ພວກນັກຕໍ່ສູ້ຮູທີ ໃນເຢເມັນ ກ່າວວ່າ ພວກເຂົາໄດ້ຮັບເອົາຂໍ້
ສະເໜີຢຸດຍິງເພື່ອມະນຸດສະທຳ ເປັນເວລາຫ້າມື້ ຈາກຊາອູ
ດີອາເຣເບຍທີ່ກຳນົດຈະເລີ້ມຂຶ້ນ ໃນວັນອັງຄານສັບປະດານີ້.
ຄຳປະກາດການຮັບເອົາຂໍ້ສະເໜີຢຸດຍິງດັ່ງກ່າວ ມີຂຶ້ນໃນວັນ
ອາທິດມື້ນີ້ໃນເວລາບໍ່ເທົ່າໃດຊົ່ວໂມງ ຫຼັງຈາກພວກເຮືອບິນ
ລົບຂອງກຸ່ມປະສົມພາຍໃຕ້ການນຳພາຂອງຊາອູດີອາເຣເບຍ
ຖິ້ມລະເບີດໃສ່ບ້ານພັກຂອງອະດີດປະທານາທິບໍດີ Ali Ab
dullah Saleh ໃນນະຄອນຫຼວງ Sana’a. ເຊື່ອກັນວ່າທ່ານ
Saleh ບໍ່ໄດ້ຢູ່ເຮືອນ ໃນເວລາມີການໂຈມຕີທາງອາກາດນັ້ນ.
ໃນວັນສຸກຜ່ານມານີ້ ສະຫະລັດ ແລະຊາອູດີອາເຣເບຍ ໄດ້ປະກາດຂໍ້ສະເໜີຢຸດຍິງ ເພື່ອ
ມະນຸດສະທຳ ເປັນເວລາຫ້າມື້ ທີ່ຈະເລີ້ມຂຶ້ນໃນວັນອັງຄານມື້ຮືນີ້ໃນເຢເມັນ ບ່ອນທີ່ກຸ່ມປະ
ສົມພາຍໃຕ້ການນຳພາຂອງຊາອູດີອາເຣເບຍ ທຳການໂຈມຕີທາງອາກາດຕ້ານການບຸກ
ຄືບໜ້າຂອງພວກກະບົດຮູທີນັ້ນ. ສົງຄາມດັ່ງກ່າວໄດ້ເຮັດໃຫ້ພວກປະຊາຊົນ ໃນເຢເມັນ ຈຳນວນຫຼາຍພັນຄົນ ຕ້ອງການສະບຽງພື້ນຖານຢ່າງຫຼວງຫຼາຍນັ້ນ.
ລັດຖະມົນຕີການຕ່າງປະເທດສະຫະລັດ ທ່ານ John Kerry ໄດ້ຮຽກຮ້ອງໄປຍັງ ພວກກຸ່ມ
ຫຼືປະເທດຕ່າງໆ ທີ່ໃຫ້ການຊ່ອຍເຫຼືອແກ່ພວກຮູທີ ໃຫ້ຊຸກຍູ້ພວກກະບົດໃຫ້ຮັບເອົາການຢຸດຍິງນີ້. ພວກະບົດ ຮູທີ ນິກາຍ Shi’ite ເປັນພັນທະມິດກັບທ່ານ Saleh ແລະມີການເຊື່ອກັນຢ່າງແຜ່ຫຼາຍວ່າ ໄດ້ຮັບການໜຸນຫຼັງຈາກອີຣ່ານ.
Your browser doesn’t support HTML5
Yemen US Saudi Summit