ລັດຖະມົນຕີພາຍໃນຢູເຄຣນ ກ່າວວ່າ ໄດ້ມີພວກກະບົດ ນິຍົມ
ຣັດເຊຍ 30 ຄົນຖືກສັງ ຫານ ໃນລະຫວ່າງການບຸກໂຈມຕີຂອງ
ທະຫານ ເພື່ອກຳຈັດກຳລັງຕໍ່ຕ້ານລັດຖະບານ ໃນວັນຈັນວານນີ້
ທີ່ເມືອງ Slovyansk ທາງພາກຕາເວັນອອກຂອງປະເທດນັ້ນ.
ທ່ານ Arsen Avakov ໄດ້ກ່າວໃນວັນອັງຄານມື້ນີ້ວ່າ ທະຫານ
ລັດຖະບານ 4 ຄົນກໍ ໄດ້ເສຍຊີວິດ ແລະມີອີກ 20 ຄົນບາດເຈັບ ໃນລະຫວ່າງການຍິງຕໍ່ສູ້ກັນ. ໃນວັນຈັນວານນີ້ VOA ໄດ້ຢືນຢັນ
ວ່າມີພວກກະບົດທີ່ນິຍົມຣັດເຊຍຢ່າງນ້ອຍ 20 ຄົນ ໄດ້ຖືກສັງຫານ.
![ພາບຫຼ້າສຸດ ຈາກ ຢູເຄຣນ]()
Photo Gallery:
ໃນອີກດ້ານນຶ່ງນັ້ນ ໃນວັນອັງຄານມື້ນີ້ ເຈົ້າໜ້າທີ່ໄດ້ຍົກເລີກຖ້ຽວບິນຕ່າງໆ ທັງເຂົ້າ ແລະອອກຈາກເມືອງ Denetsk ຊຶ່ງເປັນສູນກາງອຸດສາຫະກຳໃນພາກຕາເວັນອອກ ຂອງຢູເຄຣນ. ຍັງບໍ່ທັນເປັນທີ່ແຈ້ງຂາວເທື່ອວ່າ ແມ່ນຫຍັງຄືສາເຫດທີ່ພາໃຫ້ມີການ ຍົກເລີກຖ້ຽວບິນເຫຼົ່ານີ້ ຫຼືຍັງອີກດົນປານໃດ ຂໍ້ກົດຫ້າມດັ່ງກ່າວນີ້ຍັງຈະມີຜົນບັງຄັບ ໃຊ້ຢູ່.
ໃນຂະນະທີ່ຄວາມຮຸນແຮງພວມທະວີຂຶ້ນນັບມື້ໃນຢູເຄຣນນີ້ ເລຂາທິການໃຫຍ່ອົງການ
ສະຫະປະຊາຊາດ ທ່ານ Ban Ki-moon ໄດ້ບອກອົງການຂ່າວຝຣັ່ງວ່າ ທ່ານຈະຂໍສະເໜີ ໃຊ້ຕົວທ່ານເອງເປັນຜູ້ໄກ່ເກ່ຍ ກ່ອນທີ່ເຫດການຈະຮຸນແຮງຍິ່ງໄປກວ່ານີ້ ຊຶ່ງຈະເຮັດໃຫ້
ບໍ່ມີຜູ້ໃດສາມາດຄວບຄຸມໄດ້ນັ້ນ.
ຢູເຄຣນ ກຳລັງປະເຊີນໜ້າກັບວິກິດການທີ່ຮ້າຍແຮງທີ່ສຸດໃນຮອບຫລາຍໆທົດສະວັດ
ໃນຂະນະທີ່ປະຊາຊົນພວມທຳການຕໍ່ສູ້ກ່ຽວກັບວ່າຈະມອງໄປຫາຢູໂຣບຫຼືຈະປັບປຸງ
ຄວາມສຳພັນກັບຣັດເຊຍ. ພວກແບ່ງແຍກດິນແດນທີ່ນິຍົມຣັດເຊຍ ໄດ້ຄວບຄຸມຫົວ
ເມືອງໃຫຍ່ນ້ອຍປະມານສິບກວ່າຫົວເມືອງທາງພາກຕາເວັນອອກຂອງປະເທດໂດຍ
ຮຽກຮ້ອງເອົາ ສິດ ໃນການລົງປະຊາມະຕິກ່ຽວກັບວ່າ ຈະແຍກອອກຈາກຢູເຄຣນ
ເພື່ອໄປເຂົ້າກັບຣັດ ເຊຍຫລືບໍ່.
ການລົງປະຊາມະຕິທີ່ຄ້າຍຄືກັນນີ້ ໃນເຂດໄຄຣເມຍ ເມື່ອເດືອນມີນາຜ່ານມາ ໄດ້ພາ
ໃຫ້ຣັດເຊຍປະກາດຮວມເຂດດັ່ງກ່າວຂອງຢູເຄຣນເຂົ້າເປັນຂອງຕົນແລະກໍ່ໃຫ້ເກີດ
ວິກິດການ ໃນປະຈຸບັນນີ້.
ຣັດເຊຍ 30 ຄົນຖືກສັງ ຫານ ໃນລະຫວ່າງການບຸກໂຈມຕີຂອງ
ທະຫານ ເພື່ອກຳຈັດກຳລັງຕໍ່ຕ້ານລັດຖະບານ ໃນວັນຈັນວານນີ້
ທີ່ເມືອງ Slovyansk ທາງພາກຕາເວັນອອກຂອງປະເທດນັ້ນ.
ທ່ານ Arsen Avakov ໄດ້ກ່າວໃນວັນອັງຄານມື້ນີ້ວ່າ ທະຫານ
ລັດຖະບານ 4 ຄົນກໍ ໄດ້ເສຍຊີວິດ ແລະມີອີກ 20 ຄົນບາດເຈັບ ໃນລະຫວ່າງການຍິງຕໍ່ສູ້ກັນ. ໃນວັນຈັນວານນີ້ VOA ໄດ້ຢືນຢັນ
ວ່າມີພວກກະບົດທີ່ນິຍົມຣັດເຊຍຢ່າງນ້ອຍ 20 ຄົນ ໄດ້ຖືກສັງຫານ.
ພາບຫຼ້າສຸດ ຈາກ ຢູເຄຣນ
ໃນອີກດ້ານນຶ່ງນັ້ນ ໃນວັນອັງຄານມື້ນີ້ ເຈົ້າໜ້າທີ່ໄດ້ຍົກເລີກຖ້ຽວບິນຕ່າງໆ ທັງເຂົ້າ ແລະອອກຈາກເມືອງ Denetsk ຊຶ່ງເປັນສູນກາງອຸດສາຫະກຳໃນພາກຕາເວັນອອກ ຂອງຢູເຄຣນ. ຍັງບໍ່ທັນເປັນທີ່ແຈ້ງຂາວເທື່ອວ່າ ແມ່ນຫຍັງຄືສາເຫດທີ່ພາໃຫ້ມີການ ຍົກເລີກຖ້ຽວບິນເຫຼົ່ານີ້ ຫຼືຍັງອີກດົນປານໃດ ຂໍ້ກົດຫ້າມດັ່ງກ່າວນີ້ຍັງຈະມີຜົນບັງຄັບ ໃຊ້ຢູ່.
ໃນຂະນະທີ່ຄວາມຮຸນແຮງພວມທະວີຂຶ້ນນັບມື້ໃນຢູເຄຣນນີ້ ເລຂາທິການໃຫຍ່ອົງການ
ສະຫະປະຊາຊາດ ທ່ານ Ban Ki-moon ໄດ້ບອກອົງການຂ່າວຝຣັ່ງວ່າ ທ່ານຈະຂໍສະເໜີ ໃຊ້ຕົວທ່ານເອງເປັນຜູ້ໄກ່ເກ່ຍ ກ່ອນທີ່ເຫດການຈະຮຸນແຮງຍິ່ງໄປກວ່ານີ້ ຊຶ່ງຈະເຮັດໃຫ້
ບໍ່ມີຜູ້ໃດສາມາດຄວບຄຸມໄດ້ນັ້ນ.
ຢູເຄຣນ ກຳລັງປະເຊີນໜ້າກັບວິກິດການທີ່ຮ້າຍແຮງທີ່ສຸດໃນຮອບຫລາຍໆທົດສະວັດ
ໃນຂະນະທີ່ປະຊາຊົນພວມທຳການຕໍ່ສູ້ກ່ຽວກັບວ່າຈະມອງໄປຫາຢູໂຣບຫຼືຈະປັບປຸງ
ຄວາມສຳພັນກັບຣັດເຊຍ. ພວກແບ່ງແຍກດິນແດນທີ່ນິຍົມຣັດເຊຍ ໄດ້ຄວບຄຸມຫົວ
ເມືອງໃຫຍ່ນ້ອຍປະມານສິບກວ່າຫົວເມືອງທາງພາກຕາເວັນອອກຂອງປະເທດໂດຍ
ຮຽກຮ້ອງເອົາ ສິດ ໃນການລົງປະຊາມະຕິກ່ຽວກັບວ່າ ຈະແຍກອອກຈາກຢູເຄຣນ
ເພື່ອໄປເຂົ້າກັບຣັດ ເຊຍຫລືບໍ່.
ການລົງປະຊາມະຕິທີ່ຄ້າຍຄືກັນນີ້ ໃນເຂດໄຄຣເມຍ ເມື່ອເດືອນມີນາຜ່ານມາ ໄດ້ພາ
ໃຫ້ຣັດເຊຍປະກາດຮວມເຂດດັ່ງກ່າວຂອງຢູເຄຣນເຂົ້າເປັນຂອງຕົນແລະກໍ່ໃຫ້ເກີດ
ວິກິດການ ໃນປະຈຸບັນນີ້.
