ລິ້ງ ສຳຫລັບເຂົ້າຫາ

logo-print

ລູກ​ສອນ​ໄຟ ໄວ​ກວ່າ​ສຽງ ທີ່​ສາ​ມາດຕິດ ລະ​ເບີດ​ທຳ​ມະ​ດາ ແລະ​ນິວ​ເຄ​ລຍໄດ້ ເປັນ​ໄພ​ຂົ່ມ​ຂູ່ ຕໍ່​ໂລກ​ຂອງເຮົາ


ຮູບ​ຈາກວີ​ດີ​ໂອ ຂອງ​ໂທ​ລະ​ພາບ RU-RTR ຂອງ​ຣັດ​ເຊຍ ເມື່ອ​ວັນ​ທີ 1 ມີ​ນາ 2018 ທີ່​ສະ​ແດງ​ໃຫ້​ເຫັນ ລູກ​ສອນ​ໄຟ​ອາ​ວັງ​ກາດ ທີ່​ໄວ​ກວ່​າ​ສຽງ ທີ່​ເຮັດ​ຂຶ້ນ​ໂດຍ​ຄອມ​ພິວ​ເຕີ້ ເພື່ອຫຼົບ​ຫຼີກ​ລະ​ບົບ​ປ້ອງ​ກັນ​ລູກ​ສອນ​ໄຟ ໄປ​ຫາ​ເປົ້າ​ໝາຍ.

ເທັກ​ໂນ​ໂລ​ຈີ​ລູກ​ສອນ​ໄຟ ​ຊະ​ນິດ​ໃໝ່ ຮວມ​ທັງ​ອັນ​ທີ່​ເອີ້ນ​ວ່າ ລະ​ບົບ​ລູກ​ສອນ​ໄຟຄວາມ ໄວ​ສູງທີ່​ສາ​ມາດ​ເດີນ​ທາງ​ໄວ​ກວ່າ​ສຽງ 25 ເທື່ອນັ້ນ ພວມ​ພາ​ໃຫ້​ມີການ​ແຂ່ງ​ຂັນ​ອາ​ວຸດ​ຮອບ​ໃໝ່​ຢູ່​ໃນ​ທົ່ວ​ໂລກ ອີງ​ຕາມ​ລາຍ​ງານ​ທີ່​ຫາ​ກໍ​ອອກ​ເມື່ອໄວໆ​ມານີ້. ນັກ​ຄົ້ນ​ຄວ້າ​ເຕືອນ​ວ່າການພັງ​ທະ​ລາຍ​ລົງ​ຂອງ​ສົນ​ທິ​ສັນ​ຍາກຳ​ລັງອາ​ວຸດນິວ​ເຄ​ລຍ​ໄລ​ຍະ​ປານ​ກາງລະ​ຫວ່າງ​ສະ​ຫະ​ລັດ​ກັບ​ຣັດ​ເຊຍ ໃນ​ເດືອນແລ້ວນີ້ ແມ່ນ​ເປັນ​ຕົວ​ຢ່າງ​ອັນ​ຫຼ້າ​ສຸດ ຂອງ​ຄວາມ​ກົດ​ດັນ​ທີ່​ເພີ້ມ​ທະ​ວີ​ຂຶ້ນ​ຕໍ່​ໂຄງຮ່າງ​ຄວາມ​ໝັ້ນ​ຄົງ​ຂອງ​ໂລກ ແລະ​ຄວາມ​ຕ້ອງ​ການ​ຢ່າງ​ຮີບ​ດ່ວນເພື່ອ​ໃຫ້​ບັນ​ລຸສົນ​ທິ​ສັນ​ຍາ​ສະ​ບັບ​ໃໝ່ສຳ​ລັບ​ຮັບ​ມື​ກັບ​ເທັກ​ໂນ​ໂລ​ຈີດັ່ງ​ກ່າວ. ເຮັນ​ຣີ ຣິ​ຈ​ແວ​ລ ນັກ​ຂ່າວ​ຂອງວີ​ໂອ​ເອ ມີ​ລາຍ​ງານ​ກ່ຽວ​ກັບ​ເລື້ອງນີ້ ຊຶ່ງໄພ​ສານຈະນຳເອົາລາຍ ລະອຽດ ມາສະເໜີທ່ານ ໃນອັນດັບຕໍ່ໄປ.

ຣັດ​ເຊຍ ​ໄດ້​ຍິງທົດ​ລອງລະ​ບົບ​ລູກ​ສອນ​ໄຟ​ອາ​ວັງ​ກາດທີ່​ໄວ​ກວ່າ​ສຽງ​ ໃນ​ເດືອນ​ທັນ​ວາ​ ປີກາຍ. ມົ​ສ​ກູ​ກ່າວ​ອ້າງວ່າ ລູກ​ສອນ​ໄຟ​ດັ່ງ​ກ່າວ ​ສາ​ມາດ​ເດີນ ທາງ​ດ້ວຍຄວາມ​ໄວ 11,000 ​ກວ່​າກິ​ໂລ​ແມັດ​ຕໍ່​ຊົ່ວ​ໂມງ ແລະ​ສາ​ມາດ​ຫຼົບ​ຫລີກລະ​ບົບ​ປ້ອງ​ກັນ​ທາງ​ອາ​ກາດ ດັ່ງທີ່​ເຈົ້າ​ໜ້າ​ທີ່​ກະ​ຊວງ​ປ້ອງ​ກັນ​ປະ​ເທດ​ຄົນ​ນີ້ ໄດ້ສະ​ແດງ​ໃຫ້​ເບິ່ງ.

ລະ​ບົບ​ທີ່​ຮູ້​ກັນ​ໃນ​ຊື່ ​ຍານ​ເວີ່ນ​ໄວ​ກວ່​າ​ສຽງ​ນີ້ສາ​ມາດ​ບັນ​ທຸກ​ຫົວ​ລະ​ເບີດ​ນິວ​ເຄ​ລຍ​ແລະ​ລະ​ເບີດ​ທຳ​ມະ​ດາ​ໄດ້. ຣັດ​ເຊຍ​ກ່າວ​ວ່າ ລູກ​ສອນ​ໄຟ​ອາ​ວັງ​ກາດ​ຂອງ​ຕົນ​ກຳລັງ​ຢູ່​ໃນ​ຂັ້ນ​ຕອນ​ການ​ຜະ​ລິດ.

​ສະ​ຫະ​ລັດ ຈີນ ແລະ​ອອ​ສ​ເຕ​ຣ​ເລຍ ກໍ​ພວມ​ຢູ່​ໃນ​ຂັ້ນ​ຕອນ​ການ​ພັດ​ທະ​ນາ​ລະ​ບົບ​ອາ​ວຸດ​ດັ່ງ​ກ່າວ​ຂອງ​ຕົນ ອີງ​ຕາມ​ລາຍ​ງານ ທີ່​ຂຽນ​ໂດຍ​ທ່ານນາງຄາ​ຕາ​ຊີ​ນາ ກູ​ບີ​ອັກ ນັກ​ວິ​ເຄາະ​ຈາກ​ກຸ່ມ​ຕາ​ໜ່າງ​ຜູ້​ນຳ​ຢູ​ໂຣບ ຊຶ່ງ​ນາງ​ກູ​ບີ​ອັກ ກ່າວ​ກ່ຽວ​ກັບ​ເລື້ອງນີ້​ວ່າ:

“ລູກ​ສອນ​ໄຟ​ເຫຼົ່າ​ນີ້ ຈະ​ເໜືອກວ່າ​ລະ​ບົບ​ລູກ​ສອນ​ໄຟ​ທີ່​ມີ​ຢູ່​ໃນ​ປັດ​ຈຸ​ບັນ ທັງ​ໃນ​ດ້ານ​ຄວາມ​ໄວ ແລະ​ໂດຍ​ຜ່ານ​ການ​ປັບ​ໂຕ ແລະ​ກໍຈະສາ​ມາດ​ເລັດ​ລອດ​ຜ່ານ​ລະບົບ​ປ້ອງ​ກັນ​ທາງ​ອາ​ກາດ​ແລະ​ລະ​ບົບ​ປ້ອງ​ກັນ​ລູກ​ສອນ​ໄຟ​ທີ່​ມີ​ຢູ່ ສຳ​ລັບ​ຫຼາຍໆ​ປີຕໍ່​ໜ້າ ແລະ​ນອກ​ເໜືອ​ໄປ​ຈາກນີ້​ແລ້ວ ພວກ​ເຮົາ​ຍັງ​ຮູ້​ເຫັນ​ເປັນ​ພ​ະ​ຍານ​ໃນ​ການສຳ​ຫຼວດ​ຊອກ​ຫາ​ເທັກ​ໂນ​ໂລ​ຈີ​ຕໍ່​ຕ້ານ​ດາວ​ທຽມທີ່​ຮວມ​ທັງ​ລູກ​ສອນ​ໄຟ​ນຳ​ດ້ວຍ.”

ການ​ພັດ​ທະ​ນາ​ລູກ​ສອນ​ໄຟ ​ທີ່​ມີ​ຄວາມ​ສາ​ມາດ​ທັງ​ບັນ​ທຸກ​ລູກ​ລະ​ເບີດ​ທຳ​ມະ​ດາ​ແລະ​ຫົວ​ລະ​ເບີດ​ນິວ​ເຄ​ລຍ​ໄດ້​ນັ້ນ ແມ່ນ​ໄດ້​ນຳ​ສະ​ເໜີ​ ຄວາມ​ຄຸມ​ເຄືອ​ໃນ​ລະ​ດັບໃໝ່ ແລະ​ຄວາມ​ເປັນ​ໄປ​ໄດ້​ໃນ​ການ​ຄາດ​ຄຳ​ນວນ​ທີ່​ຜິດ​ພາດ​ຢ່າງ​ຮ້າຍ​ແຮງ ຊຶ່ງທ່ານນາງ​ກູ​ບີ​ອັກ​ກ່າວ​ວ່​າ:

“ດັ່ງ​ນັ້ນ ໃນ​ເວ​ລາ​ທີ່​ເກີດ​ວິ​ກິດ​ການ ພວກ​ທະ​ຫານ​ຈະ​ໄດ້​ຮັບ​ຄວາມ​ກົດ​ດັນ​ຢ່າງໜັກ ແລະ​ບໍ່​ຮູ້​ວ່າ ມີ​ການ​ຍິງ​ລູກ​ສອນ​ໄຟ​ປະ​ເພດ​ໃດ​ໄປ​ໃສ່​ເຂົາ​ເຈົ້າ ພວກ​ເຂົາເຈົ້າ​ອາດ​ຈະ​ຄາດ​ເດົາ​ວ່າ​ເປັນ​ສະ​ຖາ​ນະ​ການ​ທີ່​ຮ້າຍ​ແຮງ​ສຸດຫຼື​ຊັ່ງ​ຊາ​ເບິ່ງ​ສະ​ຖານະ​ການ​ທີ່​ບໍ່​ຖືກ​ຕ້ອງ ຊຶ່ງ​ອາດ​ຈະ​ນຳ​ພາ​ໄປ​ສູ່​ ການ​ເຮັດ​ໃຫ້​ສະ​ຖາ​ນະ​ການ​ຮ້າຍແຮງ​ຂຶ້ນ​ແບບ​ບໍ່​ໄດ້​ຕັ້ງ​ໃຈ.”

ການ​ຍິງ​ທົດ​ລອງ​ລູກ​ສອນ​ໄຟ​ທີ່​ປະ​ສົບ​ກັບ​ຄວາມ​ລົ້ມ​ແຫຼວ​ຢູ່​ໃນ​ເຂດ​ຂົ້ວ​ໂລກ​ເໜືອຂອງ​ຣັດ​ເຊຍ​ເມື່ອ​ຕົ້ນ​ເດືອນນີ້ ເຮັດ​ໃຫ້​ພວກ​ຄົນ​ງານ​ຢ່າງ​ໜ້ອຍ 5 ຄົນ​ເສຍ​ຊີ​ວິດແລະ​ເຮັດ​ໃຫ້​ລະ​ດັບ​ຂອງ​ກຳ​ມັນ​ຕະ​ພາບ​ລັງ​ສີ​ຢູ່​ໃນ​ເຂດ​ດັ່ງ​ກ່າວ​ເພີ້ມ​ຂຶ້ນ​ຢ່າງ​ຫຼວງ​ຫຼາຍ ຊຶ່ງ​ໄດ້​ສະ​ແດງ​ໃຫ້​ເຫັນ​ເຖິງ​ຄວາມ​ເປັນ​ຫ່ວງ​ຂອງ​ໂລກກ່ຽວ​ກັບ​ການ​ພັດ​ທະນາ​ລູກ​ສອນ​ໄຟທີ່​ຂັບ​ດັນ​ໂດຍພະ​ລັງ​ນິວ​ເຄ​ລຍ​ຂອງ​ມົ​ສ​ກູ.

ທ່ານ​ນາງ​ກູ​ບີ​ອັກ​ກ່າວ​ວ່າ ໂຄງ​ຮ່າງ​ຄວາມ​ໝັ້ນ​ຄົງ​ຂອງ​ໂລກ ທີ່​ຫ້ອມ​ລ້ອມ​ການ​ແຜ່​ຜາຍ​ລູກ​ສອນ​ໄຟນັ້ນ​ ພວມ​ປະ​ສົບ​ກັບ​ບັນ​ຫາ ​ຂະ​ໜາດ​ໃຫຍ່ ແລະ​ຈະ​ນຳ​ບໍ່​ທັນການ​ພັ​ດ​ທະ​ນາ​ຂອງ​ເທັກ​ໂນ​ໂລ​ຈີ ທີ່​ລ້ຳ​ໜ້າ​ຢ່າງວ່ອງ​ໄວນັ້ນ.​ ທ່ານ​ນາງ​ກູ​ບີ​ອັກ ກ່າວວ​ວ່າ:

“ລະ​ບົບ​ການ​ຄຳ​ນວນ​ດ້ານຄວາມ​ໝັ້ນ​ຄົງ ​ທີ່​ສັບ​ສົນ​ຢູ່​ແລ້ວ ​ຍິ່ງ​ຈະ​ມີ​ຄວາມ​ຫຍຸ້ງ​ຍາກ​ຕື່ມ​ຂຶ້ນ ດັ່ງ​ນັ້ນການ​ແຜ່​ຜາຍ​ຂອງ​ລູກ​ສອນ​ໄຟ​ຢ່າງ​ເປັນ​ອິດ​ສະ​ຫຼະ ຍິ່ງ​ຈະ​ເຮັດ​ໃຫ້​ການ​ແຂ່ງ​ຂັນ​ລະ​ຫວ່າງ​ປະ​ເທດ ມີ​ຄວາມ​ຮ້າຍ​ແຮງ​ຕື່ມ​ຂຶ້ນ ມັນ​ຈະ​ເຮັດ​ໃຫ້​ຕົ້ນທຶນ​ໃນ​ການ​ຮັກ​ສາ​ສະ​ຖຽນ​ລະ​ພາບ ຢູ່​ໃນ​ພູ​ມີ​ພາກ ແລະ​ໃນ​ທົ່ວ​ໂລກ​ສູງ​ຂຶ້ນ ມັນຈະ​ເຮັດ​ໃຫ້​ຕົ້ນ​ທຶນ ແລະ​ຄວາມ​ສ່ຽງ ​ໃນ​ການສູ້​ລົບ​ຫຼື​ປະ​ເຊີນ​ໜ້າ​ກັນທາງ​ທະ​ຫານ​ສູງ​ຂຶ້ນ.”

ລາຍ​ງານ​ກ່າວ​ວ່າ ປະ​ຊາ​ຄົມ​ນາໆ​ຊາດ​ ມີ​ຄວາມ​ຈຳ​ເປັນ ​ທີ່​ຈະ​ຕ້ອງ​ນຳ​ເອົາ ​ເລື້ອງ​ລູກ​ສອນໄຟ ເຂົ້າໄວ້​ເປັນ​ຫົວ​ຂໍ້​ສຳ​ຄັນ​ທາງ​ດ້ານ​ການ​ເມືອງຮວມ​ທັງ​ເສີມ​ຂະ​ຫຍາຍການ​ຫ້າມ​ແຜ່​ຜາຍ​ທີ່​ມີ​ຢູ່​ໃນ​ປັດ​ຈຸ​ບັນ​ແລະ​ມາດ​ຕະ​ການ​ທີ່​ໂປ່ງ​ໃສ ແລະ​ເຈ​ລະ​ຈາສົນ​ທິ​ສັນ​ຍາ​ເພື່ອ​ແກ້​ໄຂ​ບັນ​ຫາ​ເທັກ​ໂນ​ໂລ​ຈີໃໝ່​ກ່ຽວ​ກັບລູກ​ສອນ​ໄຟ.

New missile technologiesincluding so-called hypersonic systems capable of travelling at more than 25 times the speed of soundare fuelling a new global arms race, according to a new report. The research warns that the collapse of the Intermediate Range Nuclear Forces Treaty between the United States and Russia last month is just the latest example of the growing pressure on the global security architectureand new treaties are urgently needed to counter the threat of emerging technologies. Henry Ridgwell reports.

Russia conducted a test flight of its Avangard hypersonic missile system December last year. Moscow claims it travels at over 11 thousand kilometers per hour and is able to evade defense systemsas this Russian Defense Ministry animation shows.

The systemknown as a hypersonic glide vehiclewould be able to carry nuclear and conventional payloads. Russia says the Avangard is now under serial production.

The United States, China and Australia are also developing their own systems, says report author Katarzyna Kubiak of analyst group the European Leadership Network.

Katarzyna Kubiak, European Leadership Network:

"These are going to outmatch existing missile systems by speed and by maneuverability, and are going to be able to potentially bypass any existing air and missile defense systems for years to come. And on top of this we also witness an exploration in anti-satellite technologies which include missiles."

The development of dual-capable missilescapable of carrying conventional or nuclear warheadshas introduced a new level of ambiguity and the potential for devastating miscalculation.

Katarzyna Kubiak, European Leadership Network:

"So in a crisis situation the military is acting under very heavy pressure. And not knowing what kind of missile is flying into them, they might either assume the worst case scenario or misjudge a situation which could then lead to an inadvertent escalation."

The failed test of a missile in the Russian Arctic earlier this month killed at least five workers and led to a spike in local radiation levelsunderlining global concerns over Moscow's development of nuclear-propelled missiles.

Kubiak says the global security architecture surrounding missile proliferation is under huge strainand is being rapidly outpaced by developing technology.

Katarzyna Kubiak, European Leadership Network:

"The already very complex security calculus is going to be even harder. So an unbound missile proliferation will aggravate inter-state competition, it's going to increase costs of maintaining regional and global stability, it's going to increase the costs and the risks of military encounters."

The report says the international community urgently needs to put missiles high on the political agendaincluding the strengthening of existing non-proliferation and transparency measures and negotiating treaties to address new missile technologies.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG