ສະພາສິດທິມະນຸດສະຫະປະຊາຊາດ ໄດ້ລົງຄະແນນສຽງ ທີ່ຈະເລີ້ມການສືບສວນຕໍ່
ການກ່າວຫາ ກ່ຽວກັບການສັງຫານຊາວຟິລິບປີນຫຼາຍສິບພັນຄົນ ລະຫວ່າງສົງຄາມຕໍ່
ຕ້ານຢາເສບຕິດຂອງລັດຖະບານ.
ມາດຕະການທີ່ໄດ້ນຳສະເໜີໂດຍໄອຊ໌ແລນດັ່ງກ່າວ ໄດ້ຮັບການອະນຸມັດດ້ວຍຄະແນນ
18 ຕໍ່ 14 ໃນວັນພະຫັດວານນີ້. ມາດຕະການນີ້ໄດ້ອ້າງການສັງຫານແບບຮວບຮັດຕັດ
ຕອນຂອງລັດຖະບານ ການຈັບກຸມໂດຍພາລະການແລະການຫາຍສາບສູນໃນລະ
ຫວ່າງການຄວບຄຸມໂຕຂອງຕຳຫຼວດ ນັບແຕ່ປະທານາທິບໍດີໂຣດຣິໂກ ດູເຕີເຕ ໄດ້
ເລີ້ມປຸກລະດົມຕໍ່ຕ້ານຢາເສບຕິດໃນປີ 2016.
ເອກອັກຄະລັດຖະທູດຟິລິບປີນ ທີ່ນະຄອນເຈນີວາ ທ່ານເອວັນ ກາເຊຍ ໄດ້ປະນາມ
ການເຄື່ອນໄຫວຂອງສະຫະປະຊາດໃນທັນທີ ໂດຍກ່າວວ່າ “ມັນບໍ່ໄດ້ຕາງໜ້າໃຫ້ແກ່
ໄຊຊະນະໃນດ້ານສິດທິມະນຸດ ແຕ່ເປັນການສ້າງເລື້ອງລໍ້ລຽນໃຫ້ແກ່ ສິດທິມະນຸດ.”
ພວກນັກເຄື່ອນໄຫວຟິລິບປີນ ໄດ້ອ້າງວ່າ ມີ 27,000 ຄົນໄດ້ຖືກສັງຫານໃນຂະນະທີ່
ພວກຕຳຫຼວດສ້າງຄວາມຢ້ານກົວໃຫ້ປະຊາຄົມທີ່ທຸກຈົນໂດຍໃຊ້ “ບັນຊີສິ້ງຊອມ” ຢາ
ເສບຕິດ ເພື່ອລະບຸໂຕຜູ້ໃຊ້ ຫຼືຂາຍ. ລັດຖະບານກ່າວວ່າ ມີປະມານ 6,600 ຄົນ ໄດ້ຖືກ
ຂ້າຕາຍໂດຍຕຳຫຼວດຢູ່ໃນການຍິງກັນກັນພວກຄ້າຢາເສບຕິດ.
ການນຳສະເໜີຮ່າງຍັດຕິນີ້ ແມ່ນໄດ້ຮັບການສະໜັບສະໜຸນໂດຍບັນດາກຸ່ມປົກ ປ້ອງ
ສິດທິມະນຸດ. “ການລົງຄະແນນສຽງໄດ້ໃຫ້ຄວາມທວັງແກ່ຫຼາຍພັນຄົນ ທີ່ ບັນດາຄອບ
ຄົວທີ່ເສົ້າໂສກເສຍໃຈ ຢູ່ໃນຟິລິບປິນ” ນັ້ນຄືຄຳຖະແຫຼງຂອງ ອົງການນິລະໂທດສາກົນ
ກ່າວຢູ່ໃນຖະແຫຼງການ. ມັນເປັນບາດກ້າວສຳຄັນທີ່ນຳໄປສູ່ຄວາມຍຸຕິທຳ ແລະຄວາມ
ຮັບຜິດຊອບ.
