ສະຫະລັດກໍາລັງພິຈາລະນາວ່າຈະອະນຸຍາດຫລືບໍ ໃຫ້ປະທານາທິບໍດີ Ali Abdulla Saleh ແຫ່ງເຢເມນທີ່ຈະພົ້ນຈາກອໍານາດໄປ ເຂົ້າມາຮັກສາປິ່ນປົວຢູ່ໃນສະຫະລັດ ເພື່ອປົວບາດແຜທີ່ທ່ານໄດ້ຮັບ ໃນການ ໂຈມຕີບັ້ນນຶ່ງຕໍ່ທໍານຽບຂອງທ່ານໃນເດືອນມິຖຸນາຜ່ານມານັ້ນ.
ເຈົ້າໜ້າທີ່ຂັ້ນອາວຸໂສສະຫະລັດທ່ານນຶ່ງກ່າວໃນວັນຈັນວານນີ້ວ່າ ທໍານຽບຂອງປະທານາ
ທິບໍດີຊາເລ ໄດ້ຂໍຮ້ອງຫວ່າງໄວໆຜ່ານມານີ້
ເພື່ອຢາກໃຫ້ສະຫະລັດອະນຸຍາດໃຫ້ທ່ານມາຮັບການປິ່ນປົວດັ່ງກ່າວໃນສະຫະລັດ ແຕ່
ເຈົ້າໜ້າທີ່ສະຫະລັດທ່ານນີ້ກ່າວວ່າ ຄໍາຂໍຮ້ອງດັ່ງກ່າວຈະໄດ້ຮັບອະນຸມັດສໍາລັບເຫດຜົນ
ທາງດ້ານການແພດເທົ່ານັ້ນ.
ໃນວັນເສົາຜ່ານມານີ້ ທ່ານຊາເລ ກ່າວວ່າ ທ່ານຈະເດີນທາງມາຍັງສະຫະລັດເພື່ອຜ່ອນ
ຄາຍບັນຍາກາດລົງໃນເຢເມນ ກ່ອນການເລືອກຕັ້ງປະທານາທິບໍດີຊຶ່ງກໍານົດຈະມີຂຶ້ນໃນ
ວັນທີ 21 ກຸມພາປີໜ້ານີ້ ຊຶ່ງບໍ່ແມ່ນເຫດຜົນສຳລັບການປິ່ນປົວດ້ານການແພດ ຊຶ່ງທ່ານ
ໄດ້ເວົ້າຕື່ມວ່າ ທ່ານຈະເດີນທາງກັບຄືນເຢເມນໃນວັນເວລາທີ່ບໍ່ໄດ້ກ່າວຢ່າງເຈາະຈົງໃຫ້
ຊາບ ເພື່ອເປັນຜູ້ຕາງໜ້າໃຫ້ພວກຝ່າຍຄ້ານ.
ຜູ້ນໍາທີ່ກໍາລັງປະເຊີນກັບບັນຫາ ໄດ້ຕົກລົງໃນເດືອນແລ້ວນີ້ ເພື່ອຍຸດ ຕິການຄອງອໍານາດ
ຂອງທ່ານມາເປັນເວລາ 33 ປີ ທ່າມກາງການປະທ້ວງຢ່າງຮຸນແຮງຕາມຖະໜົນຫົນທາງ
ທີ່ຮຽກຮ້ອງໃຫ້ທ່ານລາອອກຈາກຕໍາແໜ່ງນັ້ນ.
ການປະທ້ວງໄດ້ດໍາເນີນຢູ່ຕໍ່ມາໃນເຢເມນ ເຖິງແມ່ນມີຂໍ້ຕົກລົງກັບທ່ານຊາເລ ທີ່ຈະລາ
ອອກຈາກຕໍາແໜ່ງປະທານາທິບໍດີກໍຕາມ ແຕ່ພວກກໍາລັງຮັກສາຄວາມປອດໄພທີ່ນິຍົມ
ລັດຖະບານໄດ້ເຂັ່ນຂ້າພວກປະທ້ວງ 9 ຄົນໃນວັນເສົາຜ່ານມານີ້ ຂະນະທີ່ພວກເຂົາເຈົ້າ
ຮຽກຮ້ອງ ໃຫ້ມີການດໍາເນີນຄະດີປະທານາທິບໍດີໃນຂໍ້ຫາຖານ ທໍາການສັງຫານປະຊາ
ຊົນຈໍານວນຫລາຍກວ່າ 1100 ຄົນ ນັບແຕ່ເດືອນມັງກອນປີນີ້ເປັນຕົ້ນມາ. ພວກປະທ້ວງ
ຄັດຄ້ານຕໍ່ການໃຫ້ອະໄພໂທດແກ່ທ່ານຊາເລ ໃນຖານະເປັນພາກສ່ວນນຶ່ງຂອງຂໍ້ຕົກລົງ
ກັນ ທີ່ທ່ານໄດ້ລົງນາມໃນກຸງ Riyadh ນະຄອນຫລວງຂອງ Saudi Arabia ນັ້ນ.