ຊາວໄຊປຣັສໃນເຂດທີ່ຢູ່ໃຕ້ການຄວບຄຸມເທີກີ ພາກັນໄປປ່ອນບັດໃນວັນອາທິດມື້ນີ້ ໃນການເລືອກຕັ້ງທີ່ອາດສາມາດມີຜົນກະທົບຢ່າງໃຫຍ່ຫລວງ ຕໍ່ຄວາມພະຍາຍາມຂອງປະເທດເທີກີ ໃນການທີ່ຈະເຂົ້າເປັນສະມາຊິກຂອງສະຫະພາບຢູໂຣບນັ້ນ.
ຊາວໄຊປຣັສປະມານ 164 ພັນຄົນ ພາກັນປ່ອນບັດເອົາຜູ້ນຳຄົນໃໝ່ຢູ່ ໃນເຂດພາກເໜືອຂອງເກາະ. ການປ່ອນບັດມີກຳໜົດອັດລົງໃນເວລາ 6 ໂມງແລງຕາມເວລາທ້ອງຖິ່ນ ໂດຍຄາດວ່າຜົນການເລືອກຕັ້ງ ຈະມີການປະກາດໃຫ້ຮູ້ໃນຕອນເດິກຄືນນີ້.
ຜົນການສຳຫລວດຫາງສຽງປະຊາຊົນສະແດງວ່າ ໄຊຊະນະຈະຕົກເປັນຂອງທ່ານ DERVIS EROGLU ທີ່ສະນັບສະນູນເອກກະລາດ ສຳລັບເຂດພາກເໜືອຂອງເກາະໄຊປຣັສ ທີ່ຕັ້ງຢູ່ໃນທະເລເມດີເທີເຣ ນຽນນັ້ນ ແລະປະຕິເສດການເຕົ້າໂຮມຄືນເຂົ້າກັບເຂດພາກໃຕ້ຂອງເກາະ ທີ່ນິຍົມປະເທດເກຣັກ ຊຶ່ງຜູ້ນຳຄົນປັດຈຸບັດຂອງເຂດຊາວໄຊ ປຣັສເທີກີ ທ່ານ MEHMET ALI TALAT ໄດ້ພະຍາຍາມທຳການ ເຈລະຈາທີ່ເຊື່ອງຊ້າເລື່ອງການທ້ອນໂຮມເຂົ້າກັນນັ້ນ ກັບທ່ານ DIMITRIS CHRISTOFIAS ຜູ້ນຳເຂດພາກໃຕ້ຫລືເຂດໄຊປຣັສເກຣັກນັ້ນ ມາຕັ້ງແຕ່ປີ 2008 ແລ້ວ.
ການແກ້ໄຂບັນຫາຂັດແຍ້ງກັນທີ່ມີມາເປັນເວລາ 36 ປີລະວ່າງສອງເຂດນີ້ ເປັນເງື່ອນໄຂທີ່ເທີກີຈະຕ້ອງແກ້ໃຫ້ຕົກແຕກ ກ່ອນທີ່ຈະໄດ້ ເຂົ້າເປັນສະມາຊິກໃນສະຫະພາບຢູໂຣບ.