ລິ້ງ ສຳຫລັບເຂົ້າຫາ

logo-print

ອິ​ສ​ຣາ​ແອ​ລ​ ​ຕ່າວ​ປີ້ນ ​ການ​ຕັດ​ສິນ​ໃຈ ທີ່​ໄດ້ຫ້າມ ​ສະ​ມາ​ຊິກ​ສະ​ພາ​ຕ່ຳ​ ສ​ຫລ ບໍ່​ໃຫ້​ເຂົ້າ​ປະ​ເທດ


ສະ​ມາ​ຊິກ​ສະ​ພາ​ຕ່ຳ Ayanna Pressley (ຈາກ​ລັດ​​ແມັດ​ຊາ​ຈູ​ແຊັ​ສ),Ilhan Omar (ຈາກ​ລັດ​ມິ​ນເນ​ໂຊ​ຕາ), Alexandria Ocasio-Cortez (ຈາກ​ລັດ​ນິວຢອກ) ແລະ Rashida Tlaib (ຈາກ​ລັດ​ມິ​ຊິ​ແກນ).

ອິ​ສ​ຣາ​ແອ​ລ​ໄດ້​ຕ່າວ​ປີ້ນ​ການ​ຕັດ​ສິນ​ໃຈ​ຂອງ​ຕົນ ທີ່​ໄດ້ຫ້າມ​ສະ​ມາ​ຊິກ​ສະ​ພາ​ຕ່ຳ​ສະ​ຫະ​ລັດບໍ່​ໃຫ້​ເຂົ້າ​ປະ​ເທດນັ້ນ.

​ໃນ​ວັນສຸກມື້ນີ້ ກະ​ຊວງ​ພາຍ​ໃນ​ອິ​ສ​ຣາ​ແອ​ລ​ເວົ້າ​ວ່າ ຕົນ​ຈະອະ​ນຸ​ຍາດ​ໃຫ້ສະ​ມາ​ຊິກ​ສະ​ພາ​ຕ່ຳ ຣາຊີ​ດາ ຕ​ລາ​ອິບ (Rashida Tlaib) ເຂົ້າ​ໄປ​ປະ​ເທດ​ ຕົນ​ໄດ້ ຍ້ອນ​ເຫດ​ຜົນ​ດ້ານ “ມະ​ນຸດ​ສະ​ທຳ” ເພື່ອ​ໃຫ້​ທ່ານ​ນາງໄດ້​ໄປ​ຢ້ຽມ​ແມ່​ຂອງ​ທ່ານ​ນາງ ທີ່​ເປັນ​ຄົນ​ປາ​ແລ​ສ​ໂຕ​ນ໌ ນັ້ນ​.

ອິ​ສ​ຣາ​ແອ​ລ​ກ່າວ​ໃນ​ວັນ​ພະ​ຫັດ​ວານນີ້ວ່າ ຕົນ​ຈະ​ບໍ່​ອະ​ນຸ​ຍາດ​ໃຫ້ສະ​ມາ​ຊິກ​ສະ​ພາ​ຕ່ຳ ຕ​ລາ​ອິບ (Tlaib) ແລະ ອິ​ລ​ຮານ ໂອ​ມາ (Ilhan Omar) ​ເຂົ້າ​ໄປປະ​ເທດ​ຕົນ ຊຶ່ງ​ພາ​ໃຫ້​ເກີດ​ມີ​ການຖົກ​ຖຽງ​ກັນຮອບ​ໃໝ່ ກ່ຽວ​ກັບ​ການ​ສະ​ໜັບ​ສະ​ໜຸນ​ຂອງ​ສະ​ຫະ​ລັດຕໍ່​ພັນ​ທະ​ມິດ​ຂອງ​ຕົນ​ຢູ່​ໃນ​ເຂດພາກ​ຕາ​ເວັນ​ອອກ​ກາງ.

ຊື່​ຂອງທ່ານ​ນາງ​ໂອ​ມາ ບໍ່​ໄດ້​ຖືກ​ກ່າວ​ເຖິງ ໃນ​ການ​ປະ​ກາດ​ຂອງ​ອິ​ສ​ຣາ​ແອ​ລ​ໃນ​ວັນ​ສຸກມື້ນີ້.

ສະມາຊິກສະພາຕ່ຳສອງທ່ານນີ້ ໄດ້ຕຳໜິອິສຣາແອລ ແລະການປະຕິບັດຂອງປະເທດດັ່ງ ກ່າວຕໍ່ຊາວປາແລສໄຕນ໌ຢ່າງແຮງ. ພວກເພິ່ນມີແຜນທີ່ຈະໄປຢ້ຽມຢາມອິສຣາແອລ ແລະ ຫລາຍເມືອງຢູ່ໃນເຂດຝັ່ງຕາເວັນຕົກຂອງແມ່ນ້ຳຈໍແດນ ໃນບໍ່ເທົ່າໃດມື້ຕໍ່ໜ້ານີ້.

ຮອງ​ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ​ອິ​ສ​ຣາ​ແອ​ລ, ​ທີ​ຟີ ໂຮໂຕ​ເວ​ລີ ກ່າວ​ຕໍ່​ທ່ານ​ຄານ (Kan) ນັກ​ຂ່າວ​ໂທ​ລະ​ພາບ​ຂອງທາງ​ການ​ອິ​ສ​ຣາ​ແອ​ລ ວ່າ "ພວກ​ເຮົາ​ຈະ​ບໍ່​ອະ​ນຸ​ຍາດ​ໃຫ້​ພວກ​ທີ່ປະ​ຕິ​ເສດບໍ່​ໃຫ້​ສິດ​ແກ່​ພວກ​ເຮົາ​ຍືນ​ຍົງ​ຄົງ​ຕົວ​ຢູ່​ໃນ​ໂລກນີ້ໄດ້ ເຂົ້າ​ມາ​ອິ​ສ​ຣາແອ​ລ. ຕາມ​ຫລັກ​ການ​ແລ້ວ, ອັນ​ນີ້​ເປັນ​ການ​ຕັດ​ສິນ​ໃຈ​ທີ່​ສົມ​ເຫດສົມ​ຜົນ​ຫລາຍ​ທີ່​ສຸດ​.”

ປະ​ທາ​ນາ​ທິ​ບໍ​ດີ​ດໍ​ໂນ​ລ ທ​ຣຳ​ ຂອງ​ສະ​ຫະ​ລັດ​ຂຽນ​ລົງ​ໃນ​ທວີດ​ເຕີ​ໃນ​ເວ​ລາບໍ່ດົນ​ພໍ​ເທົ່າ​ໃດ ກ່ອນ​ຈະ​ມີຄຳ​ປະ​ກາດ​ດັ່ງ​ກ່າວນັ້​ນອອກ​ມາວ່າ "ມັນ​ຈະ​ສະ​ແດງ​ໃຫ້​ເຫັນ​ເຖິງ​ຄວາມອ່ອນ​ແອຫລາຍ​ທີ່​ສຸດ ຖ້າ​ຫາກອິ​ສ​ຣາ​ແອ​ລອະ​ນຸ​ຍາດ​ໃຫ້ສະ​ມາ​ຊິກ​ສະ​ພາ​ຕ່ຳໂອ​ມາ ແລະສະ​ມາ​ຊິກ​ສະ​ພາ​ຕ່ຳຕ​ລາ​ອິບ ໄປ​ຢ້ຽມ​ຢາມ​ປະ​ເທດ​ຕົນ.

ພວກ​ເຂົາ​ເຈົ້າ​ກຽດ​ຊັງ​ອິ​ສ​ຣາ​ແອ​ລ ແລະ ຄົນ​ຢິວ​ທັງໆ​ໝົດ ​ແລະ ບໍ່​ມີ​ສິ່ງ​ໃດທີ່​ຈະ​ສາ​ມາດ​ເຮັດ​ໃຫ້​ເຂົາ​ເຈົ້າ​ປ່ຽນໃຈ​ໄດ້."

https://twitter.com/realDonaldTrump/status/1162000480681287683
ໃນ​ເວ​ລາ​ຕໍ່​ມາ, ທ່ານ​ທ​ຣຳ​ ໄດ້​ໃຫ້​ເຫດ​ຜົນ​ເພື່ອ​ປົກ​ປ້ອງ​ການ​ຕັດ​ສິນ​ໃຈ​ຂອງອິ​ສ​ຣາ​ແອ​ລ. ທ່ານ​ກ່າ​ວວ່າ “ຂ້າ​ພະ​ເຈົ້າ​ຄິດບໍ່​ອອກ​ເລີຍ​ວ່າ ເປັນ​ຫຍັງ​ອິ​ສ​ຣາ​ແອ​ລ ຈະ​ປ່ອຍ​ໃຫ້​ເຂົາ​ເຈົ້າ​ໄປ​ໄດ້,” ໂດຍ​ໄດ້​ກ່າວ​ລຶ້ມ​ຄືນ​ອີກວ່າ ສະ​ມາ​ຊິກ​ສະ​ພາ​ຕ່ຳສອງ​ຄົນ​ນັ້ນ “ຕໍ່​ຕ້ານ​ຄົນ​ຢິວ ​ຢ່າງ​ແຮງ ແລະ ຕໍ່​ຕ້ານ​ຄົນ​ຢິວ ຢ່າງ​ແຮງ."

ປະ​ທານ​ສະ​ພາ​ຕ່ຳ ແນນ​ຊີ ເປໂລ​ຊີ (Nancy Pelosi) ເວົ້າ​ວ່າ ຄຳ​ເຫັນ​ຂອງ​ປະ​ທາ​ນາ​ທິ​ບໍ​ດີ "ເປັນ​ສັນ​ຍານ​ບົ່ງ​ບອກ​ໃຫ້​ຮູ້​ວ່າ ບໍ່​ຮູ້​ຈັກ​ຫຍັງ ແລະ​ຂາດ​ຄວາມ​ນັບ​ຖື​ຄົນ​ອື່ນ, ແລະ​ບໍ່​ສົມ​ກຽດ​ສັກ​ສີ​ ຂອງ​ຫ້ອງ​ການ​ປະ​ທາ​ນາ​ທິ​ບໍ​ດີ.” ທ່ານ​ນາງ ເປ​ໂລ​ຊີ​ ກ່າວຢືນ​ຢັນ​ຄືນອີກ​ເຖິງ​ຄວາມ​ຮັກ​ຂອງ​ເພິ່ນ ​ຕໍ່​ອິ​ສ​ຣາ​ແອ​ລ ແຕ່​ວ່າ ການ​ເຄື່ອນ​ໄຫວ​ເພື່ອ​ຫ້າມບໍ່​ໃຫ້​ທ່ານ​ນາງໂອ​ມາ ແລະ​ຕລາ​ອິບເຂົ້າ​ໄປ​ໃນ​ປະ​ເທດ ນັ້ນ “ເປັນ​ສັນ​ຍານ​ບົ່ງ​ບອກ​ໃຫ້​ເຫັນ​ເຖິງ​ຄວາມ​ອ່ອນ​ແອ ແລະ​ບໍ່​ສົມ​ເປັນ​ປະ​ເທດ​ອິ​ສ​ແອ​ລທີ່​ດີ​ຍິ່ງ​ເລີຍ."

ການ​ຕຳ​ໜິ​ຂອງ​ທ່ານ​ນາງ ໂອ​ມາ ແລະ​ຕລາ​ອິບຕໍ່​ອິ​ສ​ຣາ​ແອ​ລ​ຢູ່​ເລື້ອຍໆ ໄດ້​ພາ​ໃຫ້​ມີ​ການກ່າວຫາ​ວ່າ​ພວກ​ເພິ່ນ​ຕໍ່​ຕ້ານ​ຄົນ​ຢິວ​ຢູ່​ຕັ້ງ​ຫລາຍ​ເດືອນ. ​ທ່ານ​ນາງ ໂອ​ມາ ໄດ້​ຖືກ​ຄະ​ນະ​ນຳ​ພາຈາກ​ພັກ​ຂອງ​ທ່ານ​ນາງ​ເອງ ຢູ່​ໃນ​ລັດ​ຖະ​ສະ​ພາ​ຕຳ​ໜິ​ວ່າ ກໍ່​ໃຫ້​ເກີດ​ພາບຂອງ​ຄວາມ​ຮຸນ​ແຮງກ່ຽວ​ກັບ​ຄົນ​ຢິວ ແລະ​ເງິນ ຢູ່​ໃນ​ສື່​ສັງ​ຄົມ​ອອນ​ລາຍ​ໃນ​ຕອນ​ຕົ້ນໆ​ປີນີ້.

ທ່ານ​ນາງ​ໂອ​ມາ​ເວົ້າ​ວ່າການ​ທີ່​ລັດ​ຖະ​ບານ​ອິ​ສ​ຣາ​ແອ​ລຫ້າມ ບໍ່​ໃຫ້​ທ່ານ​ນາງ​ເຂົ້າ​ໄປ​ໃນ​ປະ​ເທດ​ ແມ່ນກີດ​ກັນ​ບໍ່ໃຫ້​ທ່ານ​ນາງປະ​ຕິ​ບັດ​ໜ້າ​ທີ່​ຂອງ​ຕົນ​ ໃນ​ນາມ​ທີ່ເປັນ​ສະ​ມາ​ຊິກ​ຂອງ​ລັດ​ຖະ​ສະ​ພາ​ຄົນ​ນຶ່ງ ໄດ້.

ອ່ານ​ຂ່າວນີ້​ເພີ້ມ​ເປັນ​ພາ​ສາ​ອັງ​ກິດ​ຢູ່​ລຸ່ມນີ້

Israel has reversed its decision to bar a visit to Israel by a U.S. congresswoman.

The interior ministry said Friday it will allow Representative Rashida Tlaib to visit on "humanitarian" grounds to see her Palestinian grandmother.

Israel said Thursday it would not allow Tlaib and Rep Ilhan Omar to enter the country, setting off a new round of controversy in the debate over U.S. support for its ally in the Middle East.

Omar was not mentioned in Israel's announcement Friday.

The two Democratic lawmakers have been vocal critics of Israel and its treatment of Palestinians. They were set to visit Israel and several cities in the West Bank.

Israeli Deputy Foreign Minister Tzipi Hotovelytold public broadcaster Kan on Thursday, "We won't allow those who deny our right to exist in this world to enter Israel. In principle, this is a very justified decision."

U.S. President Donald Trump tweeted shortly before Thursday's announcement, writing, "It would show great weakness if Israel allowed Rep. Omar and Rep. Tlaib to visit. They hate Israel & all Jewish people, & there is nothing that can be said or done to change their minds."
[[https://twitter.com/realDonaldTrump/status/1162000480681287683]]

Later in the day, Trump defended the Israeli decision. "I can't imagine why Israel would let them in," he said, repeating that the two lawmakers were "very anti Jewish and very anti Israel."

House Speaker Nancy Pelosi said the president's comments "are a sign of ignorance and disrespect, and beneath the dignity of the Office of the President." Pelosi reaffirmed her love of Israel but said the move to deny entry to Omar and Tlaib "is a sign of weakness, and beneath the dignity of the great state of Israel."

Omar and Tlaib's frequent criticism of Israel has drawn accusations of anti-Semitism for months. Omar was condemned by the congressional leadership in her own party for invoking an offensive trope about Jews and money in social media postings earlier this year.

Omar said the Israeli government's ban on her entry into the country prevented her from fulfilling her duties as a member of the U.S. Congress.

Tlaib tweeted a photograph of her Palestinian grandmother, who she said "deserves to live in peace & with human dignity."

[[https://twitter.com/RashidaTlaib/status/1162073791595470849]]

Omar and the Palestinian-American Tlaib are supporters of BDS (Boycott, Divestment, Sanctions), a nonviolent movement that seeks to economically pressure Israel into ending its occupation of the West Bank, among other goals. Some advocates of BDS support a single-state solution that critics say would lead to the destruction of the Jewish state.

The freshman members of Congress have repeatedly presented a challenge for the House Democratic leadership, as their outspoken statements on U.S. policy in the Middle East have drawn Trump's attention.

Omar and Tlaib were two of four House Democratic freshman members of color whom the president has said should "go back" to their home countries. Omar — a naturalized U.S. citizen from Somalia — is the only one of the four who was born outside the United States. The president's supporters chanted, "Send her back" after Trump mentioned the congresswoman at a rally earlier this year. The president later said he did not like those chants.

The Democratic-led U.S. House of Representatives passed a resolution in July condemning the BDS movement. Both Omar and Tlaib voted against that resolution.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG