ລິ້ງ ສຳຫລັບເຂົ້າຫາ

logo-print

ຟັງການສຳພາດ ເຈົ້າຂອງຮ້ານ ລາວລ້ານຊ້າງ ທີ່ມີ​ຊື່​ສຽງໃນ ນະຄອນຫລວງປາຣີ


ຮ້ານອາຫານ ລາວລ້ານຊ້າງ ຢູ່ທີ່ຖະໜົນ 102 Avenue d'Ivry, 75013 Paris, France.

ທ່ານ​ຜູ້​ຟັງ​ທີ່​ເຄົາ​ລົບ ລາຍ​ການ​ຊີ​ວິດ​ຊາວ​ລາວ​ມື້​ນີ້ ຈະນຳ​ພາ​
ທ່ານ​ໄປ ນະ​ຄອນ​ຫລວງປາ​ຣີ ປະ​ເທດ​ຝຣັ່ງ ເພຶ່ອ​ຟັງການ​ສຳ​
ພາດ ທ່ານທິຣະ ສະມາຊິກ​ຄອບຄົວ ​ສີ​ອັກ​ຄະ​ສອນ ແລະຜູ້​ບໍ​
ລິ​ຫານ ຮ້ານ​ອາ​ຫານ​ລາວລ້ານ​ຊ້າງ ​ທີ​ມີ​ຊື່​ສຽງຢູ່​ຄຸ້​ມ 13 ໃນນະ​
ຄອນຫລວງ​ປາ​ຣີ. ນອກ​ນັ້ນ​ທ່ານ​ຍັງ​ຈະ​ໄດ້ຮຽນ​ຮູ້​ກ່ຽວ​ສາຍ​ພົວ​
ພັນ​ລະ​ຫວ່າງ ​ລາວ​-​ຝ​ຣັ່ງ ທີ່​ໄດ້​ນຳພາ​ ການ​ຕັ້ງ​ປະ​ຊາ​ຄົມລາວ ​
ຢູ່ໃນ​ນະ​ຄອນ​ຫລ​ວງປາ​ຣີ ​ຢ່​າງເປັນ​ຜົນ​ສຳ​ເລັດ ຊຶ່ງ ກິ່ງ​ສະ​ຫວັນ
ຈະ​ນຳ​ເລຶ້ອງ​ນີ້​ມາ​ສະ​ເໜີ​ທ່ານ ໃນ​ອັນ​ດັບ​ຕໍ່​ໄປ​.

ທີ່ຕັ້ງຂອງ ປະເທດຝຣັ່ງ
ທີ່ຕັ້ງຂອງ ປະເທດຝຣັ່ງ

ສະ​ບາຍ​ດີ​ທ່ານ​ຜູ້​ຟັງ​ທີ່​ເຄົາ​ລົບ ​ວັນ​ພະ​ຫັດ​ມື້​ນີ້ ຂ້າພະ​ເຈົ້າຈະ​ນຳ​
ພາ​ທ່ານໄປຢ້ຽ​ມ​ຢາມ​ຖາມ​ຂ່າວ ພີ່ນ້ອງ​ເຊື້ອ​ຊາດ​ລາວ ນັກ​ທຸ​ລະ
​ກິດ​ຮ້ານ​ອາ​ຫານ “ລາວ​ລ້ານ​ຊ້າງ” ທີ່​ນະ​ຄອນຫລວງ​ປາ​ຣີ ປະ​
ເທດ​ຝ​ຣັ່ງ ນອກ​ນັ້ນ​ທ່າ​ນ​ຈະໄດ້ຮູ້ກ່ຽວ​ກັບສາຍ​ພົວ​ພັນ ລະ​ຫວ່າງ
ລາວ-​ຝ​ຣັໍ່ງ ​ແລະບັນ​ຍາ​ກາດສິ່​ງ​ແວດ​ລ້ອມ​ຂອງ ນະ​ຄອນຫລວງ
ອັນງົດງາມ​ຂອງ​ໂລກ​ແຫ່ງ​ນີ້.

​ກ່ອນ​ຈະມີ​ປະ​ຊາຄົມ​ລາວ ແລະ​ຮ້ານ​ອາ​ຫານ​ລາວ​ລ້ານຊ້າງ ທີ​ມີ
ຊື່​ສຽງ​ເກີດ​ຂື້ນ ຢູ່ໃນນະຄອນປາຣີ ນັ້ນ ​ເຮົາ​ຕ້ອງ​ໄດ້ຍ້ອນຄື​ນ​ເບິ່ງ
ສາຍພົວ​ພັນລະ​ຫວ່າງ​ລາວ​ຝ​ຣັ່ງ ທີ່​ມີ​ມາ​ກວ່າຮ້ອຍ​ປີ.ລ້ານຊ້າງແມ່ນຊື່ອານາຈັກຂອງຊົນ
ຊາດລາວ ທີ່ມີຄວາມ​ໂດ່ງດັງໃນປະຫວັດສາດລາວ ຈາກ ຄ.ສ 1353 ຫາ 1778. ເພາະ
ສະນັ້ນເຮົາຈະສັງເກດເຫັນການໃຊ້ຄຳວ່າ ລາວລ້ານຊ້າງຢູ່ຫລາຍໆສະພາບການໃນວົງ
ສັງຄົມລາວ. ຝ​ຣັ່ງ​ໄດ້​ເລີ້ມ​ເຂົ້າໄປ​ປົກ​ຄອງ​ລາວ ໃນ​ປີ 1893 ຈົນ​ເຖິງ​ປີ 1953. ​ຫລັງ​ຈາກ
ລາ​ວ​ໄດ້​ຮັບ​ເອກ​ກະ​ລາດ ພາຍ​ໃຕ້ລະບອບ​ລາຊາທິປະ​ໄຕ ມີຊື່ວ່າ​ພະ​ລາດ​ຊະ​ອາ​ນາ​ຈັກ​ລາວຈາກ 1953 ຫາ 1975 ລະບົບ​ການ​ສຶກສາການ​ໃຊ້ ພາສາ ແລະ​ການ​ປົກ​ຄອງ​ ​ແມ່ນ
ຖືກແຊກ​ແຊງ​ຈາກ​ຝຣັ່ງ​ເປັນ​ສ່ວນ​ໃຫຍ່. ໃນ​ຊ່ວງເວລາດັ່ງ​ກ່າວນີ້ ​ບັນດາລັດຖະກອນ ແລະບັນ​ດານັກ​ສຶກສາລາ​ວ ​ໄດ້​ເດີນທາງ​ໄປ​ອົບ​ຮົມ ​ແລະຮຳ່ຮຽນ​ຢູ່ປະ​ເທດ​ຝ​ຣັ່ງເປັນ​ປະ​ຈໍາ. ​ໃນ​
ປີ 1973 ຫາ 1975 ​ໃນຂະນະທີ່​ມີ​ການຕັ້ງ​ລັດຖະບານ ປະສົມອັນ​ມີຄະນະ​ແນວ​ລາວ​ຮັກ​ຊາດ ​ແລະລັດຖະບານ ພະ​ລາດຊະອານາ​ຈັກ​ລາວ ​ຮວມກັນ​ປົກຄອງ​ປະ​ເທດ​ນັ້ນ ບັນ​ດາ
ຊາວ​ໜຸ່ມ​ລາວ​ຍິງ ​ແລະ​ຊາຍໄດ້ພາ​ກັນ​ແຕກ​ຕຶ່ນ​ເດີນ​ທາງເຂົ້າມາປະ​ເທດ​ຝ​ຣັ່ງ ຢ່າງຫລວງ
​ຫລາຍ.​ ​ສອງ​ປີ​ຕໍ່​ມາ 1975 ​ຝຣັ່ງ ແມ່ນຢູ່​ໃນ​ບັນ​ດາປະເທດ​ຕ່າງໆ ທີ່​ໄດ້ຮັບ​ເອົາຊາ​ວອົ​ບ
​ພະ​ຍົບ​ອິນດູຈີນ ຮວມ​ທັງ​ລາວ ເຂົ້າໄປຕັ້ງ​ຊີ​ວິດ​ໃໝ່ .

ທິວທັດ ນະຄອນຫລວງປາຣີ ແລະແມ່ນຳ້ Saine ໄຫລອ້ອມເມືອງ
ທິວທັດ ນະຄອນຫລວງປາຣີ ແລະແມ່ນຳ້ Saine ໄຫລອ້ອມເມືອງ

ປະ​ເທ​ດຝຣັ່ງ ​ມີ​ເນື້ອ​ທີ່ຢູ່ 247,367 ຕາລາງ​ໄມ ແບ່ງອອກເປັນ
39 ແຂວງ ປັດ​ຈຸ​ບັ​ນີ້​ ມີ​ປະຊາ​ກອນກວ່າ 63 ລ້ານ​ຄົນ ຮວມ​ທັງ
​ປະ​ຊາ​ກອນເຊື້ອ​ຊາດລາວ-​ຝ​ຣັ່ງ ເກືອບ​ສອງ​ແສນ​ຄົນທີ່ຕັ້ງ​
ຖິ່ນ​ຖານ​ຢູ່​ທົ່ວ​ປະ​ເທດ. ນະຄອນຫລວງ​ປາຣີ ​ໄດ້​ຖືກ​ສະ​ຖາ​ປະ
​ນາ​ຂື້ນ​ມາ​ເມື່ອ 2000 ກວ່າປີ​ກ່ອນ ເປັນ​ທີ່​ຮູ້​ກັນ​ແກ່​ຊາວ​ໂລກຢູ່​
ໃນ​ສະ​ໄໝ​ໃໝ່ວ່າ “the City of Light” ຫລື ເມຶອງແຫ່ງແສງ​
ໄຟ ອ້າງ​ອີງ​ຕາມ​ສະ​ຖິ​ຕີ​ປີ 2013 ໄດ້​ມີ​ນັກ​ທ່ອງ​ທ່ຽວ​ໄປ​ຢ້ຽມ​
ຢາມ​ເຖິງ 84 ລ້ານ 7 ແສນ​ຄົນໃນ​ປີ​ນຶ່ງ ຫລາຍ​ທີ່​ສຸດ​ໃນ​ໂລກ.
​ນະ​ຄອນຫລວງປາ​ຣີ ມີ​ຊື່​ສຽງດ້ານກາ​ນວາງ​ແຜນ​ເມືອງ ​ສິນ​ລະ​
ປະ​ເຄ​ຫາ​ສະ​ຖານ ​ຫໍ​ພິ​ພິດ​ຕະ​ພັນ ໂບດ ບ່ອນ shopping ສວນ​ສາ​ທາ​ລະ​ນະ ຮ້ານ​ກາ​ເຟຕາມແຄມ​ທາງ ​ມີຖະ​ໜົນ​ຫລວງ​ກວ້າງ​ໃຫຍ່​ທີ່​ງົດ​ງານ ​ການ​ປຸງ​ແຕ່ງອາ​ຫານ​ຊັ້ນ​ນຶ່ງ​ຂອງ​ໂລກແລະ​ມີ​ອີກ​ຊື່​ນຶ່ງ​ວ່າ ເມືອງ​ແຫ່ງ​ຄວາມ​ຮັກ.

ສຸສານເກັບກະດູກຄົນຕາຍ ຢູ່ໃຕ້ດິນ ນະຄອນຫລວງປາຣີ
ສຸສານເກັບກະດູກຄົນຕາຍ ຢູ່ໃຕ້ດິນ ນະຄອນຫລວງປາຣີ

ນະ​ຄອນຫລວງປາ​ຣີ ເປັນ​ເມືອງ​ມີ​ອາ​ຄານ​ເກົ່າ​ແກ່ ແລະ​ໜາ​
ແໜ້ນ ຢູ່ໃຕ້​ດິນມີ​ລະ​ບົບ​ລົດ​ໄຟ​ແລ່ນເຖິ​ງ​ສາມ​ຊັ້ນ ທີ່ຂົນ​ສົ່ງຄົນ
​ກວ່າ​ສີ່​ລ້ານ​ຄົນໃນ​ແຕ່​ລະ​ມື້. ​ສິ່ງ​ທີ່​ໜ້າ​ສົນ​ໃຈ​ທີ່​ສຸດອີກ​ຢ່າງ​ນຶ່ງ
ນັ້ນກໍຄື ຢູ່ພື້ນ​ດິນ​ຂອງ​ນະຄອນ​ປາຣີ ​ມີ ພິ​ພິດ​ຕະ​ພັນ Cata-
colmbs ບ່ອນ​ເກັບ​ກະ​ດູກ​ຄົນ​ຕາຍ ທີ່ຂຸດຂື້ນມາ​ຈາກສຸ​ສານຝັງ​
ສົບ​ຕ່າງໆ ເມື່ອຮ້ອຍ​ກວ່າ​ປີ​ກ່ອນ ​ເນຶ່ອງ​ຈາກ​ເກີດ​ນ້ຳ​ຖ້ວມ ກະດູກ​
ເຫລົ່າ​ນີ້​ໄດ້ນຳ​ມາ​ກອງເປັນ​ລະບຽບ ເຮັດ​ເປັນ​ຝາກຳ​ແພງຢູ່​ໃນ​ອຸ
ມົງ​ເກົ່າ ​ເພື່ອໃຫ້​ຄົນໄປຢ່າງ​ທ່ອງ​ທ່ຽວ​ເບິ່ງ​ຢູ່​ກ້ອງ
ນະຄອນ​ຫລວງປາຣີ.

ຫລັກເມືອງ Eiffel Tower ສ້າງໃນປີ 1887
ຫລັກເມືອງ Eiffel Tower ສ້າງໃນປີ 1887

ນະ​ຄອນ​ຫລວງ​ປາ​ຣີ ຕັ້ງ​ຢູ່ເກາະທີ່​ຊື່​ວ່າ L’ile de France ອ້ອມ​ໄປດ້ວຍແມ່ນ້ຳ Saine ມີ​ຂົວ​ຂ້າມ 37 ​ແຫ່ງ ແບ່ງ​ອອກ​ເປັນ 20 ​ເຂດ ແລະຢູ່​ໃນເຂດ 13 ແມ່ນ​ສູນການ​ຄ້າ​ຂອງ​ຊາວ​ເອ​ເຊຍ ທີ່​ມີ​ມາດົນນານ. ຢູ່​ເຂດ​ນີ້ເອງ​ມີ “ຮ້ານ​ອາຫານ​ລາວ​ລ້ານ​ຊ້າງ” ທີ່​ມີ​ຊື່​ສຽງ ສອງ​ຮ້ານ ​ແລະ​ແມ່ນ​ຄອບ​ຄົວ ສີ​ອັກ​ຂະ​ສອນ ເຊື້ອສາຍ​ລາວຫວຽດ-ຝຣັ່ງ ​ເປັນ​ເຈົ້າ​ຂອງ.

ບັນດາລູຄ້າ ກຳລັງຮັບປະທານອາການ
ບັນດາລູຄ້າ ກຳລັງຮັບປະທານອາການ

ຄວາ​ມ​ເປັນ​ມາ​ຂອງການ​ຕັ້ງ​ ຮ້ານ​ອາ​ຫານ​ລາວ​ລ້ານ​ຊ້າງ ຢູ່​ໃນ
ເມືອງ​ງົດ​ງາມ​ຂອງ​ໂລກ​ແຫ່ງ​ນີ້ ແມ່ນ​ສືບ​ມາ​ແຕ່​ສະ​ໄໝອະດີດ
​ພະລາດ​ຊະ​ອານາຈັກ​ລາວ. ຖ້າ​ຫາກ​ທ່ານ​ເປັນ​ຊາວ​ນະຄອນ
​ຫລວງວຽງ​ຈັນ ທ່ານ​ອາດ​ຈະ​ຮູ້​ຈັກຊື່​ຂອງ ຍາ​ນາງເຮືອງ​ລານ
ພັນ​ລະ​ຍາ​ມື້​ລາງ​ຮ້ອຍເອກຄຳ​ຜູຍ ສີ​ອັກຂະ​ສອນ ນາຍ​ທະ​
ຫານຂອງ​ອະ​ດີດ​ພະ​ລາດ​ຊະ​ອາ​ນາ​ຈັກ​ລາວ. ຍາ​ນາງ​ເຮືອງ​
ລານ ມີ​ຊື່​ສຽງດ້ານ​ເຮັດ​ແນ​ມເນື່ອງ ອາ​ຫານ​ຫວຽດ​ນາມ ຢູ່ໃນ
ນະ​ຄອນ​ຫລວງວຽງ​ຈັນຈາກກາງ​ປີ 1960 ຫາ1975 ​ຢູ່ທີ່​ຄຸ້ມ​
ບ້ານຫາຍ​ໂສກ ຮ່ອມ​ໂຮງ​ຮູບ​ເງົາ ວຽງ​ສະ​ໄໝ ແສງ​ລາວ
ບົວ​ສະ​ຫວັນ ຢູ່ໃນ​ນະ​ຄອນ​ຫລວງວຽງ​ຈັນ ​ເວ​ລາ​ນັ້ນ. ຄອບ​
ຄົວສີ​ອັກ​ຂະ​ສອນ ແມ່ນນຶ່ງໃນຈຳ​ນວນ​ຄອ​ບຄົວລາວ ທີ່​ໄດ້​ເຂົ້າ​ມໄປຕັ້ງ​ຖິ່ນ​ຖານ ຢູ່ໃນປະ​ເທດ​ຝ​ຣັ່ງ ໃນ​ປີ 1975 ແລະ​ຕໍ່​ມາ​ໄດ້​ເປີດ ຮ້ານ​ອາ​ຫານ​ລ້ານ​ຊ້າງ ​ບໍ​ລິ​ການ​ອາ​ຫານ​ລາວ ເຊັນ​ວ່າ ເຂົ້າ​ໜຽວ ປີ້ງ​ໄກ່ ຕຳ​ໝາກ​ຮຸ່ງ ໃສ້​ອົ່ວ ລາບ ໂດຍ​ສ​ະ​ເພາະ ແໜມ​ທ່າ​ເດື່ອທີ່​ມີ​ຊື່​ສຽງ ແລະ​ເປັນ​ທີ່​ນິ​ຍົມ​ທີ່​ສຸດ ຈົ​ນ​ໄດ້​ຂະ​ຫຍາຍ​ອອກ​ມາ​ເປັນ​ສອງ​ຮ້​ານ ຢ່າງ​ສຳ​ເລັດ. ທ່ານ​ທິ​ຣະ ສີ​ອັກ​ຂະ​ສອນ ລູກ​ຊາຍຄົນ​ນຶ່ງ ຍານາງເຮືອ​ງລານ ໄດ້​ໃຫ້​ສຳ​ພ​າດ​ກ່ຽວ​ກັບ ຮ້ານ​ອາ​ຫານ​ລ້ານ​ຊ້າງ ​ດັ່ງ​ນີ້ :

ຕຳໝາກຮຸ່ງ ແລະຈືນຊີ້ນ ແຊບອີ່ຫລີ
ຕຳໝາກຮຸ່ງ ແລະຈືນຊີ້ນ ແຊບອີ່ຫລີ

ລິງໂດຍກົງ

ກົດ​ລະບຽບ​ການ​ເຮັດ​ທຸ​ລະ​ກິດຮ້ານ​ອາ​ຫານ ​ຢູ່ໃນປະ​ເທດ​ຝ​ຣັ່ງ ແຕ​ກ​ຕ່າງກັບ​ຫລາຍໆ
​ປະ​ເທດ ເຊັນ​ວ່າ ເປີດ​ຕາ​ມ​ໂມງ ປິດ​ຕາມ​ໂມງ ບັນ​ດາ​ພະ​ນັກ​ງານ​ຕ້ອງ​ໄດ້ຢຸດ​ພັກ​ຜ່ອນ ແລ້ວເປີດໃໝ່. ຮ້ານ​ອາ​ຫານ​ລາວ​ລ້ານ​ຊ້າງ ເປັນ​ຮ້ານ​ອາ​ຫານ​ຢູ່​ໃນ​ລະ​ດັບສາ​ກົນ ແລະ
​ໄດ້​ຮັບຄະ​ແນນ​ເຖິງ​ສີ່​ດາວ ບັນ​ດາແຂກທີ່ມາ​ຮັບ​ປະທານ ຕ້ອງ​ໄດ້​ຈອງຫລາຍ​ມື້ ຫລື​
ຫລາຍ​ອາ​ທິດ​ກ່ອນ​ລ່ວງ​ໜ້າຊຶ່ງ​ທ່ານ ທິ​ຣະ ໄດ້​ເລົ່າ​ຕໍ່​ໄປອີກວ່າ :

ເປັດຢ້າງ ເຫັນແລ້ວໜ້າຮັບປະທານ
ເປັດຢ້າງ ເຫັນແລ້ວໜ້າຮັບປະທານ

ລິງໂດຍກົງ

ຮ້ານ​ອາຫານ​ລາວລ້ານ​ຊ້າງ ​ບໍລິຫານ​ໂດຍ​ສະມາຊິກ​ຄວບ​ຄົວ​ ສີ​ອັກຂະ​ສອນ ໂດຍ​ກົງ ​ແລະ​ບໍລິການ​ອາຫານ​ລາວ​ ເປັນ​ສ່ວນ​ໃຫຍ່ ແລະແນ​ມ​ເນຶ່ອງ ອັນ​ເປັນ​ສັນຍາ​ລັກ​ ຊຶ່ງ​ໄດ້​ຮັບ
ຄວາມນິຍົມຊົມຊອບ​ ເລີ້ມມາ​ຈາກ​ນະຄອນຫລວງ​ວຽງ​ຈັນ. ທ່ານທິຣະ ​ໄດ້ກ່າວ​ມ້ວນທ້າຍ
ກ່ຽວ​ກັບ​ອາຫານ ​ແລະ​ລາຄາ​ທີ່​ເປັນ​ເງິນ​ຢູ​ໂຣດັ່ງ​ນີ້ :

ແໜມ ທ່າເດື່ອ ແຫ່ງຄວາມຫລັງ
ແໜມ ທ່າເດື່ອ ແຫ່ງຄວາມຫລັງ

ລິງໂດຍກົງ

ລາວລ້ານຊ້າງ
ລາວລ້ານຊ້າງ

ຫລາຍໆ​ຄົນ​ໄດ້​ກ່າວ​ວ່າ ການ​ເຮັດ​ທຸ​ລະ​ກິດຮ້ານ​ອາຫານລາວ
ບໍ​ລິ​ການ​ອາ​ຫານ​ລາວ ຈະ​ບໍ່ປະ​ສົບ​ຜົນ​ສຳ​ເລັດ ເພາະ​ບໍ່​ມີ​ຄົນ​ຮູ້
ຈັກ​ປະ​ເທດ​ລາວ ແລະ​ອາ​ຫານ​ລາວ. ແນວ​ຄິດໃນຄວາມ​ບໍ່​ເຊື່ອ​
ໝັ້ນ​ດັ່ງ​ກ່າວ ບັດນີ້ໄດ້​ຖືກ​ຢັ້ງ​ຢື​ນ​ໃຫ້​ເຫັນ​ເຖິງຜົນ​ສຳ​ເລັດດັ່ງ
ຮ້ານ​ອາ​ຫານ​ລ້ານ​ຊ້າງທີ່ ​ນະ​ຄ​ອນ​ຫລວງປາ​ຣີ ແລະ​ຮ້ານ​ອາ​
ຫານ​ຕິບ​ເຂົ້າ ທີ່​ນະ​ຄອນ​ຫລວງ​ວໍ​ຊິງ​ຕັນ ​ດີ.​ຊີ ທີ່​ບັນ​ດາ​ລູກ​ຄ້າ​
ບໍ່​ແມ່ນ​ຄົນ​ລາວ​ພາ​ກັນນິ​ຍົມ​ຊົມ​ຊອບ​ຈັບ​ຈອງ ລໍຖ້າເພື່ອຮັບ
​ປະ​ທານ​. ນັກ​ການ​ທູດ​ສະ​ຫະ​ລັດ​ຄົນ​ນຶ່ງ ທີ່​ກຳ​ລັງ​ຕຽມ​ໄປ​ປະ​ຈຳ​ໜ້າ​ທີ່​ຢູ່ ສະ​ຖານ​ທູດ​ສະ​ຫະ​ລັດ ຢູ່ນະ​ຄອນ​ວຽງ​ຈັນ ໄດ້​ກ່າວ​ຕໍ່​ຂ້າ​ພະ​ເຈົ້າ​ວ່າ “ຜູ້​ມັກກິນອາ​ຫານ​ຕ່າງ​ປະ​ເທດ ຕ້ອງ​ເປັນ​ຄົນ​ເປີດຫູ​ເປີດ​ຕາ ສ​ະ​ແຫວງ​ຫາ​ການສຶກ​ສາ ມັກ​ອ່ານ ມັກ​ເດີນ​ທາງ ຊອກ​ຮູ້​ຊອກ​ເຫັນຄວາມ​ລີ້​ລັບ ແລະຄວາມສີ​ວິ​ໄລ​ຂອງ​ມະ​ນຸດ ​ໂດຍ​ສະ​ເພາະ​ອາຫານ ອັນ​ເປັນ​ປະ​ເພນີ​ການຕ້ອນ.”

ເບິ່ງຄວາມເຫັນ (3)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG