ຫົວໜ້າທະນາຄານກາງສະຫະລັດກ່າວວ່າ ທ່ານນາງ ຄາດວ່າ
ທະນາຄານກາງສະຫະລັດ ຈະເລີ້ມຂຶ້ນອັດຕາດອກເບ້ຍ ທີ່ຕໍ່າ
ເປັນປະຫວັດການ ພາຍໃນທ້າຍປີນີ້.
ຫົວໜ້າທະນາຄານກາງ ທ່ານນາງ Janet Yellen ໄດ້ໃຫ້
ຄວາມເຫັນດັ່ງກ່າວຢູ່ໃນຄຳປາໄສ ເມື່ອວັນພະຫັດວານນີ້
ຫລັງຈາກພວກເຈົ້າໜ້າທີ່ໄດ້ເລື່ອນເວລາ ໃນການຂື້ນດອກ
ເບ້ຍ ທີ່ໄດ້ມີການທຳນາຍມາເປັນເວລານານ ໃນອາທິດແລ້ວ
ນີ້. ການຊັກຊ້າດັ່ງກ່າວໄດ້ເຮັດໃຫ້ພວກຜູ້ລົງທຶນ ແລະຄົນ
ອຶ່ນໆຕັ້ງຄຳຖາມກ່ຽວກັບເວລາໃນການຂຶ້ນອັດຕາດອກເບ້ຍ.
ຢູ່ໃນການສະເໜີທີ່ໃຊ້ເວລາຍືດຍາວນັ້ນ ທ່ານນາງ Yellen ກ່າວວ່າ ການຂື້ນອັດຕາດອກ
ເບ້ຍ ຈະມີຂື້ນໃນເວລາທີ່ປາກົດວ່າພາວະເງິນເຟີ້ຈະຫຍັບໃກ້ເຂົ້າໄປ ໃກ້ເປົ້າໝາຍສອງເປີ
ເຊັນຂອງທະນາຄານກາງ. ທ່ານນາງ ກ່າວວ່າ ເງິນເຟີ້ໄດ້ແກ່ດຶງໄວ້ຊົ່ວຄາວ ໃຫ້ຢູ່ໃນລະ
ດັບຕ່ຳ ຍ້ອນເຫດຜົນຫຼາຍຢ່າງເຊັນວ່າ ຄ່າຂອງເງິນໂດລາແຂງຂຶ້ນ ແລະລາຄານຳ້ມັນຕົກ.
ທ່ານນາງຍັງໄດ້ອະທິບາຍວ່່າ ເງິນເຟີ້ທີ່ຕຳ່ເກີນໄປ ສາມາດເປັນຜົນກະທົບຕໍ່ເສດຖະກິດ
ໂດຍເຮັດໃຫ້ລາຄາຂອງ ການຈ່າຍເງິນກູ້ຢືມຄືນແພງຂຶ້ນ ແລະເຮັດໃຫ້ບັນດາຜູ້ລົງທຶນ
ພາກັນສົ່ງເງິນເຂົ້າ ສູ່ທີ່ທຸລະກິດທີ່ສ່ຽງໄພຫຼາຍຂຶ້ນ.
ທ່ານນາງ Yellen ໄດ້ກ່າວຢູ່ໃນວັນດຽວກັນກັບທີ່ໄດ້ມີຂ່າວປະສົມກ່ຽວກັບເສດ ຖະກິດ
ຂອງສະຫະລັດ ດ້ວຍການປະກາດຂອງບໍລິສັດ Caterpillar ທີ່ຈະຕັດ 10,000 ໜ້າວຽກ
ແລະປິດຫລາຍໆໂຮງງານລົງໃນສອງປີຂ້າງໜ້າ. ບໍລິສັດ Caterpillar ໄດ້ຮັບຄວາມເສຍ
ຫາຍຍ້ອນຄວາມຕ້ອງການທີ່ຫລຸດລົງ ສຳລັບ ສິນຄ້າທີ່ໄດ້ຮັບການຜະລິດດ້ວຍການຊ່ວຍ
ເຫລືອຈາກອຸບປະກອນຂອງບໍລິສັດ.
ໃນຂະນະດຽວກັນ ຈຳນວນຂອງຊາວອາເມຣິກັນ ທີ່ພາກັນລົງທະບຽນປະກັນໄພຫວ່າງ
ງານ ໄດ້ເພີ້ມຂື້ນໜ້ອຍນຶ່ງໃນອາທິດແລ້ວ ແຕ່ຍັງຕຳ່ກວ່າ 300,000 ຄົນ. ບັນດາຜູ້ຊ່ຽວ
ຊານກ່າວວ່າ ການປົດຄົນງານອອກຈາກວຽກທີ່ຂ້ອນຂ້າງຕ່ຳ ແມ່ນຮ່ອງຮອຍຂອງ
ຕະຫລາດວຽກງານທີ່ດີ. ລາຍງານອີກສະບັບນຶ່ງ ກ່າວວ່າ ການຂາຍເຮືອນໄດ້ເພີ້ມຂື້ນ
ຢ່າງສະໝຳ່ສະເໝີ ໃນເດືອນສິງຫາຜ່ານມານີ້.
Your browser doesn’t support HTML5
US Economy