ວີໂອເອພາກພາສາລາວ ກະຈາຍສຽງທຸກໆວັນ ເປັນເວລາ 30 ນາທີ. ພວກເຮົາສະເໜີຂ່າວ ຂໍ້ມູນ ແລະລາຍງານທີ່ໜ້າສົນໃຈ ກ່ຽວກັບເຫດການທີ່ເກີດຂຶ້ນໃນປະເທດລາວ ສະຫະລັດອາເມຣິກາ ເອເຊຍແລະຂົງເຂດອື່ນໆຂອງໂລກ ຕະຫລອດທັງບົດຮຽນພາສາອັງກິດ ແລະລາຍການເພງຕາມຄຳຂໍຂອງທ່ານຜູ້ຟັງ. ຫົວຂໍ້ຂ່າວສຳຄັນສຳລັບມື້ນີ້ມີ: ຢູເຄຣນ ກ່າວວ່າ ການບຸກໂຈມຕີຕອບໂຕ້ ໄດ້ເດີນການໄປແລ້ວ ຢູ່ໃນຂົງເຂດພາກໃຕ້ ທີ່ຣັດເຊຍໄດ້ຢຶດເອົາ, ເກີດການປະທະກັນຢ່າງຮ້າຍແຮງ ຢູ່ທີ່ນະຄອນຫຼວງແບັກແດດ ຫລັງຈາກນັກສອນສາສະໜາ ທີ່ມີອິດທິພົນ ລາອອກຈາກການເມືອງ ແລະ ໄພນ້ຳຖ້ວມທີ່ຮ້າຍແຮງ ຢູ່ໃນປາກິສຖານ ມີຮ່ອງຮອຍຂອງສະພາບອາກາດຮ້ອນຂຶ້ນ.