ນັກການທູດອະວຸໂສຂອງສະຫະລັດຝ່າຍກິດຈະການເອເຊຍຕາ
ເວັນອອກ ຢ້ຽມຢາມປະເທດໄທ ສປປ ລາວ ແລະຍີ່ປຸ່ນ ແຕ່ວັນ
ທີ 13 ຫາ 21 ທັນວາ ອີງຕາມ ຖະແຫຼງຂ່າວຂອງກະຊວງການ
ຕ່າງປະເທດສະຫະລັດ.
ທີ່ບາງກອກ ລັດຖະມົນຕີຊ່ອຍວ່າການ ກະຊວງການຕ່າງປະເທດ
ສະຫະລັດ ຮັບຜິດຊອບກ່ຽວ ກັບກິດຈະການເອເຊຍຕາເວັນອອກ ແລະຍ່ານມະຫາສະມຸດ
ປາຊີຟິກ ທ່ານ Daniel Russel ເປັນຫົວ ໜ້ານຳພາຄະນະຜູ້ແທນຂອງສະຫະລັດເຂົ້າ
ຮ່ວມການເຈລະຈາຍຸດທະສາດ ສະຫະລັດ-ໄທ ຄັ້ງທີ 5 ໃນວັນພຸດທີ 16 ທັນວາ ແລະ
ຍັງໄດ້ພົບປະກັບພວກເຈົ້າໜ້າທີ່ລັດຖະບານໄທ ຜູ້ນຳກຸ່ມສັງຄົມພົນລະເຮືອນ ແລະຜູ້ນຳ
ການເມືອງໄທ ໃນວັນພະຫັດທີ 17 ທັນວາ.
ທີ່ ສປປ ລາວ ທ່ານລັດຖະມົນຕີຊ່ອຍວ່າການ ກະຊວງການຕ່າງ
ປະເທດສະຫະລັດ Daniel Russel ໄດ້ເຂົ້າພົບປະກັບພະນະ
ທ່ານທອງລຸນ ສີສຸລິດ ຮອງນາຍົກລັດຖະມົນຕີ ແລະ ລັດຖະມົນ
ຕີການຕ່າງປະເທດ ເພືື່ອປຶກສາຫາລືກ່ຽວກັບ ສາຍພົວພັນທາງ
ດ້ານການທູດ ທີ່ກຳລັງເພີ້ມທະວີຂຶ້ນ ລະຫວ່າງ ສະຫະລັດ ແລະ
ລາວ ແລະການຊ່ອຍເຫລືອໃນການກະກຽມຄວາມພ້ອມໃຫ້ແກ່
ສປປ ລາວ ໃນການເປັນປະທານກອງປະຊຸມອາຊຽນໃນປີ 2016
ຊຶ່ງມີຮວມທັງກອງປະຊຸມສຸດ ຍອດອາຊຽນ ແລະ ກອງປະຊຸມ
ສຸດຍອດເອເຊຍຕາເວັນອອກ.
ນອກນັ້ນ ທ່ານ Russel ຍັງໄດ້ພົບປະກັບ ດຣ. ເອກສະຫວ່າງ
ວົງວິຈິດ ລັດຖະມົນຕີ ກະຊວງສາທາລະນະສຸກຂອງລາວ ເພື່ອເສີມຂະຫຍາຍການຮ່ວມ
ມື ແລະ ຊ່ອຍເຫລືອ ໃນຂົງເຂດວຽກງານດ້ານສາທາລະນະສຸກ. ພ້ອມດຽວກັນນີ້ ທ່ານ
Russel ຍັງໄດ້ພົບປະກັບ ທ່ານນາງ ດຣ. ສຸນທອນ ໄຊຍະຈັກ ປະທານຄະນະພົວພັນ
ຕ່າງປະເທດ ສູນກາງພັກ ແລະ ອີງຕາມຖະແຫຼງຂ່າວ ຂອງກະຊວງການຕ່າງປະເທດ
ສະຫະລັດແລ້ວ ທ່ານຍັງຖະແຫຼງ ຢູ່ທີ່ສະຖາບັນກິດການຕ່າງປະເທດຂອງລາວນຳດ້ວຍ.
ລັດຖະມົນຕີຊ່ອຍວ່າການກະຊວງການຕ່າງປະເທດ Daniel Russel ຈະພົບປະກັບ
ພວກເຈົ້າໜ້າທີ່ລັດຖະບານ ທັງອະດີດ ແລະປັດຈຸບັນຂອງຍີ່ປຸ່ນ ໃນວັນທີ 21 ທັນວາມື້ອື່ນ
ແລະເດີນທາງກັບຄືນມາຍັງນະຄອນຫຼວງວໍຊິງຕັນ ໃນມື້ດຽວກັນນີ້.
