ບັນດາເຈົ້າໜ້າທີ່ກ່າວວ່າ ພວກມືປືນ, ທີ່ລີ້ຊ່ອນຢູ່ໃນອາຄານ
ຫຼັງໜຶ່ງໃກ້ກັບສະຖານກົງສຸນ ອິນເດຍ ໃນເມືອງ Mazar-i-
Sharif ທາງພາກເໜືອຂອງ ອັຟການິສຖານ ກຳລັງສືບຕໍ່ຍິງ
ໂຕ້ຕອບກັບກອງກຳລັງຮັກສາຄວາມປອດໄພ ອັຟການິສຖານ
ໃນວັນຈັນມື້ນີ້.
ພວກຫົວຮຸນແຮງທີ່ບໍ່ໍ່ປະກົດຊື່ໄດ້ພະຍາຍາມທີ່ຈະບຸກເຂົ້າໄປ
ໃນສະຖານກົງສຸນໃນວັນອາທິດວານນີ້ ໃນຂະນະທີ່ການຍິງປືນ
ແລະຈະຫຼວດປືນໝາກປີໄດ້ແຕກດັງໄປທົ່ວ ຂົງເຂດທີ່ຢູ່ອ້ອມແອ້ມ.
ໂຄສົກຂອງເຈົ້າເມືອງໃນທ້ອງຖິ່ນໄດ້ກ່າວວ່າ ມືປືນໄດ້ຍິງຈະຫຼວດ
ຈາກຕຶກອາຄານຂ້າມຜ່ານຖະໜົນຈາກ ສະຖານກົງສຸນ, ກະຕຸ້ນໃຫ້ເກີດການຍິງປະທະ
ກັນ ລະຫວ່າງກຳລັງຮັກສາຄວາມປອດໄພ ແລະ ພວກເຂົ້າໂຈມຕີ. ມີພົນລະເຮືອນຢ່າງ
ໜ້ອຍໜຶ່ງຄົນ ໄດ້ຮັບບາດເຈັບຈາກການປະທະກັນນັ້ນ.
ມາເຖິງປະຈຸບັນນີ້, ຍັງບໍ່ມີໃຜອອກມາອ້າງເອົາຄວາມຮັບຜິດຊອບ ສຳລັບການໂຈມຕີ
ດັ່ງກ່າວເທື່ອ.