ລິ້ງ ສຳຫລັບເຂົ້າຫາ

ນາງ Myunghee Bae ໄປຢ້ຽມ ລູກຊາຍ ທີ່ຕິດຄຸກ ຢູ່ ເກົາຫຼີເໜືອ


ນາງ Myunghee Bae ແມ່ຂອງທ່ານ Kenneth Bae ທີ່ໄປຢ້ຽມລູກຊາຍ ທີ່ຍັງຕິດຄຸກ ຢູ່ເກົາຫລີເໜືອ

ນາງ Myunghee Bae ແມ່ຂອງທ່ານ Kenneth Bae ທີ່ໄປຢ້ຽມລູກຊາຍ ທີ່ຍັງຕິດຄຸກ ຢູ່ເກົາຫລີເໜືອ

ແມ່​ຂອງ​ນັກ​ເຜີຍ​ແຜ່​ສາສະໜາ ຊາວ​ອາ​ເມຣິກັນ​ຄົນ​ນຶ່ງ ທີ່​ຖືກ
​ກັກ​ຂັງ​ຢູ່​ໃນ​ເກົາຫລີ​ເໜືອ​ເປັນ​ເວລາ 11 ​ເດືອນ​ທີ່​ຜ່ານ​ມາ ​ໄດ້​
ເດີນທາງໄປເຖິງ ກຸງ​ພຽງຢາງ​ ​ເພື່ອ​ຢ້ຽ​ມຢາມ​ລູກ​ຊາຍ​ຂອງ​ນາງ.

ນາງ Myunghee Bae ​ໄດ້​ເດີນ​ທາງ​ໄປ​ເຖິງເກົາຫລີ​ເໜືອ ​ໃນ​
ວັນ​ພະຫັດ​ວານ​ນີ້ ​ແລະ​ມີ​ກຳນົດ ທີ່​ຈະ​ພົບພໍ້​ລູກ​ຊາຍ​ຂອງ​ນາງ
ທ່ານ Kenneth Bae ​ໃນ​ຕອນ​ເຊົ້າ​ວັນ​ສຸກ​ມື້​ນີ້. ​ເປັນ​ທີ່​ຄາດ​
ກັນ​ວ່າ ນາງ ຈະ​ພັກ​ເຊົາຢູ່ທີ່​ເກົາຫລີ​ເໜືອ ​ປະມານ​ຫ້າ​ວັນ.

ທ່ານ Kenneth Bae ​ໄດ້​ຖືກ​ຕັດສິນ​ລົງ​ໂທດ ​ໃນເດືອນ​ພຶດສະ
ພາ ຜ່ານ​ມາ ​ໃຫ້​ອອກ​ແຮງ​ງານ​ໜັກ​ 15 ປີ ​ໃນ​ຖານ​ບ່ອນ​ທຳ
ລາຍ​ເກົາຫຼີເໜືອ​. ຄອບຄົວ​ຂອງ​ລາວ​ກ່າວ​ວ່າ ລາວ​ເປັນ​ເບົາ
ຫວານ ​ແລະມີສຸຂະ ພາບທີ່​ບໍ່​ຄ່ອຍ​ດີ.

​ເກົາຫລີ​ເໜືອ ​ໄດ້​ລົ້ມ​ເລີກ​ການສະ​ເໜີ ​ເມື່ອ​ເດືອນ​ສິງຫາ​ຜ່ານ​
ມາ ທີ່​ຈະອະນຸຍາດ​ໃຫ້ທູດ​ພິ​ເສດສະຫະລັດ ທ່ານ Robert
King ​ໄປ ຢ້ຽມຢາມ​ກຸງ​ພຽງ​ຢາງ​ເພື່ອ​ຮ້ອງ​ຂໍ​ໃຫ້​ປ່ອຍ​ໂຕທ່ານ
Bae ​ຍ້ອນ​ເຫັນ ​ແກ່​ມະນຸດສະ​ທໍາ. ບັນດາ​ເຈົ້າ​ໜ້າທີ່​ກ່າວວ່າ
ການ​ຢ້ຽມຢາມ​ໄດ້​ຖືກ​ຍົກເລີກ ​ເພາະວ່າມີ​ການ​ຊ້ອມ​ລົບ​ຮ່ວມ​ທາງ​ທະຫານ ​ລະຫວ່າງ​ສະຫະລັດ​ແລະເກົາຫລີ​ໃຕ້ ຢູ່​ທີ່​ເກົາຫລີ​ໃຕ້​ໃນ​ເວລາ​ນັ້ນ.

ນັກເຜີຍແຜ່​ສາສະໜາຄຣິສຕຽນອາຍຸ 45 ປີ ທ່ານ​ນີ້ ​ໄດ້​ຖືກ​ຈັບ​ໃນປີ​ກາຍ​ນີ້ ຫລັງ​ຈາກ​ໄດ້​ເຂົ້າໄປ​ໃນ​ເກົາຫລີ​ເໜືອ ​ໃນ​ຖານະ​ຜູ້​ນໍາ​ທ່ຽວ.

ມີຊາວ​ອາ​ເມຣິກັນ 5 ຄົນ ໄດ້​ຖືກ​ຄຸມ​ຂັງ​ຢູ່ເກົາຫລີ​ເໜືອ ນັບ​ຕັ້ງ​ແຕ່​ປີ 2009 ​ເປັນຕົ້ນມາ ​ຊຶ່ງ
ໃນ​ທີ່​ສຸດ​ໄດ້​ຖືກ​ປ່ອຍໂຕ ອະ​ນຸຍາດ​ໃຫ້​ກັບ​ບ້ານ ​ໂດຍປາ​ສະ​ຈາກ ການ​ຮັບໃຊ້ໂທດ​ໂດຍ​ເຕັມ ຫລັງ​ຈາກການ​ຢ້ຽມຢາມ​ຂອງ​ຊາວ​ອາ​ເມຣິກັນຜູ້​ສໍາຄັນ ຮວມ​ທັງອະ​ດີດ​ປະທານາທິບໍດີ Bill Clinton ​ແລະ Jimmy Carter.
XS
SM
MD
LG