ລິ້ງ ສຳຫລັບເຂົ້າຫາ

ລມຕ ຕ່າງປະເທດ Kerry ລາຍງານ ແຜນໂຈມຕີມັນ​ສະໝອງ ຂອງ ກຸ່ມລັດອິສລາມ


ລັດຖະມົນຕີ ຕ່າງປະເທດ ສະຫະລັດ ທ່ານ John Kerry ກ່າວຢູ່ທີ່ ກອງປະຊຸມນັກຂ່າວ ທີ່ກອງບັນຊາການ NATO ນະຄອນ Brussels, ທີ 2, ທັນວາ 2015.

ລັດຖະມົນຕີ ຕ່າງປະເທດ ສະຫະລັດ ທ່ານ John Kerry ກ່າວຢູ່ທີ່ ກອງປະຊຸມນັກຂ່າວ ທີ່ກອງບັນຊາການ NATO ນະຄອນ Brussels, ທີ 2, ທັນວາ 2015.

ລັດຖະມົນຕີ​ ຕ່າງປະ​ເທດ ສະຫະລັດ ທ່ານ John Kerry ກ່າວ
ໃນ​ວັນ​ພຸດ​ມື້​ນີ້​ວ່າ ລັດຖະບານ​ອີຣັກ ​ໄດ້​ຖືກແຈ້ງ​ໃຫ້​ຊາບ​ລ່ວງ​
ໜ້າ ກ່ຽວ​ກັບ​ການ​ປະກາດ​ຂອງ ລັດຖະມົນຕີປ້ອງກັນ​ປະເທດ
ທ່ານ Ash Carter ວ່າ ໜ່ວຍ​ປະຕິບັດ​ງານ ພິ​ເສດຂອງ​ສະຫະ
ລັດ ອາດ​ຈະໄປ​ເຖິງອີຣັກ ​ໃນ​ບໍ່​ເທົ່າ​ໃດ​ອາທິດ​ຂ້າງ​ໜ້າ​ນີ້.

“ກຳລັງ​ສຳ​ຫລວດ​ຫາ​ເປົ້າ​ໝາຍ​ພິ​ເສດ” ຈະ​ປະກອບ​ດ້ວຍ
​ກຳລັງ​ພິ​ເສດປະມານ 200 ຄົນ ​ອີງ​ຕາມ​ບັນດາ​ເຈົ້າ​ໜ້າ​ທີ່ໆ
​ຮູ້ເ​ລື້​ອງດີກ່ຽວ​ກັບ​ແຜນການດັ່ງກ່າວທີ່​ແນ ໃສ່ເພື່ອໂຈມ​ຕີ
ມັນ​ສະໝອງ ​ແລະ​ລະບົບ​ເສັ້ນ​ປະສາດ ຂອງ​ກຸ່ມ​ກໍ່​ການ​ຮ້າຍ
​ລັດ​ອິສລາມ.

ລັດຖະມົນຕີປ້ອງກັນປະເທດ ສະຫະລັດ ທ່ານ Ash Carter (ຊ້າຍສຸດ)

ລັດຖະມົນຕີປ້ອງກັນປະເທດ ສະຫະລັດ ທ່ານ Ash Carter (ຊ້າຍສຸດ)

ນາຍົກລັດຖະມົນຕີອີຣັກ ທ່ານ Haider al-Abadi ສັນລະ​ເສີນ​ກຳລັງ​ທະຫານ ​ຂອງ​ທ່ານ
ຢູ່​ໃນ​ຖະ​ແຫລ​ງການທີ່​ອອກ​ໃນ​ວັນ​ອັງຄານ​ວານ​ນີ້ ​ແລະໄດ້​ເວົ້າ​ວ່າ ​ໃນ​ຂະນະ​ທີ່ອີຣັກ ຍິນ​ດີ​
ຕ້ອນຮັບການ​ສະໜັບສະໜູນ​ຈາກ​ເພື່ອນ​ຮ່ວມງານ​ນາໆ​ຊາດກໍ​ຈິງ ​ແຕ່ຕົນ​ບໍ່ຕ້ອງການ ກຳ
ລັງ​ສູ້​ລົບ​ພາກ​ພື້ນ​ດິນຂອງ​ຕ່າງປະ​ເທດ. ທ່ານ​ກ່າວ​ວ່າ ການ​ຊ່ວຍ​ເຫລືອ​ດັ່ງກ່າວ ​ແລະ​ການ​ປະຕິບັດ​ງານ​ພິ​ເສດ ຈະ​ຕ້ອງ​ປະຕິ​ບັດ ດ້ວຍ​ການ​ຮັບ​ຮູ້​ຈາກ​ລັດຖະບານ ​ແລະການປະສານ
​ງານ​ກັບກຳລັງ​ທະຫານ​ອີຣັກ

ທ່ານ Kerry ​ໄດ້​ສະ​ແດງ​ການ​ສະໜັບ​ສະ​ໜູນ​ຢ່າງ​ແຮງຕໍ່​ທ່ານ Abadi ​ແລະ​ກ່າວ​ໃນ​ວັນ
​ພຸດ​ມື້​ນີ້​ວ່າ ​ແຜນ​ຂອງ​ສະຫະລັດ ທີ່​ກຳລັງ​ນຳ​ອອກປະຕິບັດແມ່ນ​ໄດ້​ຮັບ​ການ​ເຫັນ​ພ້ອມ​
ຢ່າງ​ເຕັມທີ່​ ຈາກລັດຖະບານ​ອີຣັກ.

ກຳລັງທະຫານເຄີດ ທີ່ຮູ້ກັນວ່າ peshmerga ກຳລັງປະຕິບັດງານ.

ກຳລັງທະຫານເຄີດ ທີ່ຮູ້ກັນວ່າ peshmerga ກຳລັງປະຕິບັດງານ.

ທ່ານ Kerry ​ໄດ້​ກ່າວ​ໂດຍ​ການ​ໃຊ້ຄຳຫຍໍ້​ກັບ​ກຸ່ມລັດ​ອິສລາມວ່າ “ພວກ​ເຮົາ​ຈະ ​ສືບ​ຕໍ່​
ປະຕິ​ບັດ​ງານ​ຢ່າງ​ໃກ້ຊິດ​ທີ່​ສຸດກັບອີ​ຣັກທີ່​ເປັນຄູ່​ຮ່ວມງານວ່າ ​ໃຜ​ຈະ​ຖືກ​ສົ່ງ​ໄປ​ຢ່າງ​ແທ້​
ຈິງ ບ່ອນ​ໃດ​ທີ່​ເຂົາ​ເຈົ້າ​ຈະ​ຖືກ​ສົ່ງ​ໄປ ການ​ປະຕິບັດ​ງານແບບ​ໃດ​ທີ່​ຈະມີ​ຂຶ້ນ ​ເຂົາ​ເຈົ້າ​ຈະ​ໃຫ້
ການ​ສະໜັບສະໜູນ​ແບບ​ໃດ ​ຕໍ່ຄວາມ​ພະຍາຍາມ​ຂອງ​ອີຣັກ ​ເພື່ອ​ຫລຸດ​ສະມັດ​ຖະພາບ ​ແລະ​ທຳລາຍກຸ່ມ ISIL.”

XS
SM
MD
LG