ລິ້ງ ສຳຫລັບເຂົ້າຫາ

ADB ຊ່ວຍ ມຽນມາ ປັບປຸງ ລະບົບ​ໄຟຟ້າ


ປະທານ Thein Sein (ກາງ) ໄປເບິ່ງໂຮງໄຟຟ້າ ພະລັງນໍ້າຮ້ອນ Kawasaki ຂອງບໍລິສັດໄຟຟ້າ Tokyo Electric Power Company (TEPCO) ທາງກໍ້າໃຕ້ຂອງນະຄອນຫລວງໂຕກຽວ ເມື່ອວັນທີ 22 ເມສາ 2012.
ທະນາຄານ​ພັດທະນາເອ​ເຊຍຫຼື​ ADB ກ່າວວ່າ ມີ​ຄວາມ​ຈຳ​ເປັນ
​ທີ່​ຈະ​ຕ້ອງ​ດຳ​ເນີນຄວາມພະຍາຍາມຢ່າງຮີບ​ດ່ວນ ເພື່ອຊ່ອຍປັບ
ປຸງໃຫ້​ປະຊາຊົນມີ​ໄຟຟ້າ​ໃຊ້​ຢູ່​ໃນມຽນມາ ບ່ອນທີ່ມີພຽງ ແຕ່ນຶ່ງ
​ສ່ວນ​ສີ່ຂອງປະຊາກອນ​ເທົ່າ​ນັ້ນ ມີໄຟຟ້າໃຊ້​ເວລາ​ນີ້.

ທະນາຄານ ທີ່ມີສໍານັກງານ​ໃຫຍ່ຢູ່ກຸງມະນີລາດັ່ງກ່າວ​ ຍັ​ງ​ເວົ້າ
ວ່າຂົງເຂດທັງໝົດຂອງປະເທດ ຈະປະສົບ​ກັບ​ອຸບປະສັກຢ່າງຮ້າຍແຮງໃນຄວາມພະຍາ
ຍາມ​ເພື່ອ​ສ້າງ​ຄວາມກ້າວໜ້າ ທາງ​ດ້ານເສດຖະກິດຖ້າຫາກວ່າການຂາດແຄນໄຟຟ້າ
ບໍ່ໄດ້ຮັບການ​ແກ້​ໄຂ​ໃຫ້​ດີ​ຂຶ້ນ.

ການຊົມໃຊ້ໄຟຟ້າຂອງລາຍບຸກຄົນຢູ່​ມຽນມາ ແມ່ນຮວມຢູ່​ໃນ​ບັນດາ​ປະ​ເທດເອເຊຍທີ່ຕໍ່າ
ສຸດ. ທະນາຄານພັດທະນາ​ເອ​ເຊຍ ຄາດຄະເນວ່າ ມີພຽງແຕ່ 1 ໃນ 4 ຂອງປະຊາກອນ
ເທົ່ານັ້ນ ທີ່ສາມາດມີໄຟຟ້າໃຊ້ ແລະຢູ່ໃນເຂດຊົນນະບົດທີ່​ສອກຫຼີກຫ່າງ​ໄກ​ບາງ​ບ່ອນນັ້ນ
ແມ່ນມີອັດຕາ​ທີ່ຕໍ່າເຖິງ 16%.

ໃນການຊັ່ງຊາ​ຕີ​ລາຄາຂັ້ນຕົ້ນຂອງພາກສ່ວນພະລັງງານມຽນມານັ້ນ​ທາງທະນາຄານ
ພັດທະນາ​ເອ​ເຊຍກ່າວວ່າ ​ມຽນມາ​ແມ່ນອຸດົມສົມບູນໄປ​ດ້ວຍ​ຄວາມເປັນໄປໄດ້ ​ໃນ​ການ
​ຜະລິດ​ກະ​ແສ​ໄຟຟ້າ ຮວມທັງການ​ສຳ​ຫຼວດຫາ​ນໍ້າມັນ​ແລະແກ໊ສທໍາມະຊາດ​ແລະແຫຼ່ງ
ພະລັງງານ ທີ່ໃຊ້ຄືນໃໝ່ໄດ້ອື່ນໆ.

​ແຕ່ທະນາຄານພັດທະນາ​ເອ​ເຊຍ ຍັງກ່າວອີກວ່າ ການຂາດປັດໄຈທາງດ້ານການເງິນ
ແມ່ນອຸບປະສັກຂັດຂວາງຕໍ່ການພັດທະນາທີ່ຈໍາ​ເປັນ​ດ້ານພະລັງງານ ​ເພື່ອ​ຊ່ວຍ​ຫຼຸດຜ່ອນ
ຄວາມຍາກຈົນລົງໄດ້. ມຽນມາຊຶ່ງ​ເປັນ​ປະ​ເທດດ້ອຍພັດທະນາ ກໍາລັງຟື້ນ​ໂຕ​ຄືນຈາກ
ການ​ໂດດດ່ຽວທາງ​ດ້ານເສດຖະກິດແລະການເມືອງ ທີ່​ມີ​ມາ​ເປັນ​ເວລາ​ຫຼາຍທົດ​ສະ​ວັດ
ພາຍ​ໃຕ້​ການປົກຄອງ​ແບບ​ຜະ​ເດັດ​ການ ​ຂອງ​ຜູ້ນຳ​ທະຫານ​ນັ້ນ.
XS
SM
MD
LG