ອາຊະຍາກຳທີ່ກ່ຽວຂ້ອງກັບຜູ້ຍົກຍ້າຍຖິ່ນຖານໃນນະຄອນ ນິວຢອກ ໄດ້ເຮັດໃຫ້ຫຼາຍຄົນມີຄວາມກັງວົນ, ດ້ວຍຄົນຈຳນວນຶ່ງໄດ້ຖິ້ມໂທດໃສ່ການຫຼັ່ງໄຫຼເຂົ້າມາຂອງຜູ້ຍົກຍ້າຍຖິ່ນຖານທີ່ບໍ່ມີໜັງສືໃນຕົວເມືອງດັ່ງກ່າວໃນສອງປີທີ່ຜ່ານມາ. ເອຣອນ ຣາເນັນ ແລະ ອີກໍ ຊິຄານານກາ ໄດ້ລົມກັບບັນດາເຈົ້າໜ້າທີ່ບັງຄັບໃຊ້ກົດໝາຍ, ນັກການເມືອງ, ນັກເຄື່ອນໄຫວ ແລະ ຜູ້ຍົກຍ້າຍຖິ່ນຖານ ກ່ຽວກັບ ບັນຫາດັ່ງກ່າວໃນລາຍງານຂອງພວກເຮົາ.
ບັນຫາກ່ຽວກັບ ສະຖານະພາບບ່ອນລີ້ໄພຂອງນະຄອນ ນິວຢອກ ໄດ້ເຖິງຂັ້ນແຕກຫັກໃນເດືອນມັງກອນທີ່ຜ່ານມາຢູ່ໃກ້ກັບເຂດ Times Square, ບ່ອນທີ່ກຸ່ມຂອງຜູ້ຍົກຍ້າຍຖິ່ນຖານຖືກກ່າວຫາໂຈມຕີຕຳຫຼວດສອງຄົນ.
ຄະດີດັ່ງກ່າວແມ່ນກຳລັງຢູ່ໃນການລໍຖ້າ, ແຕ່ຄຳຖາມແມ່ນຍັງຄົງມີຢູ່ວ່າ: ນະຄອນ ນິວຢອກ ຄວນພິຈາລະນາສະຖານະພາບບ່ອນລີ້ໄພຫຼືບໍ່? ໃນປັດຈຸບັນນີ້, ເຈົ້າໜ້າທີ່ບບັງຄັບໃຊ້ກົດໝາຍແມ່ນຖືກຫ້າມຈາກການຮ່ວມມືກັບບັນດາເຈົ້າໜ້າທີ່ຄົນເຂົ້າເມືອງລັດຖະບານກາງ. ແມ່ນກະທັ້ງເວລາທີ່ຜູ້ຍົກຍ້າຍຖິ່ນຖານຖືກຕັດສິນມີຄວາມຜິດ ກ່ຽວກັບ ການກໍ່ອາຊະຍາກຳ ແລະ ຖືກປ່ອຍຕົວ, ບັນດາເຈົ້າໜ້າທີ່ຄົນເຂົ້າເມືອງມັກຈະບໍ່ຖືກແຈ້ງໃຫ້ຊາບ, ເຊິ່ງຂັດຂວາງຄວາມເປັນໄປໄດ້ຂອງການເນລະເທດ. ຄວາມຄິດເຫັນຂອງສາທາລະນະໃນນະຄອນ ນິວຢອກ ແມ່ນແຕກຕ່າງກັນ.
ນາງ ມາຣີ ຊູທສ໌ ຜູ້ອາໄສຢູ່ນະຄອນ ນິວຢອກ ກ່າວວ່າ “ຂ້ອຍຄິດວ່າສານຄວນສື່ສານກັບອົງການຄົນເຂົ້າເມືອງ ແລະ ພາສີ ແລະ ກຳຈັດຄົນຜູ້ທີ່ກໍ່ອາຊະຍາກຳ.”
ທ້າວ ຄອລ ໂຄແຊລ, ຜູ້ອາໄສຢູ່ນະຄອນ ນິວຢອກ ກ່າວວ່າ “ໂຮງແຮງຫຼາຍແຫ່ງມີຜູ້ຍົກຍ້າຍຖິ່ນຖານອາໄສຢູ່, ແຕ່ຂ້ອຍບໍ່ເຄີຍມີບັນຫາກັບເຂົາເຈົ້າເລີຍ. ຂ້ອຍໝາຍຄວາມວ່າ, ພວກເຮົາມີຮູບປັ້ນເທພີເສລີພາບຢູ່ທີ່ນີ້. ເອົາຄວາມອິດເມື່ອຍຂອງເຈົ້າ, ຄວາມທຸກຍາກຂອງເຈົ້າ, ຄວາມໂຫຍຫາອິສະຫຼະພາບຂອງເຈົ້າໃຫ້ພວກເຂົາ, ຂ້ອຍໝາຍຄວາມວ່າ “ນັ້ນແມ່ນທຸກຢ່າງທີ່ກ່ຽວກັບນະຄອນ ນິວຢອກ.”
ໃນຂະນະດຽວກັນ, ບັນດານັກເຄື່ອນໄຫວຜູ້ຍົກຍ້າຍຖິ່ນຖານຮູ້ສຶກວ່າບັນຫາດັ່ງກ່າວຖືກຂະຫຍາຍອອກໄປເກີນຂອບເຂດ.
ທ່ານນາງ ອິລເຊ ທີລແມນ, ຈາກກຸ່ມ TLC NYC ກ່າວວ່າ “ຂ້ອຍຮູ້ສຶກຢ່າງແນ່ນອນວ່າສະຖານະພາບບ່ອນລີ້ໄພຄວນຄົງຢູ່ຄືເກົ່າ. ຂ້ອຍໝາຍຄວາມວ່າ, ຄືເຈົ້າຮູ້, ການກ່າວຢ້ຳເຖິງກໍລະນີຕົວຢ່າງຜູ້ຍົກຍ້າຍຖິ່ນຖານທີ່ກໍ່ອາຊະຍາກຳ ແມ່ນເລື່ອງທົ່ວໄປຢູ່ແລ້ວ. ເຈົ້າຈະເລືອກສະເພາະເລື່ອງຕ່າງໆ, ເຈົ້າຈະເນັ້ນຢ້ຳມັນໃນດ້ານລົບ, ແລະ ເຈົ້າຈະເອົາຄົນກຸ່ມນຶ່ງເປັນແກະຮັບບາບ.”
ໃນການຕອບຕໍ່ຄຳຖາມຂອງວີໂອເອ ກ່ຽວກັບ ບັນຫາດັ່ງກ່າວໃນກອງປະຊຸມຖະແຫຼງຂ່າວເມື່ອວັນທີ 27 ທີ່ຜ່ານມາ, ເຈົ້າຄອງນະຄອນ ນິວຢອກ ທ່ານ ອີຣິກ ອາດາມສ໌ ໄດ້ສະແດງທັດສະນະຄະຕິຂອງທ່ານ ກ່ຽວກັບ ການປ່ຽນແປງສະຖານະພາບເມືອງລີ້ໄພດັ່ງກ່າວ.
ທ່ານ ເອຣິກ ອາດາມສ໌ ກ່າວວ່າ “ຄົນຜູ້ທີ່ກໍ່ອາຊະຍາກຳຕໍ່ຊາວ ນິວຢອກ ແລະ ຜູ້ຍົກຍ້າຍຖິ່ນຖານ ແລະ ຜູ້ຂໍລີ້ໄພ ແລະ ບຸກຄົນທີ່ບໍ່ມີໜັງສືອື່ນໆ ບໍ່ຄວນຢູ່ໃນປະເທດຂອງພວກເຮົາຫຼັງຈາກເຂົາເຈົ້າຮັບໃຊ້ໂທດແລ້ວໆ.”
ລັດຖະບານກາງກໍກຳລັງຊັ່ງຊາເບິ່ງເຊັ່ນກັນ.
ທ່ານ ເຄັນ ຈີນາໂລ, ຈາກອົງການຄົນເຂົ້າເມືອງ ແລະ ພາສີ ກ່າວວ່າ “ພວກເຮົາບໍ່ຢາກລົບລ້າງນະໂຍບາຍສະຖານທີ່ຫຼົບໄພ. ພວກເຮົາພຽງແຕ່ຢາກທຳການປ່ຽນແປງເລັກນ້ອຍ ບ່ອນທີ່ພວກເຮົາສາມາດຮ່ວມມືກັບຕຳຫຼວດນະຄອນ ນິວຢອກ ແລະ ຈັບກຸມບຸກຄົນທີ່ວ່ານັ້ນ ແລະ ນຳເອົາພວກເຂົາອອກໄປຈາກຖະໜົນ.”
ທ່ານ ຈີນາໂລ ກ່າວວ່າປັດຈຸບັນນີ້ມັນບໍ່ມີຂໍ້ມູນທີ່ເປັນຮູບປະທຳ ກ່ຽວກັບ ອາຊະຍາກຳຜູ້ຍົກຍ້າຍຖິ່ນຖານຢູ່ Big Apple.
ທ່ານ ຈີນາໂລ ກ່າວວ່າ “ບັນຫາກັບການພະຍາຍາມທີ່ຈະຫາຕົວເລກ ແລະ ສະຖິຕິ ກ່ຽວກັບ ອາຊະຍາກຳຂອງຜູ້ຍົກຍ້າຍຖິ່ນຖານ ຫຼື ຜູ້ທີ່ບໍ່ແມ່ນຄົນສັນຊາດອາເມຣິກັນ ກໍແມ່ນວ່ານະຄອນ ນິວຢອກ ແມ່ນເມືອງໃຫ້ບ່ອນລີ້ໄພ. ເຂົາເຈົ້າມີນະໂຍບາຍສະຖານທີ່ລີ້ໄພທີ່ຂັດຂວາງ ແລະ ກີດກັ້ນການຮ່ວມມືໃດໆກັບພວກເຮົາ. ສະນັ້ນ, ຖ້າບຸກຄົນນຶ່ງຖືກຈັບ, ຕຳຫຼວດນະຄອນ ນິວຢອກ ແມ່ນບໍ່ໄດ້ຮັບອະນຸຍາດໃຫ້ຖາມສັນຊາດຂອງເຂົາເຈົ້າ. ສະນັ້ນ, ເວລາເຂົາເຈົ້າເວົ້າວ່າ, ສະຖິຕິ ບາງເທື່ອ ອາຊະຍາກຳແມ່ນໜ້ອຍກວ່າ ຫຼື ຫຼາຍກວ່າ, ເຈົ້າບໍ່ສາມາດບອກໄດ້ຢູ່ໃນເມືອງທີ່ໃຫ້ບ່ອນລີ້ໄພ.”
ໃນຂະນະດຽວກັນ, ຜູ້ອາໄສຢູ່ໃນເມືອງດັ່ງກ່າວ, ຖືກປ່ອຍໃຫ້ຊັ່ງຊາວ່າໄພຄຸກຄາມຈາກອາຊະຍາກຳຂອງຜູ້ຍົກຍ້າຍຖິ່ນຖານນັ້ນແມ່ນເວົ້າເກີນຈິງ ຫຼື ເປັນຄວາມຈິງ.
ຜູ້ຍົກຍ້າຍຖິ່ນຖານທີ່ບໍ່ມີບ່ອນຢູ່ອາໄສຫຼາຍຄົນແມ່ນກຳລັງຕັ້ງຕູບຜ້ານອນຢູ່ເກາະ ແຣນດອລສ໌. ບາງຄົນເວົ້າວ່າຫຼັງຈາກຕາເວັນຕົກດິນ, ບັນຍາກາດຈະປ່ຽນແປງ.
ທ້າວ ດີອາລໂລ, ຜູ້ຍົກຍ້າຍຖິ່ນຖານທີ່ບໍ່ມີເອກະສານໃນນະຄອນ ນິວຢອກ ກ່າວວ່າ “ເວລາເຮົາຢູ່ນອກ, ປົກກະຕິເຈົ້າຈະບໍ່ຮູ້ສຶກປອດໄພ ເພາະວ່າມັນມີຄົນຫຼາຍ… ເຂົາເຈົ້າມີອາວຸດ, ບາງຄົນກໍມີມີດ.”
ຜູ້ຍົກຍ້າຍຖິ່ນຖານທີ່ບໍ່ມີເອກະສານໃນນະຄອນ ນິວຢອກ ກ່າວວ່າ “ຢູ່ທີ່ນີ້, ທຸກຢ່າງແມ່ນອັນຕະລາຍ. ບາງຄົນຕີກັນ ແລະ ຂ້າກັນ. ມັນມີທຸກຢ່າງຢູ່ທີ່ນີ້.”
ດ້ວຍເມືອງດັ່ງກ່າວມີຄວາມຄິດທີ່ບໍ່ຄືກັນ, ຄຳຖາມຍັງມີຢູ່ວ່າ ນະຄອນ ນິວຢອກ ຈະສາມາດສືບຕໍ່ເປັນເມືອງໃຫ້ບ່ອນລີ້ໄພຕໍ່ໄປໄດ້ບໍ່ ໃນຂະນະດຽວກັນກໍຮັບປະກັນຄວາມປອດໄພສຳລັບຜູ້ອາໄສຢູ່ຂອງເຂົາເຈົ້າທຸກຄົນ. ຄຳຕອບອາດຈະກຳນົດອະນາຄົດຂອງເມືອງ ແລະ ນະໂຍບາຍຂອງເຂົາເຈົ້າ.
ອ່ານລາຍງານນີ້ເປັນພາສາອັງກິດ
The issue of New York City’s sanctuary status reached a breaking point in January near Times Square, where a group of migrants allegedly attacked two police officers.
The case is pending, but the question remains: Should New York City reconsider its sanctuary status? Currently, local law enforcement is restricted from cooperating with federal immigration authorities. Even when migrants are convicted of crimes and released, immigration authorities are often not notified, hindering potential deportations. Public opinion in New York is divided.
“I think that the courts should communicate with ICE [Immigration and Customs Enforcement] and get rid of people who are committing crimes.”
“A lot of the hotels have migrants, but I've never had any issues with them whatsoever. I mean, we have the Statue of Liberty here. ‘Give them your tired, your poor, your huddled masses yearning to be free.’ I mean, that's what New York City is all about.”
Meanwhile, migrant activists feel the issue is being blown out of proportion.
“I absolutely think that the sanctuary status should remain. I mean, you know, this sort of emphasizing the isolated instances of migrants committing crimes is just very typical. You cherry-pick the stories, you emphasize the negative, and you scapegoat a certain group of people.”
In response to VOA’s question on the matter at an August 27 press conference, New York City Mayor Eric Adams expressed his views on modifying the city's sanctuary status.
“People who commit violent acts on New Yorkers and other migrants and asylums and undocumented individuals should not remain in our country after they serve their time.”
The federal government is also weighing in.
“We don't want to eradicate the sanctuary policies. We just want minor changes where we can collaborate with NYPD and arrest those individuals and take them off the streets.”
Genalo says there is currently no objective data on migrant crime in the Big Apple.
“The problem with trying to get the figures and stats on migrant crime or on the non-citizens is that New York City is a sanctuary city. They have sanctuary policies that hamper and hinder any cooperation with us. So, if an individual is arrested, the NYPD is not allowed to ask the country of citizenship. So, when they say, stats as though, maybe, the crime is less or more, you really can't tell in a sanctuary city.”
City residents, meanwhile, are left to weigh whether the migrant crime threat is exaggerated or accurate.
Many homeless migrants are camping in tents on Randall's Island. Some say that after the sun sets, the atmosphere changes.
“When you [are] outside, usually you don't feel security because there's lot of people. … They have a weapon, some of them have the knife.”
“Here, everything is dangerous. People are fighting and killing; there's everything here.”
With the city divided, the question remains whether New York can continue to be a sanctuary city while ensuring the safety of all its residents. The answer may shape the future of the city and its policies
ຟໍຣັມສະແດງຄວາມຄິດເຫັນ