ທ່ານ Roger Ailes ຜູ້ກໍ່ຕັ້ງພ້ອມທັງເປັນຫົວໜ້າຕາໜ່າງໂທລະພາບ Fox News ມາເປັນເວລາດົນນານແລ້ວນັ້ນໄດ້ລາອອກ ຫຼັງຈາກພະນັກງານຍິງຫຼາຍໆຄົນຂອງບໍລິສັດ ກ່າວຫາທ່ານວ່າລວນລາມທາງເພດ.
ການລາອອກຂອງທ່ານ Ailes ຊຶ່ງມີຜົນບັງຄັບມໃນທັນທີ ໄດ້ມີການປະກາດໂດຍບໍລິສັດແມ່ ຂອງຕາໜ່າງໂທລະພາບດັ່ງກ່າວ ຄືບໍລິສັດ 21ST Century Fox. ເມື່ອສອງອາທິດກ່ອນ ທ່ານ Ailes ໄດ້ຖືກຟ້ອງໃນຖານລວນລາມທາງເພດ ໂດຍນາງ Gretchen Carl-
son ອະດີດຜູ້ຈັດລາຍການ Fox & Friends ທີ່ໄດ້ອອກຈາກບໍລິສັດໄປໃນເດືອນແລ້ວ ຍ້ອນສັນຍາຂອງນາງບໍ່ໄດ້ຮັບການຕໍ່ອາຍຸ.
ທ່ານ Rupert Murdoch ຜູ້ມີອິດທິພົນດ້ານສື່ມວນຊົນ ຊາວອອສເຕຣເລຍ ຊຶ່ງເປັນປະ ທານບໍລິສັດໃນເວລານີ້ ຈະບໍລິຫານຕາໜ່າງໂທລະພາບ Fox News ແລະຕາໜ່າງໂທ ລະພາບ Fox Business ຊຶ່ງຢູ່ພາຍໃຕ້ການຄວບຄຸມດູແລຂອງທ່ານ Ailes ນັ້ນ ໄປຈົນກວ່າສາມາດຊອກຫາຜູ້ມາແທນທ່ານໄດ້.
ຖະແຫລງຂ່າວຂອງທາງບໍລິສັດບໍ່ໄດ້ກ່າວເຖິງການຟ້ອງຮ້ອງ ຫຼືການທົບທວນຂອງທາງບໍລິສັດກ່ຽວກັບການກ່າວຫາດັ່ງກ່າວ.
ໃນສຳນວນຟ້ອງນັ້ນ ນາງ Carlson ກ່າວວ່າ ອາຊີບຂອງນາງໄດ້ຖືກທຳລາຍ ໂດຍເຈດຕະນາ ຫຼັງຈາກນາງໄດ້ປະຕິເສດຕໍ່ການສວຍໂອກາດທາງເພດຂອງ ທ່ານ Ailes. ທ່ານ Ailes ໄດ້ປະຕິເສດຕໍ່ການກ່າວຫາເຫລົ່ານີ້.
ທ່ານ Ailes ອະດີດທີ່ປຶກສາປະທານາທິບໍດີຂອງພັກຣີພັບບລີກັນ ອາຍຸ 76 ປີ ແມ່ນບຸກ ຄົນສຳຄັນ ຢູ່ໃນມະຫາອານາຈັກສື່ມວນຊົນ ແລະເປັນພັນທະມິດ ມາເປັນເວລາດົນນານຂອງທ່ານ Murdoch.
ພາຍໃຕ້ການນຳພາຂອງທ່ານນັ້ນ Fox News ໄດ້ກາຍມາເປັນສະຖານີໂທລະພາບທີ່ ສຳຄັນຂອງພວກນັກວິຈານການເມືອງນິຍົມແນວທາງເດີມ ຊຶ່ງມີຜູ້ເບິ່ງຜູ້ຊົມທີ່ແຕກຕ່າງໄປຈາກສະຖານີຄູ່ແຂ່ ງຄື CNN ແລະ MSNBC.
