ພວກກະບົດ Houthi ໄດ້ເຂົ້າຍຶດເອົາກອງບັນຊາການທະຫານ
ໃນເມືອງ Taiz ຊຶ່ງເປັນເມືອງໃຫຍ່ອັນດັບສາມຂອງເຢເມນ ໃນ
ຂະນະທີ່ການສູ້ລົບທາງພາກພື້ນດິນ ຍັງດຳເນີນຕໍ່ໄປຢູ່ທີ່ນັ້ນ
ແລະຢູ່ທີ່ເມືອງ Aden ຊຶ່ງເປັນເມືອງທ່າເຮືອທາງ ພາກໃຕ້ຂອງ
ປະເທດ ໃນວັນພຸດມື້ນີ້.
ຫລັງຈາກພວກກະບົດໄດ້ເຂົ້າຍຶດເອົາຄ້າຍທະຫານແຫ່ງນີ້ ຈາກ
ກຳລັງທີ່ສະໜັບສະໜູນ ປະທານາທິບໍດີ Abd-Rabbu
Mansour Hadi ແລ້ວ ກໍໄດ້ມີການໂຈມຕີທາງອາກາດໃສ່ເຂດ
ດັ່ງກ່າວ.
ການໂຈມຕີ ທາງອາກາດ ຢູ່ເຢເມນ ຍັງດຳເນີນ ຕໍ່ໄປ
ຊາອຸດີ ອາຣາເບຍ ໄດ້ປະກາດຢຸດເຊົາການຖິ້ມລະເບີດທີ່ແນ່ໃສ່ເພື່ອຍຸດຕິການ ບຸກ
ຄວາມຄືບໜ້າຂອງພວກກະບົດ Houthis ແຕ່ໄດ້ກ່າວໃນວັນອັງຄານວານນີ້ວ່າ ຈຸດເນັ້ນ
ໜັກໃໝ່ຂອງຕົນນັ້ນແມ່ນແນໃສ່ເພື່ອໃຫ້ການສະໜັບສະໜູນຕໍ່ການ ແກ້ໄຂທາງການ
ເມືອງທີ່ອາດຈະຮວມທັງມາດຕະການປ້ອງກັນບໍ່ໃຫ້ພວກກະບົດ ໄດ້ຮັບ ຫລືນຳໃຊ້ອາ
ວຸດຈາກກອງທັບເຢເມນ.
ຖະແຫລງການສະບັບນຶ່ງຂອງຊາອຸດີ ຍັງໄດ້ໃຫ້ຄວາມສຳຄັນ ແກ່ການຟື້ນຟູ ການເຈລະ
ຈາສັນຕິພາບ ພາຍໃຕ້ການນຳພາຂອງສະຫະປະຊາຊາດ ຢູ່ໃນເຢ ເມນ.
ທ່ານ Hadi ໄດ້ຖະແຫລງຜ່ານທາງໂທລະພາບ ຈາກ ຊາອຸດີ ອາຣາເບຍ ໃນວັນອັງຄານ
ວານນີ້ ໂດຍກ່າວວ່າ ວິກິດການຢູ່ໃນປະເທດຂອງທ່ານ ຈະສີີ້ນສຸດ ລົງໃນ “ບໍ່ຊ້ານີ້.”
ທ່ານຍັງໄດ້ກ່າວຂອບໃຈ ຕໍ່ກຳລັງປະສົມພາຍໃຕ້ການນຳພາ ຂອງຊາອຸດີ ອາຣາເບຍ
ແລະກ່າວວ່າ ລັດຖະບານຂອງທ່ານ ຈະຟື້ນຟູຄວາມ ຫວັງແກ່ປະຊາຊົນຊາວເຢເມນ.
ປະທານທິບໍດີ Hadi ກ່າວວ່າ “ຂ້າພະເຈົ້າຂໍສະແດງຄວາມຂອບໃຈ ຢ່າງເລິກເຊີ່ງ ແລະ
ຄວາມນັບຖືມາຍັງບັນດາອ້າຍນ້ອງປະເທດອາຣັບ ແລະມຸສລິມ ຕະຫລອດທັງບັນດາ
ເພື່ອນມິດ ທີ່ຢູ່ໃນກຸ່ມພັນທະມິດພິເສດນີ້ ໃນນາມຂ້າພະເຈົ້າ ແລະໃນນາມປະຊາຊົນຊາວ
ເຢເມນ.” ທ່ານ Hadi ກ່າວຕື່ມວ່າ “ພັນທະມິດທີ່ໄດ້ໃຫ້ການສະໜັບສະໜູນຕໍ່ລັດຖະບານ
ທີ່ຖືກຕ້ອງຊອບທຳ ທີ່ໄດ້ສະໜອງຕອບ ຕໍ່ການຮ້ອງຂໍເພື່ອໃຫ້ປົກປ້ອງຜົນປະໂຫຍດຂອງ
ຊາວເຢເມນ. ປະຊາຊົນທີ່ກຳ ລັງສະແຫວງຫາການມີຊີວິດຢູ່ ແລະສ້າງສາປະເທດຊາດ
ຂອງເຂົາເຈົ້າ ນີ້ກໍເປັນເພາະວ່າ ມັນແມ່ນເປົ້າໝາຍຕົ້ນຕໍຂອງປະຕິບັດງານຖະຫລົ່ມຂັ້ນ
ເດັດຂາດ ຫລື Operation Decisive Storm.
Your browser doesn’t support HTML5
Yemen