ລິ້ງ ສຳຫລັບເຂົ້າຫາ

ທ່ານ Trump ກ່າວເຖິງ ນະໂຍບາຍ ຂອງທ່ານ ໃນຄຳປາໄສ ຕໍ່ກອງປະຊຸມໃຫຍ່ ຂອງພັກ


ທ່ານ Donald Trump ຮັບເອົາ ການສະເໜີຊື່ແຕ່ງຕັ້ງ ໃຫ້ທ່ານເປັນຜູ້ສະໝັກ ປະທານາທິບໍດີຂອງພັກ ທີ່ກອງປະຊຸມໃຫຍ່ແຫ່ງຊາດ ພັກຣີພັບບລີກັນ ທີ່ນະຄອນ Cleveland ລັດ Ohio. (21 ກໍລະກົດ 2016)

ທ່ານ Donald Trump ຮັບເອົາ ການສະເໜີຊື່ແຕ່ງຕັ້ງ ໃຫ້ທ່ານເປັນຜູ້ສະໝັກ ປະທານາທິບໍດີຂອງພັກ ທີ່ກອງປະຊຸມໃຫຍ່ແຫ່ງຊາດ ພັກຣີພັບບລີກັນ ທີ່ນະຄອນ Cleveland ລັດ Ohio. (21 ກໍລະກົດ 2016)

ໃນ​ຄຳ​ປາ​ໄສ​ເທື່ອ​ທຳ​ອິດ ​ໃນ​ຄືນ​ວັນ​ພະຫັດນີ້​ ​ໃນ​ຖານະ​ຜູ້ຖືກ​ສະ​ເໜີ​ຊື່ ​ໃຫ້​ເປັນ​ຜູ້​ສະໝັກ​ປະທານາທິບໍດີ​ຂອງ​ພັກຣີພັບ​ບລີ​ກັນທ່ານ Donald Trump ​ໄດ້​ກ່າວ​ເຖິງຄວາມ​ຮີບ​ດ່ວນ​ກ່ຽວ​ເຫດ​ການຮຸນ​ແຮງ​ເມື່ອ​ໄວໆ​ມານີ້ຢູ່​ໃນ​ສະຫະລັດແລະ​ເອີ້ນທ່ານ​ວ່າ​ເປັນ​ຜູ້​ບອກ​ຄວາມ​ຈິງ​ໂດຍ​ກ່າວ​ວ່າ ພາຍ​ໃຕ້​ລັດຖະບານ​ຂອງ​ປະທານາທິບໍດີ Trump ນັ້ນສະຫະລັດ​ຈະ​ເປັນ​ປະ​ເທດ​ທີ່​ປະຕິບັດ​ຕາມ​ລະບຽບ​ກົດໝາຍ​ຢ່າງເຄັ່ງ​ຄັດ.

ຜູ້ທີ່ຖືກສະເໜີ ໃຫ້ເປັນຜູ້ສະໝັກ ປະທານາທິບໍດີ ຂອງພັກຣີພັບບລີກັນ ທ່ານ Donald Trump ກ່າວຄຳປາໄສ ຕໍ່ກອງປະຊຸມ ມື້ສຸດທ້າຍ ຂອງພັກຣີພັບບລີກັນ ທີ່ນະຄອນ Cleveland ລັດ Ohio. (21 ກໍລະກົດ 2016)

ຜູ້ທີ່ຖືກສະເໜີ ໃຫ້ເປັນຜູ້ສະໝັກ ປະທານາທິບໍດີ ຂອງພັກຣີພັບບລີກັນ ທ່ານ Donald Trump ກ່າວຄຳປາໄສ ຕໍ່ກອງປະຊຸມ ມື້ສຸດທ້າຍ ຂອງພັກຣີພັບບລີກັນ ທີ່ນະຄອນ Cleveland ລັດ Ohio. (21 ກໍລະກົດ 2016)

“ກອງ​ປະຊຸມ​ໃຫຍ່​ຂອງ​ພວກ​ເຮົາ​ໄດ້​ມີ​ຂຶ້ນ ​ໃນ​ເວລາ​ທີ່​ເກີດ​ວິ​ກິດ​ການ​ ຢູ່​ໃນ​ປະ​ເທດຂອງ​ພວກ​ເຮົາ. ການໂຈມ​ຕີ​ຕໍ່​ຕຳຫຼວດຂອງ​ພວກ​ເຮົາ ​ແລະ​ການ​ກໍ່​ການ​ຮ້າຍ​ຢູ່​ຕາມ​ຫົວ​ເມືອງ​ຕ່າງໆ​ຂອງ​ພວກ​ເຮົາ ການ​ຂົ່ມຂູ່ຕໍ່​ການ​ດຳລົງ​ຊີວິດ​ຂອງ​ພວກ​ເຮົາໃນແຕລະມື້. ​ແລະນັກ​ການ​ເມືອງຄົນ​ໃດ ​ທີ່ຍັງ​ບໍ່​ເຂົ້າ​ໃຈ​ກ່ຽວ​ກັບ​ໄພ​ອັນຕະລາຍ​ນີ້ ກໍ​ບໍ່​ເໝາະ​ສົມ​ທີ່​ຈະ​ເປັນ​ຜູ້ນຳ​ພາ​ປະ​ເທດ​ຊາດ​ຂອງ​ພວກ​ເຮົາ” ນັ້ນຄື​ຄຳ​ເວົ້າຂອງ​ທ່ານ Trump.

ເບິ່ງລາຍງານຂອງຜູ້ສື່ຂ່າວ Jim Malone

ໃນຄຳປາ​ໄສ​ທີ່​ກ່າວ​ເຖິງ​ບັນຫາ​ໃນ​ຂອບ​ເຂດ​ທີ່​ກວ້າງຂວາງນັ້ນ ທ່ານ Trump ຍັງ​ໄດ້ເວົ້າ ເຖິງ​ແຜນການ​ຂອງ​ທ່ານ​ທີ່​ຈະ​ຕໍ່ສູ້​ກັບ​ກຸ່ມ​ລັດ​ອິສລາມ ແລະ​ກຸ່ມ​ກໍ່​ການຮ້າຍ​ອື່ນໆໃນ​ຂອບ​ເຂດ​ຊາຍ​ແດນຂອງ​ສະຫະລັດ ​ແລະ​ຢູ່​ໃນ​ທົ່ວ​ໂລກ. ທ່ານ Trump ຍັງ​ໄດ້​ກ່າວ​ຄັດຄ້ານ​ຕໍ່​ແນວຄິດຂອງ​ພັກ​ຣີພັບ​ບລີ​ກັນ ​ໂດຍ​ຮຽກຮ້ອງ​ໃຫ້ຍຸຕິຂໍ້​ຕົກລົງ​ການ​ຄ້າ​ຫຼາຍຝ່າຍ ສະໜັບ ສະໜຸນ​ສິດທິ​ປະຊາ​ຄົມ ກະ​ເທີຍ ພວກ​ຮັກ​ຮ່ວມ​ເພດ ພວກ​ຮັກສອງ​ເພດ ແລະພວກ​ປ່ຽນ​ເພດທີ່​ເອີ້ນຫຍໍ້​ວ່າ LGBTແລະສະໜັບສະໜຸນ​ຕໍ່ນະ​ໂຍບາຍ​ບໍ່​ເຂົ້າ​ແຊກແຊງ​ເວລາ​ຮັບ​ມື​ກັບ​ວິ​ກິດ​ການ​ນາໆຊາດ.

​ທ່ານ Trump ກ່າວ​ວ່າ ໃນ​ຖານະ​ປະທານາທິບໍດີ​ຂອງ​ພວກ​ທ່ານ ຂ້າພະ​ເຈົ້າຈະ​ດຳ​ເນີນ​ການ​ທຸກ​ສິ່ງ​ຢ່າງ ທີ່ຢູ່​ໃນ​ອຳນາດ​ຂອງ​ຂ້າພະ​ເຈົ້າ ​ເພື່ອ​ປົກ​ປ້ອງ​ ປະຊາຊົນ LGBT ຂອງ​ພວກ​ເຮົາຈາກ​ຄວາມ​ຮຸນ​ແຮງແລະ​ການ​ກົດ​ຂີ່ໂດຍພວກມີ​ແນວ​ຄິດ​ກຽດ​ຊັງ​ຕ່າງປະ​ເທດ​ເພື່ອປົກ​ປ້ອງ​ພວກ​ເຮົາ​ຈາກ​ພວກ​ກໍ່​ການ​ຮ້າຍ ພວກ​ເຮົາ​ຕ້ອງ​ໄດ້​ເພັ່ງ​ເລັງ​ໃສ່ 3 ຢ່າງ​ດ້ວຍ​ກັນ.

3 ຢ່າງ​ທີ່​ທ່ານ Trump ກ່າວ​ເຖິງ​ນັ້ນ ​ແມ່ນ​ຮວມທັງການ​ປະຕິບັດ​ງານ​ສືບ​ລັບທີ່​ດີ​ທີ່​ສຸດ​ໃນ​ໂລກ​ ປະຖິ້ມ​ໃນ​ອັນ​ທີ່​ທ່ານ​ເອີ້ນວ່າ ນະ​ໂຍບາຍ​ທີ່​ລົ້ມ​ແຫລວ ​ໃນ​ການບູລະນະສ້າງ​ຊາດ​ແລະ​ການ​ປ່ຽນ​ແປງ​ລະບອບ​ການ​ປົກຄອງທີ່​ທ່ານ​ນາງ Hillary Clinton ຊຸກຍູ້​ໃຫ້​ມີ​ຂຶ້ນຢູ່​ໃນ​ອີຣັກ ລີ​ເບຍ ອີ​ຈິບ ​ແລະ​ຊີ​ເຣຍແລະ​ໂຈະ​ການ​ຮັບ​ເອົາ​ຄົນ​ເຂົ້າ​ເມືອງ​ຈາກ​ປະ​ເທດ​ໃດ​ກໍ​ຕາມທີ່​ໄດ້​ມີ​ການ​ປະນີປະນອມ​ໃນ​ເລື້ອງພວກ​ກໍ່ການ​ຮ້າຍ ຈົນ​ກວ່າ​ກົ​ນ​ໄກ​ທີ່​ເໝາະ​ສົມ​ໄດ້​ມີ​ການຈັດຕັ້ງປະຕິບັດ.

ທ່ານ Trump ກ່າວ​ວ່າ ຂ້າພະ​ເຈົ້າມີແຕ່ ຈະຮັບ​ເອົາສ່ວນ​ບຸກຄົນ ​ເຂົ້າມາ​ໃນ​ປະ​ເທດ​ຂອງ​ພວກ​ເຮົາ ຜູ້ທີ່​ໃຫ້ການ​ສະໜັບສະໜຸນ​ ຕໍ່​ຫລັກ​ຄຸນຄ່າ​ຂອງ​ພວກ​ເຮົາ ​ແລະ ​ຮັກ​ປະ​ຊາ​ຊົນ ຂອງ​ພວກ​ເຮົາ.​ ບຸກຄົນ​ໃດ​ກໍ​ຕາມ​ ທີ່​ສະໜັບສະໜຸນ​ຄວາມ​ຮຸນ​ແຮງ ຄວາມ​ກຽດ​ຊັງ​ຫຼືກາ​ນ ກົດ​ຂີ່ ພວກ​ເຮົາ​ບໍ່​ຍິນ​ດີ​ຕ້ອນຮັບເຂົ້າມາ​ໃນ​ປະ​ເທດ​ຂອງ​ພວກ​ເຮົາ​ແລະ​ຈະ​ບໍ່​ຮັບ​ເອົາ​ເດັດ ຂາດ.

ອ່ານຂ່າວນີ້ຕື່ມເປັນພາສາອັງກິດ

XS
SM
MD
LG