ລິ້ງ ສຳຫລັບເຂົ້າຫາ

ລາຍງານ ປະຈຳປີ ວ່າດ້ວຍ ການຄ້າມະນຸດ ຢູ່ລາວ, ຕອນທີ 2 (ວີດີໂອ)


ລາຍງານປະຈຳປີ 2014 ວ່າດ້ວຍການຄ້າມະນຸດ ຂອງກະຊວງການຕ່າງປະເທດ ສຫລ

ອັນ​ດັບ​ຕໍ່ໄປ ຂໍ​ເຊີນ​ທ່ານ​ຮັບ​ຟັງ​ຕອນ​ທີ 2 ຂອງ​ລາຍ​ງານ​ປະຈຳ​ປີ​
2014 ວ່າ​ດ້ວຍ​ການ​ຄ້າ​ມະນຸດ​ຂອງ​ກະຊວງ​ການ​ຕ່າງປະ​ເທດສະ
ຫະລັດ ໃນ​ພາກສ່ວນ ​ທີ່ກ່ຽວ​ກັບ ສປປ ລາວ ຊຶ່ງ​ໃນ​ຕອນ​ນີ້ ​ແມ່ນ
ຈະ​ເວົ້າ​ເຖິງ​ການ​ໃຫ້​ຄວາມ​ຄຸ້ມ​ຄອງ ແລະ​ການ​ປ້ອງ​ກັນຂອງລັດ
ຖະບານລາວ​ແກ່​ພວກ​ເຄາະຮ້າຍ ຕະຫລອດ​ທັງ​ຄຳ​ແນະນຳຂອງ​
ສະຫະລັດ ຊຶ່ງໄພສານ ຈະນຳມາສະເໜີທ່ານ.

ການ​ປົກ​ປ້ອງ​ຄຸ້ມ​ຄອງ​

ໃນ​ພາກສ່ວນ​ ທີ່​ເວົ້າ​ເຖິງ​ ການ​ໃຫ້ຄວາມປົກ​ປ້ອງ​ຄຸ້ມ​ຄອງ​ນັ້ນ
ລາຍງານ​ຂອງ​ກະຊວງການຕ່າງປະ​ເທດ​ສະຫະລັດ​ກ່າວ​ວ່າ ໃນ​
ຂະ​ນະ​ທີ່ລັດຖະບານລາວ​ສືບຕໍ່ໃຫ້​ຄວາມ​ຊ່ອຍ​ເຫລືອພໍປະ​ມານ
ແກ່​ພວກ​ທີ່ຕົກ​ເປັນ​ເຫຍື່ອການ​ຄ້າ​ມະນຸດທີ່ຖືກ​ສົ່ງກັບ​ຄືນ​ໄປ​ລາວ
ໂດຍ​ລັດ​ຖະ​ບານໄທ ​ແຕ່ລັດ​ຖະ​ບານ​ລາວ ​ກໍບໍ່​ສາ​ມາດ​ລະ​ບຸ​ໂຕ​
ໄດ້ຢ່າງ​ໝັ້ນ​ໃຈ ພວກທີ່​ຕົກ​ເປັນ​ຫຍື່ອຢູ່​ພາຍໃນ​ປະ​ເທດ​ເອງ ຫລື​
ໃນໝູ່​ພວກ​ເຄາະ​ຮ້າຍ​ ທີ່​ຖືກ​ສົ່ງກັບ​ມາ ​ແຕ່​ປະ​ເທດ​ອື່ນໆ ແລະ
​ການດຳເນີນ​ຄວາມພະ​ຍາ​ຍາມ​ເພື່ອ​ປົກ​ປ້ອງ​ຜູ້ເຄາະ​ຮ້າຍນັ້ນ ​ໂດຍ​ລວມ​ແລ້ວ ແມ່ນ​ຍັງ​ບໍ່
ເປັນທີ່​ພຽງ​ພໍ​ເທື່ອ. ​ແລະໃນລະ​ຫວ່າງ​ປີ ທີ່​ມີການ​ລາຍ​ງານ ມີ​ພວກ​ທີ່​ຕົກ​ເປັນ​ເຫຍື່ອ​ການ
ຄ້າມະນຸດ ທີ່ຖືກ​ລະບຸ​ໂຕ ​ໂດຍເຈົ້າ​ໜ້າ​ທີ່​ໄທ 103 ຄົນ ​ໄດ້​ຖືກ​ສົ່ງ​ກັບຄືນໄປ​ລາວ ​ພາຍ​ໃຕ້
ລະບົບ​ຈັດ​ສົ່ງພວກເຄາະ​ຮ້າຍ​ກັບ​ຄືນ​ປະ​ເທດ ​ຢ່າງ​ເປັນ​ທາງການ ລະ​ຫວ່າງ​ປະ​ເທດ​ທັງ
ສອງ. ພວກເຂົາເຈົ້າເຫຼົ່າ​ນີ້​ເປັນ​ພຽງ​ຜູ້​ເຄາະ​ຮ້າຍ​ທີ່​ຖືກ​ຮັບ​ຮູ້​ຢ່າງ​ເປັນ​ທາງ​ການ​ໂດຍລັດ​
ຖະ​ບານ​ລາວ. ສະ​ຖິ​ຕິທາງ​ການ​ຂອງ​ລັດ​ຖະ​ບານ​ບໍ່​ໄດ້​ຮວມ​ເອົາ​ພວກ​ເຄາະຮ້າຍ​ທີ່​ຖືກ​ລະ
​ບຸ​ໂຕ​ໂດຍ​ວິ​ທີ​ອື່ນ ເຖິງແມ່ນ​ວ່າ​ອົງ​ການ​ຈັດ​ຕັ້ງ​ທີ່​ບໍ່​ຂຶ້ນ​ກັບ​ລັດ​ຖະບານ​ອົງ​ການ​ນຶ່ງ​ລາຍ​ງານ
ວ່າ ໄດ້​ສະ​ໜອງ​ການບໍ​ລິ​ການ​ ໃຫ້​ແກ່​ຜູ້​ເຄາະ​ຮ້າຍ​ອື່ນໆອີກ 43 ຄົນ.

ລາຍ​ງານຂອງ​ກະ​ຊວງ​ການ​ຕ່າງ​ປະ​ເທດ​ສະ​ຫະ​ລັດ​ ເວົ້າວ່າ ລັດຖະບານລາວ​ ຍັງ​ສືບ​ຕໍ່ເພິ່ງ​ພາອາ​ໄສການ​ຊ່ວຍ​ເຫລືອ​ເກືອບ​ວ່າທັງ​ໝົດ​ ຈາກ​ບັນດາ​ອົງການ​ຈັດຕັ້ງທີ່​ບໍ່​ຂຶ້ນກັບລັດຖະ ບານ​ ຫລື NGO ແລະ​ອົງການ​ຈັດຕັ້ງ​ນາໆ​ຊາດ ​ເພື່ອ​ໃຫ້ການ​ບໍລິການ​ຫລື​ສະໜອງ​ທຶນແກ່​ ພວກທີ່​ຕົກເປັນເຫຍື່ອ. ​ແຕ່​ແນວ​ໃດ​ກໍ​ຕາມ ລັດຖະບານ​ລາວ ໄດ້ຮ່​ວມ​ມື​ ກັບ​ອົງ​ການ​ຈັດ​ຕັ້ງ​ NGO ອົງ​ການນຶ່ງ ​ເພື່ອ​ບໍ​ລິ​ຫານ​ສູນພັກ​ເຊົາ​ຊົ່ວຄາວ ທີ່​ນະຄອນ​ວຽງ​ຈັນ. ​ລຸນຫລັງ​ຖືກ​ສົ່ງ
​ກັບ​ຄືນ​ມາ​ຈາກ​ໄທ​ແລ້ວ ຜູ້​ເຄາະ​ຮ້າຍ​ກໍ​ໄປ​ພັກເຊົາ​ຢູ່​ສູນ​ດັ່ງ​ກ່າວ ​ເປັນ​ເວ​ລາ​ປະມານ​ນຶ່ງອາ
​ທິດ ຂະນະ​ທີ່ມີການ​ປະ​ເມີນ ກ່ຽວ​ກັບ​ການຈັດ​ແຈງຊ່ວຍ​ເຫລືອ​ໃນ​ໄລຍະ​ຍາວໂດຍ​ເຈົ້າ​ໜ້າ
​ທີ່ ຫລື​ບໍ່​ກໍ​ຖື​ກ​ສົ່ງ​ໂດຍ​ກົງ​ ໄປ​ໃຫ້​ສູນ​ຮັບ​ຮອງ ​ຫລື​ໜ່ວຍ​ງານ ​ໃຫ້​ການ​ດູ​ແລ ​ທາງ​ການ​ແພດ ໜ່ວຍ​ງານ​ໃຫ້​ຄຳ​ປຶກ​ສາ ແລະ​ສູນ​ຝຶກ​ອາຊີບ​ອື່ນໆ. ຜູ້​ມີ​ສ່ວນ​ຮ່ວມ​ທັງ​ພາກ​ລັດ​ແລະ​ເອກ​ກະ
​ຊົນ​ລາຍ​ງານ​ວ່າ ໂຄງ​ການ​ຈັດຕັ້ງ​ປະ​ຕິ​ບັດ​ ໂດຍ​ອົງ​ການ​ຈັດ​ຕັ້ງສາກົນ​ອົງ​ການ​ນຶ່ງ ເພື່ອ​ປັບ
​ປຸງ​ການ​ປະສານ​ງາ​ນ​ລະ​ຫວ່າງ​ສູນ​ຮັບ​ຮອງ​ຂອງ​ລັດ​ແລະ​ເອກ​ກະ​ຊົນ​ໄດ້​ເສີມ​ສ້າງ​ປະ​ສິດທິ
ພາບ​ຂອງ​ຕາ​ໜ່າງ​ນຳ​ສົ່ງໃນ​ລະ​ຫວ່າງ​ປີ​ທີ່​ມີ​ການ​ລາ​ຍ​ງານ. ສະ​ຫະ​ພັນ​ແມ່​ຍິງລາວຊຶ່ງ​ເປັນ
​ອົງ​ການ​ຈັດ​ຕັ້ງ​ເຄິ່ງ​ລັດ​ຖະ​ບານ ໄດ້​ບໍ​ລິ​ຫານ​ ສູນ​ຮັບ​ຮອງ​ແຫ່ງນຶ່ງ ທີ່​ເບິ່ງ​ແຍງ ຜູ້ເຄາະ​ຮ້າຍ
ແມ່ຍິງ 20 ຄົນ ​ແ​ລະ​ຜູ້​ຊາຍ 12 ຄົນ ຊຶ່ງ​ສ່ວນ​ໃຫ​ຍ່​ແລ້ວ ​ໄດ້​ຖືກ​ສົ່ງ​ ກັບ​ຄືນ​ບ້ານ​ເກີດ ​ຂອງ
​ພວກ​ເຂົາ​ເຈົ້າ​ ໃນ​ເວ​ລາ​ຕໍ່​ມາ ຫລັງ​ຈາກ​ໄດ້​ພັກ​ເຊົາ​ຢູ່​ທີ່ນັ້ນ ເປັນ​ເວ​ລາ​ສັ້ນໆ.

ການປ້ອງກັນ

ໃນ​ດ້ານ​ການ​ປ້ອງ​ກັນນັ້ນລາຍ​ງານ​ຂອງ​ກະຊວງ​ການ​ຕ່າງປະ​ເທດ​ສະຫະລັດກ່າວວ່າດ້ວຍ​ ຄວາມ​ຊ່ອຍ​ເຫຼືອ​ ຈາກ​ອົງ​ການ​ຈັດ​ຕັ້ງ​ສາກົນ ​ແລະ​ອົງ​ການ​ NGO​ ​ລັດຖະບານ​ລາວໄດ້​ສືບ
​ຕໍ່​ດຳ​ເນີນ​ຄວາມ​ພະຍາຍາມໃນ​ລະດັບ​ປານ​ກາງເພື່ອ​ປ້ອງ​ກັນ​ການ​ຄ້າ​ມະນຸດ​. ການ​ຈັດ​ຕັ້ງ
ປະ​ຕິ​ບັດ​ແຜນງານ​ແຫ່ງ​ຊາດ​ຂອງ​ລັດ​ຖະ​ບານ​ໄດ້​ເລີ້ມ​ຂຶ້ນ​ໃນ​ລະ​ຫວ່າງປີລາຍ​ງານແຕ່​ແມ່ນ ​
ພວກອົງ​ການ​ສາກົນ​ເປັນ​ຜູ້​ຈັດ​ຕັ້ງ​ປະ​ຕິ​ບັດ​ວຽກ​ງານ​ດັ່ງ​ກ່າວ​ເປັນ​ສ່ວນ​ໃຫ​ຍ່. ແລະແຜນ​ງານ
ປີ 2013 ໄດ້ຖືກ​ເລື່ອນອອກ​ໄປ ​ແລະ​ກາຍ​ເປັນ​ສ່ວ​ນ​ນຶ່ງ​ຂອງ​ແຜນ​ການ​ປີ 2014. ໃນເດືອນ​
ທັນ​ວາ ປີ 2013 ລັດ​ຖະ​ບາ​ນ​ລາວ ​ແລະ​ບັນ​ດາ​ອົງ​ການ​ຄູ່​ຮ່ວມ​ງານ​ ໄດ້​ທຳການ​ປຸກ​ລະ​ດົມ​ເພື່ອສ້າງ​ຄວາມ​ຕື່ນ​ຕົວ​ເປັນ​ເວ​ລາ 10 ມື້ ຢູ່​ໃນ 3 ແຂວງທີ່​ຮວມ​ທັງ​ການ​ປະ​ຖະ​ກະ​ຖາ ການ ​
ປຸກ​ລະ​ດົມ​ຂອງ​ສື່ມວນ​ຊົນແລະ​ການ​ຍ່າງ​ເພື່ອ​ສຸ​ຂະ​ພາບຊຶ່ງ​ມີ 700 ກວ່າ​ຄົນ​ເຂົ້າ​ຮ່ວມ. ບັນ​ດາໜັງ​ສື​ພິມ ທີ່​ລັດ​ຖະ​ບານ​ຄວບ​ຄຸມ ໄດ້​ພິມ​ເຜີຍ​ແຜ່​ບົດ​ຂຽນ ​ກ່ຽວ​ກັບ​ການ​ຄ້າ​ມະ​ນຸດ ​ໃນ​ປີ 2013 ໂດຍກວມເອົາ​ເລື່ອງ​ຕ່າງໆ​ເຊັ່ນ​ການ​ຍົກ​ຍ້າຍ​ຖິ່ນ​ຖານ​ທີ່​ປອດ​ໄພ​ແລະ​ການ​ເຝິກອົບ ​
ຮົມກ່ຽວ​ກັບ​ການ​ຄ້າ​ມະ​ນຸດ. ກະ​ຊວງ​ການ​ຕ່າງ​ປະ​ເທ​ດ​ໄດ້​ແຈກ​ຢາຍ​ເອກ​ກະ​ສານ ກ່ຽວ​ກັບ​ການ​ຍົກ​ຍ້າຍ​ຖິ່ນ​ຖານ​ທີ່​ປອດ​ໄພ ແລະ​ການ​ສ່ຽງ​ຕໍ່​ການ​ຕົກ​ເປັນ​ເຫ​ຍື່ອການ​ຄ້າ​ມະ​ນຸດ​ຕໍ່ປະ
ຊາ​ຊົນ​ທີ່​ໄປ​ຍື່ນ​ຄຳ​ຮ້ອງ ​ຂໍ​ເຮັດ​ໜັງ​ສືຜ່ານ​ແດນ. ລັດ​ຖະ​ບານ​ຍັງ​ສືບ​ຕໍ່​ເປັນ​ຜູ້​ນຳ​ພາ ຫຼືຮ່ວມ
​ນຳ​ພາໃນ​ການ​ເຝິກ​ອົບ​ຮົມ​ເຈົ້າ​ໜ້າ​ທີ່​ໂດຍ​ໄດ້​ຮັບທຶນ​ຈາກ​ອົງການສັງ​ຄົມ​ພົນ​ລະ​ເຮືອນແລະ ​
ໄດ້​ອົບ​ຮົມເຈົ້າ​ໜ້າ​ທີ່​ ຢ່າງ​ໜ້ອຍ 445 ຄົນ ໃນ​ຫົວ​ຂໍ້​ຕ່າງໆ ເຊັ່ນ​ ການ​ປົກ​ປ້ອງຜູ້​ເຄາະ​ຮ້າຍ​ ແລະ​ການ​ຍົກ​ຍ້າຍ​ຖິ່ນ​ຖານ​ທີ່​ປອດ​ໄພ. ໃນ​ລະ​ຫວ່າງ​ປີ​ທີ່​ຜ່ານ​ມາລັດ​ຖະ​ບານ​ໄດ້ສົ່ງ​ກັບ​ຄືນ​
ໄປ​ເກົາຫຼີ​ເໜືອ ຊາວ​ໜຸ່ມ 9 ຄົນ​ ທີ່​ຫຼົບໜີ​ມາ ເພື່ອ​ຈະ​ໄປ​ຂໍ​ລີ້​ໄພ ຢູ່​ເກົາຫຼີ​ໃຕ້​ນັ້ນ ​ແລະ​ໄດ້ປະ​ກາດ​ຢ່າງ​ເປັນ​ການ​ເປີດ​ເຜີຍ​ວ່າການ​ກະ​ທຳ​ດັ່ງ​ກ່າວເປັນ​ການ​ຕໍ່​ຕ້ານການ​ຄ້າ​ມະ​ນຸດ. ລາຍ ​ງານ​ຂອງ​ສະຫະລັດ​ເວົ້າ​ວ່າ ​ການທີ່ີລັດຖະບານ​ລາວ​ບໍ່​ພະ​ຍາ​ຍາມປົກ​ປ້ອງພວກ​ເດັກ​ນ້ອຍ​ແລະ​ຊາວ​ໜຸ່ມ​ຈຸ​ດັ່ງ​ກ່າວ ມັນເຮັດ​ໃຫ້ພວກ​ເຂົາ​ເຈົ້າມີ​ຄວາມ​ຫຼໍ່​ແຫຼມ​ເພີ້ມ​ຂຶ້ນຕໍ່​ການ​ຕົກ​ເປັນ
​ເຫ​ຍື່ອ​ຂອງ​ການ​ຄ້າ​ມະ​ນຸດ​ ໂດຍລັດ​ຖະ​ບານ​ເກົາ​ຫລີ​ເໜືອ ຊຶ່ງ​ເປັນ​ທີ່​ຮູ້​ກັນ​ດີ​ວ່​າ ໄດ້ຈຳ​ຄຸກ​
ພວກ​ໂຕນ​ໜີ​ທີ່​ຖືກສົ່ງ​ກັບ​ແລະ​ທຳ​ການ​ທາ​ລຸນ​ພວກ​ເຂົາ​ໃນ​ຮູບ​ແບບ​ຕ່າງໆ ຮວມ​ທັງ​ບັງ​ຄັບ​ໃຊ້ແຮງ​ງານ. ຍິ່ງ​ໄປ​ກວ່ານັ້ນ ການ​ກະ​ທຳ​ເຫຼົ່າ​ນີ້​ຍັງ​ສະ​ແດງ​ໃຫ້​ເຫັນ​ວ່າ ລັດ​ຖະບານຕັ້ງໃຈ​
ທີ່​ຈະ​ສວຍ​ໃຊ້ ເລື່ອງການ​ຄ້າ​ມະ​ນຸດ ເພື່ອ​ເຫດ​ຜົນ​ທາງ​ດ້ານ​ການເມືອງ ​ແລະ​ໄດ້​ກໍ່​ໃຫ້​ເກີດ
​ມີ​ຄວາມ​ສົງ​ໄສວ່າ ເຈົ້າ​ໜ້າທີ່ລັດ​ຖະບານ​ລາວ ມີຄວາມ​ເຂົ້າ​ໃຈ​ດີ​ຫຼືບໍ່ ໃນ​ເລື່ອງ​ການ​ຄ້າ​ມະ​
ນຸດນັ້ນ.

ຄຳແນະນຳຂອງສະຫະລັດ

​ເພື່ອ​ຍົກ​ລະດັບ​ພາກ​ປະຕິບັດ ​ໃນ​ການ​ຕ​້ານ​ການ​ຄ້າມະນຸດ​ໃຫ້​ດີ​ຂຶ້ນ​ນັ້ນ ​ກະຊວງ​ການ​ຕ່າງ
ປະ​ເທດ​ສະຫະລັດໄດ້ແນະນຳ​ ຕໍ່ລັດຖະບານ​ລາວດັ່ງ​ນີ້:

- ໃຫ້​ຮວມ​ເອົາ​ບັນ​ດາ​ອົງ​ການ​ຈັດ​ຕັ້ງ ​ທີ່​ມີ​ຄວາມ​ຊ່ຽວ​ຊານ ​ໃນ​ການ​ຮ່າງ​ກົດ​ໝາຍ ​
ຕໍ່​ຕ້ານ​ການ​ຄ້າ​ມະ​ນຸດ ເຂົ້າ​ໃນ​ທຸກ​ຂັ້ນ​ຕອນຂອງ​ການ​ຮ່າງ​ກົດ​ໝາຍ​ໃໝ່.

- ໃຫ້​ຈັດ​ຕັ້ງ​ປະ​ຕິ​ບັດ​ຂັ້ນ​ຕອນ​ ການ​ລະ​ບຸ​ໂຕ​ຜູ້​ເຄາະ​ຮ້າຍ​ ຢ່າງ​ເປັນ​ທາງ​ການ​ແລະ​
ເຝິກ​ອົບຮົມ​ຕຳ​ຫຼວດ​ແລະ​ເຈົ້າ​ໜ້າ​ທີ່​ຊາຍ​ແດນໃຫ້​ສາ​ມາດ​ລະ​ບຸ​ໂຕ​ຜູ້​ເຄາະ​ຮ້າຍ
ຈາກການ​ຄ້າ​ມະ​ນຸດ​ໄດ້​ຢ່າງ​ເປັນ​ລະ​ບົບ ແລະ​ສົ່ງ​ເຂົາເຈົ້າ​ໄປ​ຮັບ​ການ​ຊ່ອຍ​ເຫຼືອ
ໂດຍ​ສະ​ເພາະ​ພວກ​ແຮງ​ງານ​ທີ່ຖືກ​ສົ່ງ​ກັບ​ຄືນ​ຈາກ ປະ​ເທດ​ໄທ ແລະ​ຜູ້​ເຄາະ​ຮ້າຍ​
ພາຍ​ໃນ​ປະ​ເທດ.

- ດ້ວຍການ​ຊ່ອຍ​ເຫຼືອ​ຂອງ​ຄູ່​ຮ່ວມ​ງານ​ນາໆ​ຊາດໃຫ້ພັດ​ທະ​ນາ​ຖານ​ຂໍ້​ມູນ​ເພື່ອ
ເກັບ​ກຳ​ລາຍລະ​ອຽດ​ກ່ຽວ​ກັບ​ກິດ​ຈະ​ກຳ ​ຕໍ່​ຕ້ານ​ການ​ຄ້າ​ມະ​ນຸດ ​ຂອງ​ລັດ​ຖະ​ບານ
ແລະ​ແບ່ງ​ປັນ​ຂໍ້​ມູນ​ດັ່ງ​ກ່າວ ກັບ​ກຸ່ມ​ຮ່ວມ​ງານ​ຕ່າງໆ. ​

- ໃຫ້​ເພີ້ມ​ ການ​ດຳ​ເນີນ​ຄວາມ​ພະຍາຍາມ ເພື່ອ​ແກ້​ໄຂ​ບັນຫາການ​ຄ້າ​ມະນຸດ​ພາຍ​ໃນປະເທດຮວມ​ທັງ​ພວກ​ເດັກ​ນ້ອຍ ​ທີ່​ຖືກ​ບັງ​ຄັບ​ໃຫ້​ຄ້າ​ປະ​ເວ​ນີ ຕະຫຼອດ​ທັງ​ພວກ​
ຊາວ​ໜຸ່ມ​ແລະເດັກ​ນ້ອຍ​ ທີ່​ຖືກ​ບັງ​ຄັບ​ໃຊ້​ແຮງ​ງາ​ນ ຢູ່​ໃນ​ພາກ​ສ່ວນ​ການ​ຄ້າ​ກະ​ສິ​ກຳ
ໂດຍ​ລະ​ບຸ​ໂຕ ​ແລະໃຫ້​ການ​ຊ່ອຍ​ເຫຼືອ​ແກ່​ຄົນ​ລາວ​ ທີ່​ຕົກເປັນ​ເຫ​ຍື່ອ​ການ​ຄ້າ​ມະ​ນຸດ
ຢູ່​ພາຍ​ໃນ​ປະ​ເທດ ແລະ​ລົງ​ໂທດ​ຕໍ່​ພວກ​ກະ​ທຳ ຄວາມ​ຜິດ​ເຫຼົ່າ​ນີ້.

​- ໃຫ້​ການອະນຸມັດ​ ບົດ​ບັນ​ທຶກຄວາມ​ເຂົ້າ​ໃຈ ​ກັບ​ບັນດາ​ອົງການ​ຈັດຕັ້ງ ທີ່​ບໍ່​ຂຶ້ນກັບ​ລັດຖະບານແລະ​ອົງການ​ຈັດຕັ້ງນາໆ​ຊາດ ​ໄວ​ຂຶ້ນກວ່າ​ເກົ່າ ເພື່ອ​ອຳ​ນວຍໃຫ້​ພວກ​
ເຂົາ​ເຈົ້າ​ໄດ້ຈັດ​ຕັ້ງ​ປະ​ຕິ​ບັດກິດ​ຈະ​ກຳ​ຕ່າງໆ ໃນ​ການ​ຊ່ອຍ​ເຫຼືອ​ຜູ້​ເຄາະຮ້າຍ.

-ໃຫ້​ເພີ້ມ​ການ​ໃຊ້​ຈ່າຍ​ ໂດຍ​ລວມ​ຂອງ​ລັດ​ຖະ​ບານ ໃນ​ການ​ໃຫ້ການ​ບໍ​ລິ​ການ​ແກ່ຜູ້
​ເຄາະ​ຮ້າຍແລະ​ການ​ປຸກ​ລະ​ດົມສ້າງ​ຄວາ​ມ​ຕື່ນໂຕ ເພື່ອ​ເຕືອນ​ເຖິງ​ໄພ​ອັນ​ຕະ​ລາຍ
ຂອງການ​ຄ້າ​ມະ​ນຸດ.

- ດ້ວຍ​ການ​ຮ່ວມງານ ກັບ​ອົງ​ການ​ຈັດ​ຕັ້ງ​ທ້​ອງ​ຖິ່ນ ​ແລະ​ອົງ​ການ​ຈັດ​ຕັ້ງ​ສາກົນ ໃຫ້​ເພີ້ມຊັບພະຍາກອນ ​ແລະ​ການ​ຝຶກ​ອົບຮົມ​ໃນ​ດ້ານ​ວິຊາ​ຊີບ ​ເພື່ອ​ໃຫ້ການຊ່ອຍເຫຼືອ
ແກ່​ພວກເຄາະ​ຮ້າຍ ຮວມທັງ​ພວກ​ເຄາະ​ຮ້າຍ​ຜູ້​ຊາຍໃນ​ການ​ກັບ​ເຂົ້າສູ່​ສັງຄົມ ຫຼັງ
ຈາກ​ໄດ້​ຖືກ​ສົ່ງຄືນ​ໄປຍັງ ບ້ານ​ເກີດຂອງ​ພວກ​ເຂົາ​ເຈົ້າແລ້ວ.

- ​ໃຫ້​ສືບ​ຕໍ່ຫຼຸດຜ່ອນ​ ຄວາມ​ຮຽກຮ້ອງ​ຕ້ອງການ​ທາງ​ເພດ ຂອງ​ການທ່ອງ​ທ່ຽວ​ໂດຍ​
ປຸກລະດົມໃຫ້​ຕື່ນໂຕ​ກ່ຽວ​ກັບ​ເລື່ອງ​ນີ້​ ແລະ​ປະຕິບັດ​ການລົງ​ໂທດ​ດ້ານ​ອາຍາ.

- ໃຫ້​ເພີ້ມ​ການດຳ​ເນີນ​ຄວາມ​ພະຍາຍ​າມ ​ເພື່ອ​ປາບ​ປາມພວກ​ເຈົ້າໜ້າ​ທີ່ ທີ່​ສົມຮູ້​
ຮ່ວມ​ຄິດ ​ໂດຍ​ສະ​ເພາະໃນ​ລະດັບທ້ອງ​ຖິ່ນ ຮວມທັງ​ໃຫ້​ລົງ​ໂທດ​ດ້ານ​ອາຍາຕໍ່ພວກ
​ເຈົ້​າໜ້າ​ທີ່​ ທີ່​ພົວພັນນຳ​ການ​ກະທຳ​ຄວາມຜິດ​ ກ່ຽວ​ກັບ​ການ​ຄ້າ​ມະນຸດ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG