ລິ້ງ ສຳຫລັບເຂົ້າຫາ

​ເຮືອ​ ພວກ​ສະ​ແຫວ​ງຫາ​ ການ​ລີ້​ໄພ ​ຫຼົ້ມ​ ຢູ່ນອກ​ ເກາະ Java (ສະໄລດ໌/ວີ​ດີ​ໂອ)


ຜູ້​ລອດ​ຊີວິດ(ກາງ) ຈາກ​ເຮືອ​ຫຼົ້ມ​ໃນ​ເມືອງ Cidaun, West Java: ວັນ​ທີ 24 ກໍລະກົດ 2013.
ເຈົ້າ​ໜ້າ​ທີ່​ອິນ​ໂດ​ເນ​ເຊຍ ​ກໍາລັງ​ຊອກ​ຄົ້ນ​ຫາ​ພວກ​ທີ່​ອາດ​ລອດ​ຊີວິດ​ມາ​ໄດ້ ຫຼັງ​ຈາກ​ເຮືອ​ທີ່​ມຸ້ງ​ໜ້າໄປ​ຍັງ​ອອສ​ເຕຣ​ເລຍລໍາ​ນຶ່ງ​ ຊຶ່ງ​ເຕັມ​ໄປ​ດ້ວຍ​ພວກ​ສະ​ແຫວ​ງຫາ​ການ​ລີ້​ໄພ ໄດ້​ຫຼົ້ມ​ລົງ​ຢູ່​ນອກ​ຝັ່ງ​ທະ​ເລ​ກໍ້າ​ຕາ​ເວັນ​ຕົກ​ສຽງ​ໃຕ້​ ຂອງ​ເກາະ Java.

​ເຈົ້າ​ໜ້າ​ທີ່ ກ່າວໃນ​ວັນ​ພຸດ​ມື້​ນີ້ວ່າ ​ມີ​ຢ່າງ​ນ້ອຍ 150 ຄົນ​ ໄດ້​ຖືກ​ຊ່ອຍ​ຊີວິດ​ໄວ້​ ​ແລະມີ​ລາຍ​ງານ​ວ່າ ມາ​ຮອດ​ດຽວ​ນີ້ ​ແມ່ນມີຢ່າງ​ນ້ອຍ 3 ຄົນເສຍ​ຊີວິດ ຊຶ່ງ​ຮວມທັງ​ເດັກນ້ອຍ 2 ຄົນ ​ແລະ​ຍັງ​ບໍ່​ຊາບຈໍານວນ​ຂອງຜູ້​ຄົນ ທີ່​ຍັງຫາບໍ່​ພົບເທື່ອນັ້ນ.

ເຈົ້າ​ໜ້າ​ທີ່​ຮັກສາ​ຄວາມ​ປອດ​ໄພທາງທະ​ເລ​ຂອງ​ອອສ​ເຕຣ​ເລຍ​ກ່າວ​ວ່າ ​ເຮືອ​ລໍາ​ດັ່ງກ່າວ​ໄດ້​ອອກ​ຈາກ​ໝູ່​ບ້ານ​ຊາວ​ປະ​ມົງ​ແຫ່ງ​ນຶ່ງຂອງອິນ​ໂດ​ເນ​ເຊຍ​ໃນ​ວັນ​ອັງຄານ​ວານ​ນີ້ ​ເພື່ອຈະ​ໄປ​ຍັງເກາະ​ຄຣີສມັສຂອງອອສ​ເຕຣ​ເລຍ ​ແລະໄດ້​ຫຼົ້ມລົງ​ໃນເວລາ​ຕໍ່​ມາ ​ບໍ່​ດົນ​ຫຼັງ​ຈາກ​ທີ່​ອອກ​ເດີນທາງ ​ຍ້ອນ​ຖືກລົມ​ເ​ເຮ​ງຈາກ​ພາກ​ຕາ​ເວັນ​ອອກ ພັດ​ມາ​ປະ​ທະ.


ພວກທີ່​ຖືກ​ຊ່ອຍ​ຊີວິດ​ມາ​ໄດ້​ນັ້ນ ບາງ​ຄົນ​ກ່າ​ວວ່າ ພວກ​ຕົນ​ມາ​ຈາກ ອີຣ່ານ​ແລະອີຣັກ.
​ຄົນ​ອື່ນໆ​ອີກ​ເວົ້າ​ວ່າ​ ພວກ​ຕົນມາ​ຈາກ​ປະ​ເທດ ​ໃນ​ເຂດ​ເອ​ເຊຍ​ຕາ​ເວັນ​ອອກສຽງ​ໃຕ້.

ພວກສະ​ແຫວ​ງຫາ​ການລີ້​ໄພຫລາຍ​ຮ້ອຍ​ຄົນ ຊຶ່ງຫຼາຍໆ​ຄົນ​ ມາ​ຈາກອັຟກາ​ນີສຖານ ແລະ
ປະ​ເທດອື່ນໆ​ໃນ​ເຂດ​ເອ​ເຊຍໃຕ້ ​ໄດ້ຈົມ​ນໍ້າ​ຕາຍ ຍ້ອນ​ເຮືອ​ຫຼົ້ມ​ໃນ​ຫຼາຍໆ​ປີຜ່ານມາ​ນີ້ ​
ໃນ​ຂະນະ​ທີ່ພະຍາຍາມຈະ​ເດີ​ນທາງໄປໃຫ້​ເຖິງອອສ​ເຕຣ​ເລຍ​ຈາກ​ອິນ​ໂດ​ເນເຊຍ ​ໂດຍ​
ຂີ່​ເຮືອທີ່​ບໍ່​ແໜ້ນໜາ ທີ່ພວກລັກລອບ​ເອົາ​ຄົນເຂົ້າ​ເມືອງ ຈັດ​ຫາ​ໃຫ້​ນັ້ນ.

ທາງ​ລັດຖະບານ​ອອສ​ເຕຣ​ເລຍ​ ກ່າວ​ວ່າ ​ປີ​ນີ້ ມາ​ຮອດ​ປະຈຸ​ບັນ​ ​ແມ່ນໄດ້​ມີ​ອົບພະຍົບຫຼາຍ
​ກວ່າ 15 ພັນຄົນ ​ໄດ້ເດີນທາງ​ມາເຖິງອອສ​ເຕຣ​ເລຍ ໂດຍທາງ​ເຮືອ​ນັ້ນ​.

XS
SM
MD
LG