ລິ້ງ ສຳຫລັບເຂົ້າຫາ

ປະຊາຊົນ ອີຈິບ ໄປລົງຄະແນນສຽງ ໃນການ ເລືອກຕັ້ງ ລັດຖະສະພາ


ແມ່ຍິງ ອີຈິບ ຄົນໜຶ່ງປ່ອນບັດ ໃນການເລືອກຕັ້ງລັດຖະສະພາ ຮອບທຳອິດ ທີ່ໜ່ວຍເລືອກຕັ້ງໃນເມືອງ Giza ນະຄອນຫຼວງ Cairo, 18 ຕຸລາ, 2015.

ການ​ລົງ​ຄະ​ແນນ​ສຽງ​ໃນ​ການ​ເລືອກ​ຕັ້ງສຳລັບສະພາ​ໃໝ່​ ທີ່​ໄດ້​ລໍຖ້າ​ມາ​ດົນ​ນານ ​ໄດ້ໄຂ​ຂຶ້ນໃນ​ວັນ​ອາທິດມື້​ນີ້ໃນ​ເຄິ່ງໜຶ່ງຂອງ ຈຳນວນ​ແຂວງ​ທົ່ວ​ປະ​ເທດ​ ອີ​ຈິບ. ​ໃນ​ຂະນະ​ທີ່​ລັດຖະບານ ​ເຮັດ​ວຽກ​ເພື່ອ​ສຳ​ເລັດແຜນການໄປສູ່​ປະຊາທິປະ​ໄຕ​ ເຊິ່ງ​ໄດ້​ປະ​ຕິ​ບັດ​ຂຶ້ນ ​ຫຼັງ​ຈາກ​ການ​ຂັບ​ໄລ່​ປະທານາທິບໍດີ Mohammed Morsi ອອກ​ຈາກ​ຕຳ​ແໜ່​ງ.

ຂັ້ນ​ຕອນ​ທຳ​ອິດ​ຂອງ​ການ​ເລືອກ​ຕັ້ງລວມມີ 14 ​ແຂວງ​ສຳລັບ​ການ​ລົງ​ຄະ​ແນນ​ສຽງ​ໃນ​ວັນ​ອາ​ທິດມື້​ນີ້ ​ແລະ ວັນ​ຈັນ​ມື້​ອື່ນ, ​ແລະ ​ເຂດ​ທີ່​ເຫຼືອ​ແມ່ນ​ຈະໄດ້​ໄປ​ເລືອກ​ຕັ້ງ​ ໃນ​ຕົ້ນ​ຂອງ​ເດືອນ​ທັນວາທີ່​ຈະ​ມາ​ເຖິງ​ນີ້. ປະຊາຊົນ ອີ​ຈິບ ທີ່​ອາ​ໄສ​ຢູ່​ຕ່າງປະ​ເທດ ກໍ​ໄດ້​ມີ​ໂອກາດ ໃນ​ການ​ລົງ​ຄະ​ແນນ​ສຽງ​ໃນ​ວັນ​ເສົາ​ວານ​ນີ້.

ປະຊາຊົນ ອີຈິບ ລຽນແຖວລໍຖ້າປ່ອນບັດເລືອກຕັ້ງ ຢູ່ນອກສະຖານີ ການເລືອກຕັ້ງ ໃນລະຫວ່າງ ການເລືອກຕັ້ງລັດຖະສະພາ ໃນເມືອງ Alexandria, 18 ຕຸລາ, 2015.
ປະຊາຊົນ ອີຈິບ ລຽນແຖວລໍຖ້າປ່ອນບັດເລືອກຕັ້ງ ຢູ່ນອກສະຖານີ ການເລືອກຕັ້ງ ໃນລະຫວ່າງ ການເລືອກຕັ້ງລັດຖະສະພາ ໃນເມືອງ Alexandria, 18 ຕຸລາ, 2015.

ຜູ້ນຳ​ຄົນ​ປັດຈຸ​ບັນ ທ່ານ Abdel Fattah el-Sissi ​ໄດ້​ນຳ​ໜ້າ​ຄວາມ​ພະຍາຍາມ​ເພື່ອ​ໂຄ່ນ​ອຳນາດ​ທ່ານ Morsi ​ໃນ​ປີ 2013, ປະ​ທາ​ນາ​ທິບໍດີ​ຄົນ​ທຳ​ອິດ ​ທີ່​ໄດ້​ຖືກ​ເລືອກ​ຕັ້ງ​ຢ່າງ​ເປັນ​ປະ​ຊາ​ທິປະໄຕ ​ເຊິ່ງ​ໄດ້​ນຳເອົາ​ທະຫານ​ທີ່​ໜູນ​ຫຼັງ​ໂດຍ​ລັດຖະບານ​ຊົ່ວຄາວ ດ້ວຍ​ຄຳ​ສັນຍາ​ວ່າ​ຈະ​ສ້າງຕັ້ງ​ລັດຖະທຳ​ມະນູນ​ໃໝ່ ​ແລະ ການ​ເລືອກ​ຕັ້ງເອົາ​ປະທານາທິບໍດີ​ຄົນ​ໃໝ່ ​ແລະ ສະພາ​ແຫ່ງ​ຊາດຂຶ້ນ.

ລັດຖະທຳມະນູນ ​ໄດ້​ຖືກ​ຮັບຮອງ​ໃນເດືອນ​ມັງກອນ 2014 ທີ່​ຜ່ານ​ມາ ​ແລະ ທ່ານ Sissi ​ໄດ້​ຮັບ​ໄຊຊະນະ​ໃນ​ການ​ເລືອກ​ຕັ້ງ 4 ​ເດືອນ​ຕໍ່​ມາ. ປະ​ເທດ ອີ​ຈິບ ບໍ່​ໄດ້​ມີ​ສະພາ​ຕັ້ງ​ແຕ່​ເດືອນ
ມິ​ຖຸນາ ປີ 2012 ​ເປັນ​ຕົ້ນມາ ເມື່ອ​ສານ​ໄດ້​ຍຸບ​ອົງ​ກອນ​ທີ່​ຖືກ​ຄວບ​ຄຸມໂດຍ​ ພັກ​ພະລາດອນ ພາບ​ມຸສລິ​ມຂອງ​ທ່ານ Morsi, ເຊິ່ງເປັນ​ກຸ່ມ​ທີ່​ຕອນ​ນີ້​ຖືກ​ຫ້າມ ​ແລະ ຕີ​ກາໃສ່​ວ່າເປັນ​ອົງ​ກອນ​ກໍ່​ການ​ຮ້າຍນັ້ນ.

XS
SM
MD
LG