ວີໂອເອພາກພາສາລາວ ກະຈາຍສຽງທຸກໆວັນ ເປັນເວລາ 30 ນາທີ. ພວກເຮົາສະເໜີຂ່າວ ຂໍ້ມູນ ແລະລາຍງານທີ່ໜ້າສົນໃຈ ກ່ຽວກັບເຫດການທີ່ເກີດຂຶ້ນໃນປະເທດລາວ ສະຫະລັດອາເມຣິກາ ເອເຊຍແລະຂົງເຂດອື່ນໆຂອງໂລກ ຕະຫລອດທັງບົດຮຽນພາສາອັງກິດ ແລະລາຍການເພງຕາມຄຳຂໍຂອງທ່ານຜູ້ຟັງ. ຫົວຂໍ້ຂ່າວສຳຄັນສຳລັບມື້ນີ້ມີ: ທີມງານຂອງອົງການສະຫະປະຊາຊາດ ກຳລັງເດີນທາງເພື່ອໄປປະເມີນໂຮງໄຟຟ້າ ນິວເຄລຍ ຢູເຄຣນ, ຜູ້ເສຍຊີວິດໃນໄພພິບັດນ້ຳຖ້ວມຢູ່ ປາກິສຖານ ກາຍ 1,000 ຄົນ ແລະກຸ່ມຕາລີບານ ອ້າງວ່າ ເຮືອບິນບໍ່ມີຄົນຂັບຂອງ ສະຫະລັດ ໃຊ້ເຂດນ່ານຟ້າ ປາກິສຖານ ເພື່ອບຸກລຸກ ອັຟການະສຖານ.