ລິ້ງ ສຳຫລັບເຂົ້າຫາ

ອອສເຕຣເລຍ ໃຫ້ຄຳໝັ້ນສັນຍາ ທີ່ຈະສືບຕໍ່ ຊອກຄົ້ນຫາ ເຮືອບິນ ມາເລເຊຍ (ວີດີໂອ)


ຜູ້ນຳຝູງບິນ ທ່ານ Brett McKenzie ຂອງກອງທັບອາກາດ New Zealand
ອົງການປະສານງານຂອງ​ອອສ​ເຕຣ​ເລຍ ທີ່ກຳກັບນຳ
ການ​ຊອກ​ຄົ້ນ​ຫາຖ້ຽວບິນ 370 ຂອງມາເລເຊຍກ່າວ​ວ່າ
ວັດຖຸ​ຊະນິດນຶ່ງ​ໄດ້ຖືກ​ພັດ​ເຂົ້າມາທີ່​ຝັ່ງ​ທະ​ເລ​ຂອງອອສ
​ເຕຣ​ເລຍ ​ແລະ​ບັນດາ​ເຈົ້າ​ໜ້າ​ທີ່ ກຳລັງ​ສືບ​ສວນວ່າ ມີ​
ສ່ວນພົວພັນ​ກັບ ເຮືອບິນ​ທີ່​ຫາຍ​ສາບ​ສູນ​ໄປ​ນັ້ນ​ຫລື​ບໍ່.

ຢູ່​ໃນ​ຖະ​ແຫ​ລງການສະບັບນຶ່ງ ສູ​ນກາງປະສານ​ງານຮ່ວມ
ກ່າວ​ວ່າ ບັນດາ​ເຈົ້າ​ໜ້າ​ທີ່ພວມພາກັນ “ກວດກາເບິ່ງຮູບ
ພາບ​ຕ່າງໆ ​ຂອງ​ວັດຖຸດັ່ງກ່າວ​ເພື່ອ​ພິຈາລະນາ​ວ່າ ຈະມີ​
ຄວາມ​ຕ້ອງການວິ​ໃຈ​ເພີ້​ມ​ເຕີມ​ອີກ​ບໍ່ ​ແລະ​ຖ້າ​ຫາກ​ວ່າ ມີ​
ສ່ວນກ່ຽວ​ຂ້ອງໃດໆ​ກັບການ​ຊອກ​ຫາຖ້ຽວບິນ MH370
ທີ່​ຫາຍ​ສາບ​ສູນ​ໄປ​ນັ້ນຫລືບໍ່.”

ການ​ຊອກ​ຄົ້ນ​ຫາ ຂອງ​ນາໆ​ຊາດ​ຄັ້ງ​ໃຫຍ່ ຍັງບໍ່​ສາມາດ​ພົບ​ເຫັນຮ່ອງ​ຮອຍ​ຂອງ​ເຮືອ
ບິນ​ ​ເກືອບ​ເຈັດ​ອາທິດ​ທີ່​ຜ່ານ​ມາ ຫລັງ​ຈາກ​ເຮືອບິນ Boeing 777 ​ໄດ້​ຫາຍ​ສາບ​ສູນ​
ຢ່າງ​ລຶກລັບ ​ໃນ​ຂະນະ​ທີ່​ເດີນທາງ​ຈາກນະຄອນກົວ​ລາ​ລຳ​ເປີ ​ໄປ​ຫາປັກ​ກິ່ງ ພ້ອມກັບ
​ຜູ້​ໂດຍສານແລະພະນັກງານ 239 ຄົນ​ ຢູ່​ໃນ​ເຮືອບິນ.

​ໃນ​ຕອນ​ເຊົ້າ​ວັນ​ພຸດ​ມື້​ນີ້ ບັນດາ​ເຈົ້າ​ໜ້າ​ທີ່ ອອສ​ເຕຣ​ເລຍ ​ໄດ້​ໃຫ້​ຄຳ​ໜັ້ນສັນຍາ ທີ່​ຈະ​
ສືບ​ຕໍ່​ການ​ຊອກ​ຄົ້ນ​ຫາ ​ເຖິງ​ແມ່ນ​ວ່າ ​ຍານດຳ​ນຳ້ ​ໃກ້​ຈະ​ປະ​ຕິ​ບັດ​ງານ​ຂັ້ນ ທຳອິດສຳ
ເລັດແລ້ວ ​ແຕ່​ມາຮອດປັດຈຸບັນ ຍັງບໍ່​ໄດ້​ເສັດສິ້ນ​ການ​ຖ່າຍຮູບ ຢູ່​ພື້ນ ມະຫາ​ສະມຸດ​
ອິນ​ເດຍ.

ສູນກາງ​ປະສານ​ງານ​ຮ່ວມ ກ່າວ​ວ່າ ຍານດຳນ້ຳ Bluefin-21 ໄດ້​ສຳ​ເລັດ​ 80 ​ເປີ​ເຊັນ​
ຂອງການ​ປະຕິ​ບັດ​ງານ​ທັງ​ໝົດ ປາດ​ສະ​ຈາກ​ການ​ພົບ​ເຫັນ “ສິ່ງ​ຂອງທີ່ເປັນໜ້າ​ສົນ​
ໃຈ” ໃດໆ.

ນາຍົກລັດຖະມົນຕີອອສເຕຣເລຍ ທ່ານ Tony Abbott ກ່າວ​ໃນ​ວັນ​ພຸດ​ມື້​ນີ້​ວ່າ ຖ້າ​
ຫາກ​ຍານດຳນ້ຳຫາກບໍ່ສາມາດພົບ​ເຫັນ​ຊາກເຮືອບິນໃດໆ ບັນດາ​ເຈົ້າ​ໜ້າ​ທີ່ຈະ “ຄິດ
​ພິຈາລະນາທົບທວນການ​ຊອກຄົ້ນຫາ​ໃໝ່.” ​ແຕ່​ທ່ານ​ກ່າວ​ວ່າ ການ​ຕາມ​ລ່າ​ຫາຊາກ
ເຮືອບິນ ​ຈະ​ບໍ່​ຖືກ​ປະລະ. ທ່ານກ່າວ​ວ່າ ບັນດາ​ຄອບຄົວ​ຂອງ​ຜູ້​ເຄາະ​ຮ້າຍ ມີ​ສິດທິ​ ທີ່​
ຈະ​ຮູ້​ວ່າ ​ແມ່ນ​ຫຍັງ​ໄດ້​ເກີດ​ຂື້ນ.
XS
SM
MD
LG