ບັນດາຜູ້ຊ່ວຍ ອະດີດປະທານາມິບໍດີເຢເມນ ທ່ານ Abed
Rabbo Mansour Hadi ກ່າວວ່າ ທ່ານໄດ້ເດີນທາງອອກ
ຈາກນະຄອນຫລວງ Sana’a ຫຼັງຈາກ ພວກກະບົດ Shi’ites
ປ່ອຍໂຕທ່ານໄປ ລຸນຫລັງທີ່ໄດ້ຖືກກັກບໍລິເວນ ມາໄດ້ຫລາຍ
ອາທິດ.
ບັນດາຜູ້ຊ່ວຍ ກ່າວຕໍ່ສື່ມວນຊົນຕາເວັນຕົກໃນວັນເສົາມື້ນີ້ວ່າ
ທ່ານ Hadi ໄດ້ມຸ້ງໜ້າໄປສູ່ເມືອງ Aden ຢູ່ໃນພາກໃຕ້ຂອງ
ປະເທດ ຊຶ່ງເປັນບ້ານເກີດຂອງທ່ານ.
ອະດີດປະທານາທິບໍດີ ໄດ້ຖືກກັກບໍລິເວນຫລັງຈາກໄດ້ຖືກຈັບ
ກຸມໃນເດືອນແລ້ວນີ້ ພ້ອມດ້ວຍບັນດາລັດຖະມົນຕີຂອງທ່ານ ເວລາພວກກະບົດ Houthi ຂອງ ຊາວຊີໄອທ໌ ໂຄ່ນລົ້ມລັດຖະບານເຢເມນ.
Your browser doesn’t support HTML5
With Yemen Near Civil War, UN Envoy Hails Talks Breakthrough
ສະພາຄວາມໝັ້ນຄົງ ສະຫະປະຊາຊາດ ໄດ້ຮັບເອົາມະຕິໃນຕົ້ນອາທິດແລ້ວນີ້ ຮຽກຮ້ອງ
ໃຫ້ພວກກະບົດ Houthis ຟື້ນຟູລັດຖະບານເຢເມນຄືນໃໝ່ ແລະ ທ່ານ Hadi ແມ່ນຜູ້ທີ່
ໄດ້ຮັບການໜູນຫລັງໂດຍສະຫະລັດ.
ປະເທດເຢເມນ ໄດ້ປະສົບກັບຄວາມວຸ້ນວາຍທາງດ້ານການເມືອງ ນັບແຕ່ພວກກະບົດ
Houthi ໄດ້ເຂົ້າຍຶດເອົານະຄອນຫລວງ Sana’a ໃນເດືອນກັນຍາ ປີ ກາຍນີ້.
ໃນວັນສຸກວານນີ້ ທູດພິເສດ ສະຫະປະຊາຊາດປະຈຳເຢເມນ ກ່າວວ່າ ບັນດາພັກການ
ເມືອງທີ່ເປັນປໍລະປັກ ຮວມທັງພວກກະບົດ Shi’ites ທີ່ໄດ້ເຂົ້າຍຶດອຳ ນາດ ຢູ່ໃນປະເທດ
ຊຶ່ງປະຊາຊົນສ່ວນໃຫຍ່ເປັນຊາວ Sunni ນັ້ນ ໃກ້ຈະບັນລຸການຕົກລົງກັນແລ້ວ ທີ່ອາດຈະ
ປ້ອງກັນບໍ່ໃຫ້ປະເທດດັ່ງກ່າວກ້າວເຂົ້າສູ່ສົງຄາມກາງເມືອງ.
ທ່ານ Jamal Benomar ໄດ້ໃຫ້ຄວາມເຫັນດັ່ງກ່າວ ຜ່ານໜ້າ Facebook ຂອງທ່ານ ໃນ
ວັນສຸກວານນີ້ວ່າ “ພວກເຮົາໄດ້ເອົາບາດກ້າວທີ່ສຳຄັນໃນມື້ເຊົ້ານີ້ ໄປສູ່ການບັນລຸຂໍ້ຕົກ
ລົງທາງການເມືອງເພື່ອຍຸດຕິວິກິດການໃນປັດຈຸບັນນີ້.”
Your browser doesn’t support HTML5
YEMEN VO