ວີໂອເອພາກພາສາລາວ ກະຈາຍສຽງທຸກໆວັນ ເປັນເວລາ 30 ນາທີ. ພວກເຮົາສະເໜີຂ່າວ ຂໍ້ມູນ ແລະລາຍງານທີ່ໜ້າສົນໃຈ ກ່ຽວກັບເຫດການທີ່ເກີດຂຶ້ນໃນປະເທດລາວ ສະຫະລັດອາເມຣິກາ ເອເຊຍແລະຂົງເຂດອື່ນໆຂອງໂລກ ຕະຫລອດທັງບົດຮຽນພາສາອັງກິດ ແລະລາຍການເພງຕາມຄຳຂໍຂອງທ່ານຜູ້ຟັງ. ຫົວຂໍ້ຂ່າວສຳຄັນສຳລັບມື້ນີ້ມີ: ຄະນະກວດກາຂອງອົງການສະຫະປະຊາຊາດ ເສັດສິ້ນການຢ້ຽມຢາມໂຮງໄຟຟ້ານິວເຄລຍ ຊາໂປຣິສເຊຍ ຂອງຢູເຄຣນ ເທື່ອທຳອິດ, ຣັດເຊຍອັດທໍ່ສົ່ງແກັສທີ່ສຳຄັນ ແລະກໍຈູດແກັສຖິ້ມ ໃນຂະນະທີ່ປະເທດຕາເວັນຕົກກ່າວປາປູຕິນວ່າ ໃຊ້ພະລັງງານເປັນອາວຸດ ແລະ ປະທານາທິບໍດີໄບເດັນ ກ່າວເຖິງໄພຂົ່ມຂູ່ຕໍ່ປະຊາທິປະໄຕ ແລະຮຽກຮ້ອງໃຫ້ຊາວອາເມຣິກັນ ລຸກຂຶ້ນຕໍ່ສູ້ປົກປ້ອງ.