ສະບາຍດີທຸກໆທ່ານ. ພົບກັນອີກຕາມເຄີຍ ພ້ອມກັບເພງມ່ວນໆໃນທຸກໆ ຄໍ່າຄືນ
ວັນອາທິດ. ມື້ນີ້ ແມ່ນພິເສດແດ່ ເພາະວ່າເຖິງຕອນທີ່ຈະໄດ້ເປີດເພງລາວແລ້ວ.
ລາຍການວີໂອເອຂອງເຮົາປີນີ້ ແມ່ນມີການປ່ຽນແປງແດ່ ເວລາຂອງລາຍການກໍມີ
ການດັດແປງແດ່ເລັກນ້ອຍ…ໃນບາງຄັ້ງ ບາງກໍລະນີ ວັນນະສອນ ກໍນຳສະເໜີເພງ
ພິເສດສະເພາະ ເຊັ່ນໃນຊ່ວງທີ່ເຂື່ອນແຕກ ທີ່ມີສິນລະປິນລາວແຕ່ງເພງຂຶ້ນ ເພື່ອເປັນ
ກຳລັງໃຈໃຫ້ແກ່ພວກປະສົບໄພໃນແຂວງອັດຕະປື. ແຕ່ກໍມີບາງຄົນທີ່ໄດ້ສະແດງ
ຄວາມບໍ່ພໍໃຈເຂົ້າມາ ຊຶ່ງກໍຖືວ່າ ເປັນເລື້ອງທຳມະດາທີ່ວ່າ ທຸກສິ່ງທຸກຢ່າງທີ່ເຮັດຂຶ້ນມາ ຈະສ້າງຄວາມພໍໃຈໃຫ້ແກ່ບາງຄົນ ແລະສ້າງຄວາມ ບໍ່ພໍໃຈໃຫ້ແກ່ອີກບາງຄົນ. ສຳລັບ
ທ່ານຜູ້ຟັງທີ່ມີຊື່ວ່າ ທະນົງສັກ ກັບຂຽນບອກມາວ່າ “ຄວນຈະເພີ່ມຊົ່ວໂມງອອກອາກາດ
ຕື່ມ” ເອົາຈັ່ງໃດກໍຕາມ ພວກເຮົາຈະພະຍາຍາມ. ມື້ນີ້ ເຮົາຂໍເລີ້ມດ້ວຍຜົນງານເພງ
ຂອງສິນລະປິນທີ່ເປັນຕຳນານ ວໍຣະເດດ ດິດທະວົງ ຕາມມາດ້ວຍ ສິລະປິນ ມະລີຈັນສຸກ
ແລະປິດທ້າຍລາຍການ ດ້ວຍເພງຂອງສິນລະປິນອະວຸໂສ ທີ່ເປັນຕຳນານ ທີ່ນັບມື້ ນັບຫາ
ຟັງໄດ້ຍາກ…ເພງທີນຶ່ງເປັນເພງມາຍຸຣີ ຂອງ ວໍຣະເດດ ເພງຕໍ່ໄປເປັນຂອງ ມະລີຈັນສຸກ
ໃນບົດເພງ ໂທລະສັບ ແລະປິດທ້າຍລາຍການດ້ວຍເພງຂອງ ຄຳຫຼ້າໜໍ່ແກ້ວ…
ໃນບົດເພງ ຮັກບໍ່ລືມ ເຊີນຮັບຟັງໄດ້ເລີຍ. ພົບກັນໃໝ່ ໃນສັບປະດາໜ້າ ຂໍມຫ້ທຸກໆທ່ານ
ນອນລັບຝັນຫວານ.
