ໃນລາຍການຊຸມຊົນລາວໃນທະວີບອາເມຣິກາ ຊຶ່ງເປັນລາຍການໃໝ່ຂອງວີໂອເອພາກພາສາລາວ ທີ່ຈະນຳເອົາ ຊີວິດການເປັນຢູ່ ຂອງຄົນເຊື້ອສາຍລາວຕາມເມືອງແລະລັດຕ່າງໆໃນທົ່ວທະວີບອາເມຣິກາມາລົມສູ່ທ່ານຟັງ ຊຶ່ງໃນແລງແລງວັນອາທິດມື້ນີ້ ເຮົາຈະພາທ່ານໄປພົບກັບ ຄົນລາວອາເມຣິກັນຜູູ້ນຶ່ງ ທີ່ໄດ້ເຂົ້າໄປຕັ້ງຖິ່ນຖານ ຢູ່ໃນນະຄອນໂອກລາໂຮມາຊີຕີ້ ລັດໂອກລາໂຮມາ ສະຫະລັດອາເມຣິກາ ຕັ້ງແຕ່ປີ 1978. ໄພສານ ມີລາຍງານເລື້ອງນີ້ ມາສະເໜີທ່ານ ໃນອັນດັບຕໍ່ໄປ.
ນະຄອນໂອກລາໂຮມາຊີຕີ້ ເປັນເມືອງເອກ ແລະກໍເມືອງທີ່ໃຫຍ່ສຸດ ໃນລັດໂອກລາໂຮມາທີ່ຕັ້ງຢູ່ໃນເຂດພາກໃຕ້ຕອນກາງຂອງສະຫະລັດ. ໃນປີກາຍນີ້ ໂອກລາໂຮມາຊີຕີ້ ມີພົນລະເມືອງຢູ່ເກືອບ 650,000 ຄົນ.
ລາຍການຊຸມຊົນລາວຂອງເຮົາແລງມື້ນີ້ ຈະພາທ່ານໄປພົບກັບທ່ານ ດຣ. ທອງຄຳ ວັນນາຣາຊ ຊຶ່ງເກືອບວ່າ ເປັນຄົນລາວຈຸທຳອິດ ທີ່ໄດ້ເຂົ້າໄປຕັ້ງຖິ່ນຖານ ຢູ່ໃນນະຄອນໂອ
ກລາໂຮມາຊີຕີ້.
ສະບາຍດີທ່ານ ດຣ. ທອງຄຳ ວັນນາຣາຊ ກ່ອນອື່ນກໍຂໍຂອບອົກຂອບໃຈທີ່ໃຫ້ພວກເຮົາມາໂອ້ລົມນຳ ແລະກໍທຳອິດນີ້ ຢາກໃຫ້ທ່ານ ດຣ. ເວົ້າສູ່ຟັງ ກ່ອນທີ່ທ່ານຈະເຂົ້າມາຕັ້ງຖິ່ນຖານຢູ່ໃນເມືອງໂອກລາໂຮມາຊີຕີ້ນີ້ທ່ານໄດ້ໄປໃສແດ່ຫຼັງຈາກຕົກເຂົ້າມາໃນສະຫະ ລັດແລ້ວ.
ທ່ານ ດຣ. ທອງຄຳ ເດີນທາງເຂົ້າມາຕັ້ງຖິ່ນຖານຢູ່ໃນເມືອງໂອກລາໂຮມາຊີຕີ້ ໜີ້ໃນປີໃດ ຕອນນັ້ນມີຄົນລາວຫຼາຍປານໃດໃນເມືອງດັ່ງກ່າວ ແລະຕອນນີ້ເດມີຫຼາຍປານໃດ ຢາກໃຫ້ທ່ານລົມສູ່ຟັງກ່ຽວກັບເລື້ອງນີ້?
ເປັນດ້ວຍເຫດໃດ ທ່ານ ດຣ. ຈຶ່ງເຂົ້າມາຕັ້ງຖິ່ນຖານຫຼືມາອາໄສຢູ່ໃນນະຄອນໂອກລາໂຮມາຊີຕີ້ໃນຕອນນັ້ນເນາະ ແລະນະຄອນໂອກລາໂຮມາຊີຕີ້ນີ້ ແຕກ ຕ່າງຈາກເມືອງອື່ນໆຂອງສະຫະລັດບໍ?
ແຕ່ຈຸດເດັ່ນຂອງນະຄອນໂອກລາໂຮມາຊີຕີ້ໜີ້ ທ່ານ ດຣ. ພໍຊິເວົ້າສູ່ຟັງໄດ້ບໍ ມີຫຍັງແດ່?
ບັດນີ້ ຢາກໃຫ້ທ່ານ ດຣ. ທອງຄຳ ລົມສູ່ພວກເຮົາຟັງ ກ່ຽວກັບເລື້ອງຄອບເລື້ອງຄົວເນາະ?
ບັດນີ້ຢາກໃຫ້ທ່ານ ດຣ. ທອງຄຳເວົ້າສູ່ຟັງກ່ຽວກັບຊີວິດການເປັນຢູ່ໃນເມືອງ ຂອງຊຸມຊົນລາວ ໃນນະຄອນໂອກລາໂຮມາຊີຕີ້ ເລື້ອງລ້າເລື້ອງການຂອງເຂົາເຈົ້າ ເຂົາເຈົ້າເຮັດວຽກເຮັດການຫຍັງເປັນສ່ວນໃຫຍ່?
ສຳລັບທ່ານ ດຣ. ທອງຄຳເດ ຢາກໃຫ້ທ່ານເວົ້າສູ່ຟັງ ກ່ຽວກັບອາຊີບວຽກງານນັກໜ້ອຍນໍ້?
ທ່ານ ດຣ. ພໍຊິເວົ້າສູ່ຟັງໄດ້ບໍ ກ່ອນຈະມາເຮັດວຽກງານນີ້ ມັນຕ້ອງຜ່ານຫຍັງແດ່?
ບັດນີ້ເຮົາຢາກຫັນມາເວົ້າເລື້ອງວັດວາສາສະໜາເນະາ ທ່ານ ດຣ. ທອງຄຳ ພໍຊິເວົ້າສູ່ຟັງໄດ້ບໍ ໃນນະຄອນໂອກລາໂຮມາຊີຕີ້ ແລະເຂດອ້ອມແອ້ມ ມີວັດລາວຢູ່ຈັກແຫ່ງ?
ເລື້ອງການເຮັດບຸນສິນການທິນປະຈຳເດືອນຕ່າງໆ ທ່ານພໍຊິເວົ້າສູ່ຟັງໄດ້ບໍນໍ?
ຄວາມຄິດຄວາມເຫັນຂອງທ່ານ ຄວາມຮັກຄວາມມັກຂອງທ່ານສ່ວນໂຕ ກັບນະຄອນໂອກລາໂຮມາຊີຕີ້ໜີ້ ກໍມີຢູ່ບໍ?
ສຸດທ້າຍ ມີຫຍັງອີກແດ່ທ່ານ ດຣ. ທອງຄຳ ຢາກຈະລົມສູ່ພວກເຮົາຟັງ ກ່ຽວກັບຊຸມຊົນລາວໃນນະຄອນໂອກລາໂຮມາຊີຕີ້ ແລະກໍມີຫຍັງອີກແດ່ຝາກຝັງໃຫ້ພໍ່ແມ່ພີ່ນ້ອງທີ່ຟັງຢູ່ທາງບ້ານ?
ອີງຕາມຂໍ້ມູນ ຂອງການສຳຫຼວດສຳມະໂນຄົວ ໃນປີ 2010 ແລ້ວ ນະຄອນໂອກລາ ເປັຫົວເມືອງທີ່ມີລາວອາເມຣິກັນ ອາໄສຢູ່ ຫຼາຍເປັນອັນດັບທີ 50 ໃນສະຫະລັດ ຄືມີປະມານ 971 ຄົນໃນເວລານັ້ນ.
ທີ່ທ່ານຫາກໍໄດ້ຮັບຟັງຜ່ານໄປນັ້ນ ແມ່ນລາຍການຊຸມຊົນລາວ ໃນ ນະຄອນໂອກລາໂຮມາຊີຕີ້ ລັດໂອກລາໂຮມາ ສະຫະລັດອາເມຣິກາ. ເຊີນພົບກັບລາຍການຊຸມຊົນລາວ ໃນທະວີບອາເມຣິກາ ຂອງເຮົາໄດ້ອີກ ໃນວັນອາທິດໜ້າ ເວລາດຽວກັນນີ້.