ລິ້ງ ສຳຫລັບເຂົ້າຫາ

ຫຼາຍພັນຄົນ ລະນຶກເຖິງ "ວັນອາທິດ ທີ່ນອງເລືອດ" ຢູ່ເມືອງແຊລມາ ເປັນມື້ທີສອງ


ປ. ໂອບາມາ (ກາງ) ຈັບມືກັບ ແມ່ຕູ້ Amelia Boynton Robinson ທີ່ຖືກທຸບຕີ ໃນວັນອາທິດທີ່ນອງເລືອດນັ້ນ ຍ່າງຂ້າມຂົວ Edmund Pettus Bridge ທີ່ Selma, ລັດ ອາລາບາມາ ເມື່ອວັນທີ 7 ມີນາ 2015.

ປະຊາຊົນ​ຫຼາຍ​ພັນ​ຄົນ ​ໄດ້​ໄປ​ເຕົ້າ​ໂຮມ​ກັນ ຢູ່​ຂົວ​ແຫ່ງ​ໜຶ່ງ​ໃນ
​ເມືອງ Selma ລັດ Alabama ທາງ​ພາກ​ໃຕ້​ຂອງ​ສະຫະລັດ
​ເປັນ​ມື້​ທີ​ສອງໃນ​ວັນ​ອາທິດ​ວານ​ນີ້ ​ເພື່ອຈື່​ຈຳ​ແລະລະນຶກ​ເຖິງ​
ການ​ເສຍ​ສະຫລະ​ຕ່າງໆຂອງ​ຝູງ​ຊົນ​ອີກ​ກຸ່ມ​ໜຶ່ງ ທີ່​ໄດ້ໄປ​ເຕົ້າ​
ໂຮມ​ກັນ​ຢູ່ຂົວ​ແຫ່ງ​ດຽວ​ກັນ ເມື່ອ​ເຄິ່ງສັດຕະວັດ​ຜ່ານ​ມາ ​ໃນ​ມື້ທີ່​
ເອີ້ນ​ກັນ​ວ່າວັນ​ອາທິດ​ທີ່​ນອງ​ເລືອດ” ຫຼື ”Bloody Sunday.”

ປະຊາຊົນ​ຫຼາຍ​ຄົນ ທີ່ໄປຮ່ວມ​ໃນ​ການ​ໂຮມ​ຊຸມນຸມ ​ໃນ​ວັນ​ອາທິດ​
ວານ​ນີ້ ​ແມ່ນ​ໄປຈາກທົ່ວ​ປະ​ເທດ ​ເພື່ອເຂົ້າ​ຮ່ວມ​ໃນ​ຫຼາຍ​ພິທີ​ທີ່​ຈັດ
​ຂຶ້ນ​ເພື່ອ​ເປັນ​ຂີດ​ໝາຍເຫດການ​ດັ່ງກ່າວ.

​ເມື່ອ​ວັນ​ທີ 7 ມີນາ 1965 ນັ້ນ ຕຳຫຼວດ​ໄດ້​ທຸບ​ຕີ ​ແລະ​ຂວ່າງ​ລະ​ເບີດ​ ນ້ຳຕາ​ໃສ່​ພວກ​ເດີນຂະ​ບວນຂ້າມ​ຂົວ​ແຫ່ງ​ນັ້ນ​ ​ເວລາ​ພວກ​ເຂົາ​ເຈົ້າ ພະຍາຍາມຈະ​ຍ່າງ​ຈາກ​ເມືອງ Selma ໄປ​ຫາ​ເມືອງ Montgomery ​ເພື່ອ​ສະໜັບສະໜຸນ​ສິດທິ​ໃນ​ປ່ອນ​ບັດ​ເລືອກ​ຕັ້ງ ສຳຫລັບ​ທຸກ​ຊົນ​ຊາດ​ ຜິວ​ພັນ​ນັ້ນ.

ສອງ​ອາທິດ​ຫຼັງ​ຈາກ​ມື້​ນັ້ນ ມື້​ລາງ​ທ່ານ Martin Luther King,Jr. ຜູ້ນຳ​ດ້ານ​ສິດທິ​ພົນລະ​ເມືອງ ​ໄດ້​ນຳພາ​ປະຊາຊົນ​ ຍ່າງຈາກ​ເມືອງ Selma ​ໄປ​ຫາ Montgomery ຢ່າງ​ສຳ​ເລັດ​ຜົນ. ການ​ເດີນ​ຂະ​ບວນປະ​ທ້ວງ​ດັ່ງກ່າວ ​ໄດ້​ຊ່ອຍ​ກະ​ຕຸ້ນ​ໃຫ້​ມີກາ​ນອອກ​ກົດໝາຍ​ວ່າ​ດ້ວຍ​ສິດທິ​ໃນ​ການ​ປ່ອນ​ບັດ​ ໃນ​ປີ 1965 ທີ່​ຫ້າມ​ການຈຳ​ແນ​ກກີດ​ກັນ ຍ້ອນ​ເຊື້ອ​ຊາດຜິວ​ພັນ​ນັ້ນ.

ທ່ານ Eric Holder ລັດຖະມົນຕີ​ຍຸຕິ​ທຳ​ຂອງ​ສະຫະລັດ ​ໄດ້​ກ່າວ​ຍ້ອງຍໍ​ສັນລະ​ເສີນ​ພວກ​ນັກ​ເຄື່ອນ​ໄຫວ​ໃນ​ປີ 1965 ສຳຫລັບ​ຄວາມ​ອົງອາດ​ກ້າຫານ​ຂອງ​ເຂົາ​ເຈົ້າ ​ໃນ​ການ​ຕໍ່ສູ້ເພື່ອສິດທິ​
ໃນ​ການ​ປ່ອນ​ບັດ​ເລືອກ​ຕັ້ງ​ນັ້ນ.

ກ່ອນ​ໜ້າ​ນັ້ນ ປະທານາທິບໍດີ ບາຣັກ ​ໂອບາ​ມາ ​ໄດ້​ຮ່ວມ​ໃນ​ພິທີ​ຂີດ ໝາຍ​ວັນ​ຄົບຮອບ​ປີ​ດັ່ງ
ກ່າວ ແລະຮຽກຮ້ອງ​ໃຫ້​ຊາວ​ອາ​ເມຣິກັນ​ທຸກ​ຄົນ​ດຳ​ເນີນ​ງານ​ຮ່ວມ​ກັນ ​ເພື່ອ​ເຮັດ​ໃຫ້​ປະ​ເທດ
ຊາດ ດີ​ຂຶ້ນ.

XS
SM
MD
LG