ຂ່າວ

    ລາວປະກາດລາຍຊື່ຜູ້ມີສິດ ແຂ່ງຂັນໃນການເລືອກຕັ້ງ ສະມາຊິກ ສະພາແຫ່ງຊາດຊຸດທີ 7

    ຄະນະກໍາມະການເລືອກຕັ້ງລະດັບຊາດຂອງລາວປະກາດ ລາຍຊື່ຜູ້ມີສິດແຂ່ງຂັນໃນການ ເລືອກຕັ້ງສະມາຊິກສະພາແຫ່ງຊາດຊຸດທີ 7 ໂດຍມີຜູ້ສະໝັກຈາກພາກເອກກະຊົນພຽງແຕ່ 5 ຄົນເທົ່ານັ້ນຈາກທັງໝົດ 190 ຄົນ.

    ສະພະແຫ່ງຊາດລາວທີ 6 ທີ່ມີສະມາຊິກຈໍານວນທັງໝົດ 115 ຄົນ
ໄດ້ຮັບຮອງເອົາການດັດແກ້ກົດໝາຍວ່າດ້ວຍການເລືອກຕັ້ງ ໃນລະ
ຫວ່າງກອງປະຊຸມສະໄໝສາມັນ ຄັ້ງທີ 10 ເມື່ອເດືອນທັນວາ 2010.
    ສະພະແຫ່ງຊາດລາວທີ 6 ທີ່ມີສະມາຊິກຈໍານວນທັງໝົດ 115 ຄົນ ໄດ້ຮັບຮອງເອົາການດັດແກ້ກົດໝາຍວ່າດ້ວຍການເລືອກຕັ້ງ ໃນລະ ຫວ່າງກອງປະຊຸມສະໄໝສາມັນ ຄັ້ງທີ 10 ເມື່ອເດືອນທັນວາ 2010.

    ມຸນທີມີເດຍ

    ສຽງ
    • ລາວປະກາດລາຍຊື່ຜູ້ມີສິດ ແຂ່ງຂັນໃນການເລືອກຕັ້ງ ສະມາຊິກ ສະພາແຫ່ງຊາດຊຸດທີ 7

    ຊົງຣິດ ໂພນເງິນ

    ຄະນະກໍາມະການເລືອກຕັ້ງລະດັບຊາດຂອງລາວພາຍໃຕ້
    ການເປັນປະທານຂອງທ່ານບຸນຍັງ ວໍລະຈິດ ຮອງປະທານ
    ປະເທດລາວນັ້ນ ໄດ້ປະກາດລາຍຊື່ບຸກຄົນທີ່ຜ່ານການຄັດ
    ເລືອກ ແລະກໍໄດ້ຮັບອານຸຍາດໃຫ້ລົງສະໝັກແຂ່ງຂັນໃນ
    ການເລືອກຕັ້ງເປັນສະມາຊິກແຫ່ງຊາດຊຸດທີ 7 ຢ່າງເປັນ ທາງການແລ້ວໃນຕົ້ນເດືອນມີນາ 2011 ນີ້.

    ທັງນີ້ໂດຍເມື່ອພິຈາລະນາຈາກບັນຊີລາຍຊື່ດັ່ງກ່າວແລ້ວນັ້ນ
    ກໍພົບວ່າ ຈໍານວນຜູ້ທີ່ໄດ້ຮັບອະນຸຍາດໃຫ້ລົງສະໝັກແຂ່ງ
    ຂັນທັງໝົດ 190 ຄົນໃນ 17 ເຂດເລືອກຕັ້ງໃນທົ່ວປະເທດ
    ລາວນັ້ນ ກໍປາກົດວ່າເປັນຜູ້ສະໝັກຈາກສູນກາງ 47 ຄົນ. ສ່ວນທີ່ເຫຼືອ 143 ຄົນນັ້ນເປັນຜູ້
    ສະໝັກຈາກລະດັບທ້ອງຖິ່ນ ແລະຈາກຈໍານວນຜູ້ສະໝັກທັງໝົດດັ່ງກ່າວກໍເປັນຜູ້ສະໝັກເພດ
    ຍິງ 47 ຄົົນໂດຍ 12 ຄົນເປັນຜູ້ສະໝັກຈາກສູນກາງ ແລະສ່ວນໃຫຍ່ກໍເປັນບຸກຄະລາກອນ
    ຂອງພັກ-ລັດ ເນື່ອງຈາກວ່າມີຜູ້ສະໝັກຈາກພາກເອກກະຊົນທີ່ໄດ້ຮັບອານຸຍາດໃຫ້ລົງສະໝັກ
    ແຂ່ງຂັນໃນການເລືອກຕັ້ງຄັ້ງນີ້ພຽງແຕ່ 5 ຄົນເທົ່ານັ້ນ.

    ທ່ານບຸນຍັງ ວໍລະຈິດ ຮອງປະທານປະເທດລາວ
    ທ່ານບຸນຍັງ ວໍລະຈິດ ຮອງປະທານປະເທດລາວ

    ສໍາລັບພາກສ່ວນທີ່ມີອໍານາດຕັດສິນໃຈຄັດເລືອກ ແລະອະນຸ
    ຍາດໃຫ້ບຸກຄົນໃດມີສິດລົງສະໝັກແຂ່ງຂັນໃນການເລືອກຕັ້ງ
    ເປັນສະມາຊິກສະພາແຫ່ງຊາດລາວໄດ້ນັ້ນກໍຄືຄະນະກໍາມະ
    ການກົມການເມືອງສູນກາງພັກປະຊາຊົນປະຕິວັດລາວ ທີ່ມີ
    ຢູ່ທັງໝົດ 11 ທ່ານ ຊຶ່ງມີທ່ານຈູມມະລີ ໄຊຍະສອນເປັນປະ
    ທານ ແລະກໍເປັນເລຂາທິການໃຫຍ່ຂອງພັກອີກດ້ວຍນັ້ນເອງ.

    ນອກຈາກນີ້ ການທີ່ຜູ້ສະໝັກສ່ວນໃຫຍ່ຕ້ອງເປັນບຸກຄະລາ
    ກອນຂອງພັກນັ້ນ ກໍຍ້ອນວ່າບົດບາດ ແລະໜ້າທີ່ທີ່ສໍາຄັນ
    ປະການນຶ່ງຂອງສະມາຊິກສະພາແຫ່ງຊາດລາວນັ້ນ ກໍຄືການປະຕິບັດຕາມມະຕິແລະແນວ
    ທາງນະໂຍບາຍຂອງພັກ ດັ່ງທີ່ທ່ານບໍ່ແສງຄໍາ ວົງດາລາ ເລຂາພັກກະຊວງແຫລງຂ່າວແລະ
    ວັດທະນະທໍາ ໄດ້ຖະແຫຼງຊີ້ແຈງວ່າ:

    “ການເລືອກຕັ້ງສະພາແຫ່ງຊາດຄັ້ງນີ້ ເນື້ອແທ້ກໍແມ່ນການສືບຕໍ່ປະຕິບັດພາລະ ກິດປ່ຽນແປງໃໝ່ຮອບດ້ານຢ່າງມີຫຼັກການ ທັງເປັນການສືບຕໍ່ຜັນຂະຫຍາຍ ຈັດ
    ຕັ້ງປະຕິບັດມະຕິຂອງກອງປະຊຸມໃຫມ່ຄັ້ງທີ 9 ຂອງພັກທີ່ຈະມາເຖິງນີ້. ການ ເລືອກຕັ້ງໃນຄັ້ງນີ້ຍັງເປັນການຍົກສູງຄຸນນະພາບຂອງການຄຸ້ມຄອງລັດ ຄຸ້ມຄອງ
    ເສດຖະກິດ ສັງຄົມ ດ້ວຍກົດໝາຍຂອງອໍານາດລັດຂອງພວກເຮົາໃຫ້ນັບມື້ນັບ
    ສູງຂຶ້ນ”

    ທ່ານບໍ່ແສງຄໍາ ວົງດາລາ ເລຂາພັກກະຊວງ ຖະແຫລງຂ່າວ ແລະວັດທະນາທໍາ
    ທ່ານບໍ່ແສງຄໍາ ວົງດາລາ ເລຂາພັກກະຊວງ ຖະແຫລງຂ່າວ ແລະວັດທະນາທໍາ

    ການເລືອກຕັ້ງສະມາຊິກສະພາ
    ແຫ່ງຊາດລາວຊຸດທີ 7 ກໍາໜົດ
    ທີ່ຈະມີຂື້ນຢ່າງເປັນທາງການໃນ
    ວັນທີ່ 30 ເມສາປີນີ້ຊຶ່ງປະກອບ
    ມີທັງໝົດ 17 ເຂດເລືອກຕັ້ງທັງ
    ໃນເຂດນະຄອນວຽງຈັນແລະໃນ
    16 ແຂວງທົ່ວປະເທດລາວໂດຍ
    ປະຊາຊົນລາວທີ່ມີອາຍຸຄົບ 18
    ປີຂຶ້ນໄປກໍຈະເປັນຜູ້ທີ່ມີສິດ ໃນ
    ການເລືອກຕັ້ງເອົາສະມາຊິກສະ
    ພາແຫ່ງຊາດລາວຊຸດໃໝ່ ຊຶ່ງໄດ້
    ມີການເພີ່ມຈໍານວນຂື້ນຈາກຊຸດ
    ທີ່ 6 ທີ່ມີຈໍານວນສະມາຊິກທັງໝົດ 115 ຄົນ ໂດຍເພີ່ມຂື້ນເປັນ 132 ຄົນ ເນື່ອງຈາກວ່າ ຈໍານວນປະຊາກອນລາວໄດ້ເພີ່ມຂຶ້ນນັ້ນເອງ.

    ແຕ່ງຢ່າງໃດກໍ່ຕາມ ເຖິງແມ່ນວ່າການເພີ່ມຈໍານວນສະມາຊິກສະພາແຫ່ງຊາດລາວດັ່ງກ່າວ
    ນີ້ ຈະຍຶດຖືຕາມຫຼັກເກນທີ່ວ່າ ສະມາຊິກສະພາແຫ່ງຊາດລາວ 1 ຄົນຕໍ່ປະຊາກອນລາວ
    ທຸກໆ 50,000 ຄົນກໍຕາມ ແຕ່ວ່າສໍາລັບໃນການເລືອກຕັ້ງສະມາຊິກສະພາແຫ່ງຊາດລາວ
    ຊຸດທີ 7 ນີ້ ກໍໄດ້ກໍາໜົດໄວ້ວ່າ ໃນແຕ່ລະເຂດເລືອກຕັ້ງຫຼືແຕ່ລະແຂວງນັ້ນ ຈະຕ້ອງມີຈໍາ
    ນວນສະມາຊິກສະພາແຫ່ງຊາດບໍ່ຕໍ່າກວ່າ 5 ຄົນ ເຖິງແມ່ນວ່າຈະເປັນເຂດທີ່ມີປະຊາກອນ
    ບໍ່ເຖິງ 50,000 ຄົນກໍຕາມ, ຊຶ່ງກໍໝາຍຄວາມວ່າແຂວງຂະໜາດນ້ອຍ ເຊັ່ນຜົ້ງສາລີ, ເຊ
    ກອງ, ບໍ່ແກ້ວ, ອັດຕະປື, ແລະຫຼວງນໍ້າທານັ້ນ ກໍຍັງຈະມີສະມາຊິກສະພາແຫ່ງຊາດໄດ້
    5 ຄົນ. ສ່ວນແຂວງຂະໜາດໃຫຍ່ ເຊັ່ນສະຫວັນນະເຂດ, ນະຄອນວຽງຈັນ ແລະຈໍາປາສັກ
    ນັ້ນ ກໍຈະມີສະມາຊິກສະພາແຫ່ງຊາດໄດ້ 17 ຄົນກັບ 15 ຄົນແລະ 12 ຄົນ ຕາມລໍາດັບ.

    ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ
    ຄວາມເຫັນ
         
    ຍັງບໍ່ມີຄວາມເຫັນໃດໆໃນຟໍຣັມນີ້. ຂໍເຊີນທ່ານ ສະແດງຄວາມເຫັນ ເປັນຄົນທໍາອິດ
    ຈາວາສະກຣິບຕ໌ຂອງທ່ານບໍ່ໄດ້ເປີດຫຼືບໍ່ກໍອາໂດບແຟລສເພລເຢີຂອງທ່ານເປັນຮຸ່ນເກົ່າ
    ເຊີນຊົມວີດີໂອ ເລື່ອງການສ້າງພາບ ເໝືອນຈິງ ທີ່ເປັນຮູບຮ່າງ ດ້ວຍການນຳໃຊ້ ພວກໂດຣນນ້ອຍໆi
    X
    30.01.2016
    ໃນຂະນະທີ່ ພວກນັກຫຼິ້ນເກມຄອມ​ພິວ​ເຕີ້ ຫຼາຍຄົນຮູ້ດີວ່າ ພາບເໝືອນຈິງ ຫຼື virtual reality ແມ່ນເປັນຮູບສາມມິຕິ ທີ່ໄດ້ຖືກສາຍໃສ່ພວກແວນຕາພິເສດ. ມັນສາມາດຫລອກ ລວງສະໝອງຂອງທ່ານ ໃຫ້ຄິດວ່າ ໂລກໃນຄອມພິວເຕີ້ນັ້ນ ເປັນໂລກອັນແທ້ຈິງ. ແຕ່ຖ້າທ່ານ ພະຍາຍາມຈະຈັບມັນ ມັນ ຈະບໍ່ຢູ່ທີ່ນັ້ນ. ບັດນີ້ ບັນດານັກຄົ້ນຄວ້າຊາວການາດາ ກ່າວ ວ່າ ມັນອາດຈະເປັນໄປໄດ້ ທີ່ຈະສ້າງພາບເໝືອນຈິງ ທີ່ເປັນ ຮູບຮ່າງ ດ້ວຍການນຳໃຊ້ພວກໂດຣນນ້ອຍໆ. ຜູ້ສື່ຂ່າວຂອງ ວີໂອເອ George Putic ມີລາຍງານ ຊຶ່ງພຸດທະສອນ ຈະ ນຳມາສະເໜີທ່ານເປັນພາສາລາວ.

    ຂ່າວຫລ້າສຸດ

    ວີດີໂອ 12 ປະເທດ ລົງນາມແລກປ່ຽນການຄ້າ ຂົງເຂດປາຊິຟິກ ແຕ່ຍັງມີສິ່ງກີດຂວາງຢູ່ຂ້າງໜ້າ

    ບັນດາ 12 ປະເທດ ຈາກຂົງເຂດປາຊິຟິກ ໄດ້ຈັດຕັ້ງອັນທີ່ອາດຈະກາຍມາເປັນ ກຸ່ມແລກປ່ຽນການຄ້າໃຫຍ່ ທີ່ສຸດໃນໂລກ.
    ອ່ານຕື່ມ

    ສຽງ ຫວຽດນາມ ຈັດເປັນອັນດັບ 3 ໃນການລົງທຶນ ຕ່າງປະເທດ ໃນ ລາວ

    ການລົງທຶນຂອງບັນດາບໍລິສັດທຸລະກິດ ຫວຽດນາມ ຈັດເປັນອັນດັບທີ 3 ຂອງການລົງທຶນຈາກຕ່າງປະເທດທັງ ໝົດໃນ ລາວ
    ອ່ານຕື່ມ

    ວີດີໂອ ເພງ ເມື່ອຍ​ກັບ​ຄຳ​ວ່າ​ລໍ ຂໍ​ພໍ​ກັບ​ຄຳ​ວ່າ​ເຈັບ ຜົນງານເພງ ທີ່ປະທັບໃຈອີກເພງນຶ່ງຂອງ ຕ່າຍ ດອກເກດ

    ຜົນງານເພງຂອງຕ່າຍ ດອກເກດ ເພງ ​​ເມື່ອຍ​ກັບ​ຄຳ​ວ່າ​ລໍ ຂໍ​ພໍ​ກັບ​ຄຳ​ວ່າ​ເຈັບ ຄົງຈະເຮັດໃຫ້ທ່ານ ຜູ້ຟັງທີ່ເປັນຜູ້ຊາຍ ຫັນມາເປັນຄົນທີ່ເຫັນໃຈ ເຂົ້າໃຈ ແລະໃຫ້ຄວາມຈິງໃຈກັບແມ່ຍິງຫຼາຍຂຶ້ນ.
    ອ່ານຕື່ມ

    ເກົາຫຼີເໜືອ ບໍ່ຫຍໍ້ທໍ້ເລີຍ ຕໍ່ການກ່າວປະນາມ ຂອງນາໆຊາດ

    ສູນປະຕິບັດການ ອາວະກາດຮ່ວມ ສຫລ ກ່າວວ່າ ການຍິງຈະຫຼວດຂຶ້ນ ທີ່ນຳເອົາອຸປະກອນສອງອັນ ຂຶ້ນສູ່ວົງໂຄ ຈອນນັ້ນ ບໍ່ໄດ້ໃຫ້ຄວາມກະຈ່າງແຈ້ງວ່າ ມັນສົ່ງສັນຍານອອກມາ ຫຼືບໍ່.
    ອ່ານຕື່ມ

    ວີດີໂອ ໜ່ວຍກູ້ໄພ ຄົ້ນພົບ ຜູ້ລອດຊີວິດ ໃນຊາກຫັກພັງ ຈາກແຜ່ນດິນໄຫວ ໄຕ້ຫວັນ

    ຜູ້ລອດຊີວິດ 2 ຄົນໄດ້ຖືກກູ້ອອກມາຈາກຊາກ ຫັກພັງຂອງຕຶກຫ້ອງແຖວ 17 ຊັ້ນໃນເມືອງ Tainan ຂອງເກາະໄຕ້ຫວັນ
    ອ່ານຕື່ມ
    ຕື່ມອີກ