ບັນດາເຈົ້າໜ້າທີ່ປ້ອງກັນປະເທດ ສະຫະລັດ ແລະ ຈີນ ໄດ້ສະເໜີວິໄສທັດແຂ່ງຂັນກັນສຳລັບທະວີບເອເຊຍ, ແມ່ນກະທັ້ງທີ່ເຂົາເຈົ້າໄດ້ຕົກລົງກັນທີ່ຈະຮັກສາຊ່ອງທາງຕ່າງໆໃຫ້ເປີດໄວ້ໃນລະຫວ່າງກອງປະຊຸມດ້ານຄວາມໝັ້ນຄົງ ແຊງກຣີ-ລາ ສາມວັນທີ່ໄດ້ປິດລົງໃນວັນອາທິດວານນີ້ຢູ່ປະເທດ ສິງກະໂປ, ນັກຂ່າວວີໂອເອ ບິລ ກາລໂລ ມີລາຍງານ, ເຊິ່ງ ພຸດທະສອນ ຈະນຳລາຍລະອຽດມາສະເໜີທ່ານ.
ນີ້ແມ່ນການປະຊຸມໜ້າຕໍ່ໜ້າຄັ້ງທຳອິດຂອງລັດຖະມົນຕີປ້ອງກັນປະເທດ ສະຫະລັດ ທ່ານ ລອຍດ໌ ອອສຕິນ ກັບຄູ່ຮ່ວມຕຳແໜ່ງ ຈີນ, ລັດຖະມົນຕີປ້ອງກັນປະເທດ ດອງ ຈຸນ.
ເຊິ່ງແມ່ນການເຈລະຈາລະດັບສູງທີ່ ຈີນ ໄດ້ປະຕິເສດມາຈັນເຖິງບໍ່ດົນມານີ້.
ທ່ານ ດອງ ຈຸນ ລັດຖະມົນຕີປ້ອງກັນປະເທດ ຈີນ ກ່າວວ່າ “ພວກເຮົາແມ່ນເປີດກວ້າງຕະຫຼອດເພື່ອການແລກປ່ຽນ ແລະ ການຮ່ວມມື, ແຕ່ສິ່ງນີ້ຮຽກຮ້ອງໃຫ້ທັງສອງຝ່າຍຕົກລົງກັນເຄິ່ງທາງ.”
ຄວາມແຕກຕ່າງບາງອັນແມ່ນປາກົດວ່າບໍ່ສາມາດປອງດອງກັນໄດ້ຢູ່ກອງປະຊຸມສຸດຍອດນີ້, ແລະ ບັນດາເຈົ້າໜ້າທີ່ ຈີນ ແມ່ນໄດ້ໃຊ້ຄຳເວົ້າໂຈມຕີ.
ທ່ານ ຈິງ ຈຽນເຟັງ, ພົນໂທ ຈີນ ກ່າວວ່າ “ຂໍ້ເທັດຈິງຕ່າງໆສະແດງໃຫ້ເຫັນວ່າ ສະຫະລັດ ແມ່ນຜູ້ທີ່ທຸຈະລິດທີ່ໃຫຍ່ທີ່ສຸດ ກ່ຽວກັບ ລະບົບສາກົນ, ເປັນສິ່ງກີດຂວາງທີ່ໃຫຍ່ທີ່ສຸດຕໍ່ຄວາມກ້າວໜ້າໃນການປົກຄອງໂລກ, ແລະ ເປັນສິ່ງທ້າທາຍທີ່ໃຫຍ່ທີ່ສຸດຕໍ່ສັນຕິພາບ ແລະ ສະຖຽນລະພາບໃນພາກພື້ນ.”
ໃນຄຳປາໄສຂຈອງທ່ານ, ທ່ານ ອອສຕິນ ໄດ້ຢືນຢັດວ່າສົງຄາມແມ່ນສາມາດຫຼີກລ່ຽງໄດ້ ແລະ ການສົນທະນາກັນແມ່ນມີຄວາມຈຳເປັນ.
ທ່ານ ລອຍດ໌ ອອສຕິນ, ລັດຖະມົນຕີປ້ອງກັນປະເທດ ສະຫະລັດ ກ່າວວ່າ “ແລະ ທຸກໆການສົນທະນາແມ່ນຈະບໍ່ເປັນການສົນທະນາທີ່ມີຄວາມສຸກ. ແຕ່ມັນສຳຄັນທີ່ພວກເຮົາສືບຕໍ່ທີ່ຈະລົມກັນ.”
ມັນມີຫຼາຍສິ່ງທີ່ຈະເວົ້າເຖິງ, ລວມທັງການຂົ່ມຂູ່ທາງທະຫານຂອງ ຈີນ ຕໍ່ໄຕ້ຫວັນ ທີ່ນິຍົມປະຊາທິປະໄຕ.
ແລະ ໃນທະເລຈີນໃຕ້ທີ່ມີບັນຫາຂັດແຍ້ງກັນ, ກຳປັ່ນຂອງ ຈີນ ໄດ້ຮາວີລົບກວນເຮືອທີ່ນ້ອຍກວ່າຂອງ ຟີລິບປິນ, ຈົນກໍ່ໃຫ້ເກີດຄວາມເປັນຫ່ວງວ່າ ສົນທິສັນຍາປ້ອງກັນປະເທດ ສະຫະລັດ ແລະ ຟີລິບປິນ ອາດຖືກນຳມາໃຊ້.
ທ່ານ ເຟີດີນານ ມາຄອສ ຈູເນຍ ປະທານາທິບໍດີ ຟີລິບປິນ ກ່າວວ່າ “ຖ້າປະຊາຊົນ ຟີລິບປິນ ຖືກຂ້າຕາຍໂດຍການກະທຳທີ່ບໍ່ຖືກກົດໝາຍ ຂ້າພະເຈົ້າຄິດວ່ານັ້ນແມ່ນໃກ້ຫຼາຍຕໍ່ສິ່ງທີ່ພວກເຮົາອະທິບາຍດັ່ງກັບການກະທຳຂອງສົງຄາມ ແລະ ສະນັ້ນພວກເຮົາຈະຕອບໂຕ້ຢ່າງເໝາະສົມ.”
ຈຸດທີ່ຮ້ອນແຮງດັ່ງກ່າວໄດ້ເຮັດໃຫ້ມັນມີຄວາມສຳຄັນຍິ່ງຂຶ້ນສຳລັບ ສະຫະລັດ ແລະ ຈີນ ທີ່ຈະສືບຕໍ່ລົມຳນກັນ, ນັກວິເຄາະໃນພາກພື້ນຫຼາຍຄົນກ່າວ.
ທ່ານ ລິມ ໄຕ ເວ, ອາຈານສອນຢູ່ມະຫາວິທະຍາໄລແຫ່ງຊາດ ສິງກິໂປ ກ່າວວ່າ “ອຸນຫະພູມແມ່ນກຳລັງເຢັນລົງ, ແນວໃດກໍຕາມພວກເຮົາກໍບໍ່ຄວນເຂົ້າໃຈວ່າບັນຫາຕ່າງໆຈະໄດ້ຮັບການແກ້ໄຂຍ້ອນບັນຫາທີ່ຊັບຊ້ອນທີ່ວ່ານີ້. ແຕ່ບູລິມະສິດສູງສຸດໃນຕອນນີ້ກໍແມ່ນການປັບອຸນຫະພູມລົງ, ເພື່ອສ້າງຂໍ້ຄວາມທີ່ຖືກຕ້ອງສຳລັບມາດຕະການສ້າງຄວາມໝັ້ນໃຈໃຫ້ດີຂຶ້ນ ພ້ອມກັບຈັດການສົນທະນາ ແລະ ຕິດຕໍ່ກັນຫຼາຍຂຶ້ນ.”
ຢ່າງໜ້ອຍສຳລັບຕອນນີ້, ຈີນ ແມ່ນກຳລັງເຫັນພ້ອມທີ່ຈະສືບຕໍ່ການປະຊຸມທີ່ວ່ານັ້ນ.
ອ່ານລາຍງານນີ້ເປັນພາສາອັງກິດ
This was Pentagon chief Lloyd Austin’s first face-to-face meeting with his Chinese counterpart, Defense Minister Dong Jun,
High-level talks that China had rejected until recently.
“We have always been open to exchanges and cooperation, but this requires both sides to meet each other halfway.”
Some differences appeared irreconcilable at this summit, and Chinese officials went on the attack.
"Facts show that the U.S. is the biggest corrupter of the international order, the biggest obstacle to progress in global governance, and the greatest challenge to regional peace and stability."
In his comments, Austin insisted war is avoidable and dialogue is necessary.
“And every conversation is not going to be a happy conversation. But it is important that we continue to talk to each other.”
There is much to talk about, including China’s military threats against democratic Taiwan.
And in the disputed South China Sea, Chinese ships have harassed much smaller Philippine vessels – raising concerns that the U.S.-Philippine defense treaty could be triggered.
“If a Filipino citizen is killed by a willful act that is, I think, very, very close to what we define as an act of war and therefore we will respond accordingly.”
Those hotspots make it even more important for the U.S. and China to keep talking, many regional analysts say.
“The temperatures are cooling down, although [we should not be] under the illusion that the problems will be resolved because these are complex problems. But the priority now is to turn down the temperature, to create the right messages for greater confidence building measures as well as more dialogues and outreach.”
At least for now, China is agreeing to continue those meetings.
ຟໍຣັມສະແດງຄວາມຄິດເຫັນ