ມີນັກຮຽນ ຈາກ ສປປ ລາວ ຫົກຄົນ ຂອງໂຄງການອົບຮົມການເປັນຜູ້ນຳຊາວໜຸ່ມຈາກ ເຂດເອເຊຍຕາເວັນອອກສຽງໃຕ້ຫຼື YSEALI ໄດ້ມາຢ້ຽມຢາມນະຄອນຫລວງວໍຊິງຕັນ ເປັນເວລາສອງວັນແລະສອງຄົນໃນຈຳນວນດັ່ງກ່າວໄດ້ມາຢ້ຽມຢາມຫ້ອງຂ່າວວີໂອເອ. ທ່ານຄໍາໝັ້ນ ແສງທຸມມີ ຫົວໜ້ານຳພານັກຮຽນລາວຊຶ່ງ ໃນປັດຈຸບັນເປັນຄູສອນຢູ່ວິທະ ຍາໄລຄູຄັງໄຂ ແຂວງຊຽງຂວາງໄດ້ເດີນທາງມາ ຢ້ຽມຢາມສະຫະລັດອາເມຣິກາ ເປັນ ເທື່ອທຳອິດ ແລະໄດ້ກ່າວເຖິງຄວາມຕື່ນເຕັ້ນ ທີ່ໄດ້ມາເຫັນສະຫະລັດຕໍ່ວີໂອເອວ່າ:
Your browser doesn’t support HTML5
ເຊີນຟັງຄວາມຮູ້ສຶກນັກຮຽນ ສປປ ລາວ ທ້າວຄຳໝັ້ນ ແສງທຸມມີ
ໃນລະຍະສອງສາມປີທີ່ຜ່ານມານີ້ ພາຍໃຕ້ໂຄງການຜູ້ນຳຊາວໜຸ່ມເຂດເອເຊຍຕາເວັນອອກສຽງໃຕ້ຫຼື Young Southeast Asia Leadership Initiative ທີ່ເອີ້ນຫຍໍ້ວ່າ YSEALI ຊຶ່ງເປັນໂຄງການທີ່ປະທານາທິບໍດີ Barack Obama ໄດ້ຕັ້ງຂຶ້ນມາສຳລັບ ບັນດານັກຮຽນຂັ້ນວິທະຍາໄລພາກປາຍ ຈາກບັນດາ 10 ປະເທດ ASEAN ເພື່ອໃຫ້ ເຂົາເຈົ້າມີໂອກາດມາອົບຮົມຢູ່ທີ່ ມະຫາວິທະຍາໄລ Northern Illinois ເປັນເວລາສີ່ ອາທິດ. ໂຄງການດັ່ງກ່າວນີ້ ເປັນທີ່ດືງດູດໃຈ ສຳລັບບັນດາຊາວໜຸ່ມ ຊຶ່ງໃນແຕ່ລະປີ ຈະມີຊາວໜຸ່ມພາກັນສອບເສັງຫລາຍພັນຄົນ ແຕ່ມີພຽງຫົກຄົນຈາກແຕ່ລະປະເທດເທົ່າ ນັ້ນໄດ້ຮັບທຶນດັ່ງກ່າວ. ຈຸດປະສົງກໍຄືໃຫ້ມີຄວາມສົນໃຈ ດ້ານການເປັນຜູ້ນຳ ຮຽນຮູ້ພາ ສາອັງກິດ ມີໂອກາດເດີນ ທາງມາເປີດຫູເປີດຕາ ທັດສະນະສຶກສາເບິ່ງລະບົບການ ບໍລິຫານວຽກງານ ແລະຊີວິດການເປັນຢູ່່ຂອງຊາວອາເມຣິກັນ.
ທ້າວຣາຊະນາກ ຄຳມະນີ ທ້າວແສງຕາເວັນ ວີຣະຖາວອນ ທ້າວຄຳໝັ້ນ ແສງທຸມພີ ນາງມອນ ກອງສົມບັດ ນາງປານິກຕາ ຮວງພະຈັນ ແລະນາງປະກາຍຢົກ ວ່ອງ.
ບັນດານັກຮຽນຈາກກຸ່ມປະເທດ ASEAN 60 ຄົນ ຫລັງຈາກໄດ້ເສັດສິ້ນການອົບຮົມ ເປັນເວລາສີ່ອາທິດ ທີ່ມະຫາວິທະຍາໄລ Northern Illinois ທີ່ຕັ້ງຢູ່ໃນເຂດພາກກາງ ຂອງສະຫະລັດ ແລ້ວບັດນີ້ເຂົາເຈົ້າໄດ້ພາກັນມາຢ້ຽມຢາມນະຄອນ ຫລວງວໍຊິງຕັນ ເປັນເວລາສອງວັນ ແລະເປັນບ່ອນສຸດທ້າຍ. ບັນດານັກຮຽມທັງໝົດບັດນີ້ກຳລັງຕຽມ ໂຕຂຶ້ນເຮືອບິນ ກັບຄືນບ້ານເກີດຂອງໃຜລາວໃນຕອນເຊົ້າວັນເສົາມື້ີນີ້.