ປະຊາຊົນຊາວຊີເຣຍ ພາກັນຕື່ນຂຶ້ນມາໃນວັນຈັນມື້ນີ້ ດ້ວຍຄວາມຫວັງທີ່ບໍ່ແນ່ ນອນຂອງອະນາຄົດ ລຸນຫຼັງກຸ່ມກະບົດໄດ້ທໍາການຍຶດເອົານະຄອນຫຼວງ ດາມາສກັສ, ແລະປະທານາທິບໍດີ ບາຊາ ອາລ-ອາຊາດ (Bashar al-Assad) ໄດ້ຫຼົບໜີໄປຍັງ ຣັດເຊຍ, ຫຼັງຈາກສົງຄາມກາງເມືອງມາເປັນເວລາ 13 ປີ ແລະການປົກຄອງທີ່ໂຫດຮ້າຍຂອງຄອບຄົວລາວ ມາຍາວນານຫຼາຍ ກວ່າ 50 ປີ.
Your browser doesn’t support HTML5
ເມື່ອ ທ່ານ ອາຊາດ ຖືກຂັບໄລ່ອອກຈາກອໍານາດ, ຍຸກໃໝ່ກໍເລີ້ມຕົ້ນຂຶ້ນໃນ ຊີເຣຍ ໃນຂະນະທີ່ໂລກເຝົ້າຕິດຕາມເບິ່ງ
ການລຸກຮື້ຂຶ້ນຢ່າງໄວວາຂອງກອງກໍາລັງຕິດອາວຸດພັນທະມິດທີ່ນຳພາໂດຍ ກຸ່ມ ຮາຢັດ ອາລ-ທະເຣຍ ອາລ-ຊາມ (Hayat al-Tahrir al-Sham) ຫຼື HTS, ເຊິ່ງເປັນອະດີດພັນທະມິດຂອງກຸ່ມ ອາລ-ກາອີດາ (al-Qaeda), ຖືເປັນຈຸດ ຫັນປ່ຽນທີ່ຍິ່ງໃຫຍ່ທີ່ສຸດສຳລັບພາກຕາເວັນອອກກາງໃນຮອບຫຼາຍລຸ້ນຄົນ. ການຫຼົ້ມລະຫຼາຍຂອງ ທ່ານ ອາຊາດ ເປັນການທຳລາຍຖານທີ່ໝັ້ນທີ່ ອີຣ່ານ ແລະ ຣັດເຊຍ ໃຊ້ແຜ່ອິດທິພົນໄປຍັງທົ່ວໂລກຂອງອາຣັບ.
ມົສກູ, ໄດ້ໃຫ້ການລີ້ໄພແກ່ ທ່ານ ອາຊາດ ແລະຄອບຄົວຂອງລາວ, ອີງຕາມລາຍງານຂອງສື່ມວນຊົນ ຣັດເຊຍ ແລະ ທ່ານ ມິເຄລ໌ ອູລີອານອບວ໌ (Mikhail Ulyanov) ເອກອັກຄະລັດຖະທູດຣັດເຊຍ ປະຈຳອົງການສາກົນ ໃນນະຄອນວຽນນາ ທີ່ກ່າວໃນຊ່ອງ Telegram ຂອງທ່ານ ໃນວັນອາທິດ ວານນີ້.
ລັດຖະບານຂອງບັນດາປະເທດສາກົນ ສະແດງຄວາມຍິນດີຕໍ່ການສິ້ນສຸດລັດຖະບານຜະເດັດການ ອາຊາດ, ໃນຂະນະທີ່ພວກເຂົາເຈົ້າ ພະຍາຍາມປັບປ່ຽນປະເທດໃນຕາເວັນອອກກາງແຫ່ງນີ້ ໃຫ້ອອກມາໃນຮູບແບບໃໝ່.
ປະທານາທິບໍດີສະຫະລັດ ທ່ານ ໂຈ ໄບເດັນ ກ່າວວ່າ ຊີເຣຍ ແມ່ນຢູ່ໃນໄລຍະທີ່ມີຄວາມສ່ຽງ ແລະຄວາມບໍ່ແນ່ນອນ, ແລະນີ້ເປັນຄັ້ງທຳອິດໃນຮອບຫຼາຍປີທີ່ທັງ ຣັດເຊຍ, ອີຣ່ານ ແລະອົງການຫົວຮຸນແຮງ ເຮັສໂບລລາ ບໍ່ໄດ້ມີບົດບາດທີ່ມີອິດທິພົນຢູ່ຂົງເຂດດັ່ງກ່າວນັ້ນ.
HTS ຍັງຖືກ ສະຫະລັດ, ເທີກີ ແລະອົງການສະຫະປະຊາຊາດ ຈັດໃຫ້ເປັນກຸ່ມກໍ່ການຮ້າຍ, ເຖິງແມ່ນກຸ່ມດັ່ງກ່າວໄດ້ໃຊ້ເວລາຫຼາຍປີເພື່ອພະຍາຍາມທີ່ຈະເຮັດໃຫ້ພາບພົດຂອງຕົນອ່ອນລົງ ເພື່ອເຮັດໃຫ້ບັນດາລັດຖະບານສາກົນ ແລະຊົນກຸ່ມນ້ອຍຢູ່ໃນ ຊີເຣຍ ມີຄວາມໝັ້ນໃຈກໍຕາມ.
ການໂຄ່ນລົ້ມ ທ່ານ ອາຊາດ ເຮັດໃຫ້ມີການຈຳກັດຄວາມສາມາດຂອງ ອີຣ່ານ ໃນການແຜ່ຂະຫຍາຍອາວຸດໄປໃຫ້ບັນດາປະເທດພັນທະມິດຂອງຕົນ, ແລະ ອາດຈະເຮັດໃຫ້ ຣັດເຊຍ ສູນເສຍຖານທັບເຮືອໃນຂົງເຂດທະເລເມດີເຕີຣານຽນອີກດ້ວຍ. ນອກຈາກນີ້ ມັນຍັງອາດຈະສົ່ງຜົນໃຫ້ຊາວຜູ້ອົບພະຍົບ ຫຼາຍລ້ານຄົນທີ່ກະແຈກກະຈາຍມາເປັນເວລາຫຼາຍກວ່ານຶ່ງທົດສະວັດຢູ່ສູນທົ່ວ ເທີກີ, ເລບານອນ ແລະ ຈໍແດນ, ໃນທີ່ສຸດ ກໍໄດ້ກັບຄືນເມືອບ້ານເຮືອນຂອງ ພວກເຂົາເຈົ້າ.
ອ່ານຂ່າວດ້ານລຸ່ມນີ້ເປັນພາສາອັງກິດ
DAMASCUS, Dec 9 (Reuters) - Syrians awakened on Monday to a hopeful if uncertain future, after rebels seized the capital Damascus and President Bashar al-Assad fled to Russia, following 13 years of civil war and more than 50 years of his family's brutal rule.
The lightning advance of a militia alliance spearheaded by Hayat al-Tahrir al-Sham (HTS), a former al-Qaeda affiliate, marked one of the biggest turning points for the Middle East in generations. Assad's fall wiped out a bastion from which Iran and Russia exercised influence across the Arab world.
Moscow gave asylum to Assad and his family, Russian media reported and Mikhail Ulyanov, Russia's ambassador to international organisations in Vienna, said on his Telegram channel on Sunday.
International governments welcomed the end of the Assads' autocratic government, as they sought to take stock of a new-look Middle East.
U.S. President Joe Biden said Syria is in a period of risk and uncertainty, and it is the first time in years that neither Russia, Iran nor the Hezbollah militant organisation held an influential role there.
HTS is still designated as a terrorist group by the U.S., Turkey and the United Nations, although it has spent years trying to soften its image to reassure international governments and minority groups within Syria.
Assad's overthrow limits Iran's ability to spread weapons to its allies and could cost Russia its Mediterranean naval base. It could also allow millions of refugees scattered for more than a decade in camps across Turkey, Lebanon and Jordan to finally return home.