມກັນນັ້ນ ພວກເຮົາກໍຈະສາມາດເອົາບາດກ້າວທີ່ສຳຄັນໆໄປສູ່ການສົ່ງເສີມ ຄວາມຈະເຣີນຮຸ່ງເຮືອງ ຄວາມໝັ້ນຄົງ ແລະອິສະຣະພາບ ໃຫ້ກ້າວໄກໄປໜ້າ.
