ລັດຖະມົນຕີປ້ອງກັນປະເທດສະຫະລັດ ທ່ານ Ash Carter ກ່າວວ່າ ສະຫະລັດ ມີຄວາມເປັນຫ່ວງທີ່ສຸດ ກ່ຽວກັບບົດບາດຂອງຈີນ ຢູ່ບ່ອນໂຕ້ແຍ້ງກັນໃນທະເລຈີນໃຕ້.
ຢູ່ໃນຄຳຖະແຫລງກ່ຽວກັບຄວາມໝັ້ນຄົງຂອງເອເຊຍ ໃນນະຄອນ New York ວັນສຸກ ວານນີ້ ທ່ານ Cater ກ່າວວ່າ ບັນດາປະເທດໃນຂົງເຂດເອເຊຍປາຊິຟິກ ພາກັນອອກສຽງ ເປັນຫ່ວງກ່ຽວກັບບົດບາດກອງທັບຈີນ ຊຶ່ງທ່ານກ່າວວ່າ “ປາກົດການໃຫຍ່ອອກ ແລະ ກວ້າງຂວາງອອກ.” ທ່ານກ່າວວ່າ ບັນດາປະເທດເຫລົ່ານີ້ກຳລັງພາກັນສະແດງຄວາມ ເປັນຫ່ວງຂອງເຂົາເຈົ້າຕໍ່ ສະຫະລັດ ທັງເປັນທີ່ເປີດເຜິຍ ແລະທາງດ້ານສ່ວນໂຕ ແລະຢູ່ ໃນລະດັບສູງ.
ທ່ານກ່າວວ່າ ເຖິງແມ່ນວ່າສະຫະລັດ ຈະບໍ່ເຫັນພ້ອມກັບຈີນ ວໍຊິງຕັນ ກໍມີຄວາມໝັ້ນ ໝາຍທີ່ຈະປະຕິບັດງານຜ່ານເຂົາເຈົ້າ ໃນທາງທີ່ຈະບໍ່ເຮັດໃຫ້ຂົງເຂດດັ່ງກ່າວເກີດ ຄວາມບໍ່ທຸ່ນທ່ຽງ.
ຢູ່ໃນຄຳຖະແຫລງຂອງທ່ານອີກຄືກັນ ທີ່ສະພາສຳພັນຕ່າງປະເທດ ສະຖາບັນນະໂຍບາຍ ຢູ່ ນະຄອນ New York ທ່ານ Carter ກ່າວວ່າ ການສະເໜີແຜນທີ່ຈະຕິດຕັ້ງລະບົບປ້ອງກັນລູກສອນໄຟຂອງສະຫະລັດ ຢູ່ເກົາຫລີໃຕ້ກຳລັງ “ຈະເກີດຂຶ້ນ” ເຖິງແມ່ນວ່າຈີນຈະໄດ້ ປະຕິເສດກໍຕາມ. ທ່ານກ່າວວ່າ ລະບົບປ້ອງກັນ “ເປັນສິ່ງທີ່ຈຳເປັນ” ເພື່ອປ້ອງກັນກຳລັງ ທະຫານສະຫະລັດ ແລະບັນດາພັນທະມິດ ແລະກ່າວວ່າມັນ “ບໍ່ມີສ່ວນພົວພັນຫຍັງໝົດ ກັບຈີນ.”
ເກົາຫລີໃຕ້ ໄດ້ຕັດສິນໃຈໂອ້ລົມ ເຂດຕິດຕັ້ງລະບົບປ້ອງກັນຢູ່ບ່ອນສູງ ທີ່ຮູ້ກັນອີກວ່າ Thaad ຫລັງຈາກເກົາຫລີເໜືອໄດ້ອ້າງວ່າ ສຳເລັດການສົ່ງດາວທຽມຂຶ້ນສູ່ອາວະກາດ.
ທ່ານ Cater ຮ້ອງເຂດເອເຊຍປາຊິຟິກວ່າ “ເປັນຂົງເຂດແຫ່ງດຽວຕໍ່ເນື່ອງທີ່ສຸດແກ່ອະນາຄົດຂອງອາເມຣິກາ.” ທ່ານໄດ້ຮຽກຮ້ອງໃຫ້ລັດຖະສະພາສະຫະລັດ ຜ່ານການຄ້າພາຄີ ຂ້າມມະຫາສະມຸດປາຊີຟິກ ໂດຍກ່າວວ່າ ມັນຈະເຮັດໃຫ້ສະຫະລັດ ເຊື່ອມໃກ້ເຂົ້າກັບ ເອເຊຍ ແລະຈະເປີດໂອກາດເສດຖະກິດແກ່ບັນດາປະທດທັງໝົດທີ່ເຂົ້າຮ່ວມ.
ທ່ານ Cater ຍັງພາດຫົວເລື້ອງ ສຳພັນທະໄມຕີສະຫະລັດ ແລະອິນເດຍ ແລະຟິລິບປີນ ບ່ອນທີ່ທ່ານຈະເດີນທາງໄປຢ້ຽມຢາມໃນອາທິດໜ້ານີ້.