ອົງການເປີດເຜີຍຂ່າວຄວາມລັບ WikiLeaks ໄດ້ພິມເຜີຍ
ແຜ່ ເອກກະສານທີ່ອົງການດັ່ງກ່າວເວົ້າວ່າ ສະແດງໃຫ້ເຫັນ
ເຖິງການສອດແນມ ຂອງສະຫະລັດ ຕໍ່ບັນດາເຈົ້າໜ້າທີ່ຍີ່ປຸ່ນ
ແລະບໍລິສັດຕ່າງໆ.
ອົງການ WikiLeaks ໃນວັນສຸກມື້ນີ້ ໄດ້ພິມເຜີຍແຜ່ລາຍ
ຊື່ 35 ບໍລິສັດ ກະຊວງຕ່າງໆຂອງລັດຖະບານ ແລະບັນດາ
ສ່ວນບຸກຄົນ ທີ່ອົງການດັ່ງກ່າວລະບຸວ່າ ໄດ້ຕົກເປັນເປົ້າໃນ
ການສິ້ງຊອມ ໂດຍອົງການຄວາມໝັ້ນຄົງແຫ່ງຊາດ
ຂອງສະຫະລັດ.
ລາຍງານກ່າວວ່າ ການສິ້ງຊອມດັ່ງກ່າວ ແມ່ນເລີ້ມມາແຕ່ປີ 2006 ຊຶ່ງເປັນສະໄໝທຳອິດ
ໃນການເຂົ້າຮັບຕຳແໜ່ງຂອງນາຍົກລັດຖະມົນຕີ Shinzo Abe.
ຖະແຫຼງຂ່າວຂອງ WikiLeaks ກ່າວວ່າ ຂໍ້ມູນທີ່ຕົນໄດ້ຮັບແມ່ນພົວກັບເລື້ອງ ຕ່າງໆ ເຊັ່ນສາຍພົວພັນ ລະຫວ່າງສະຫະລັດ ແລະຍີ່ປຸ່ນ ການເຈລະຈາການຄ້າ ແລະຍຸດທະ
ສາດ ກ່ຽວກັບການປ່ຽນແປງຂອງດິນຟ້າອາກາດ.
ຖະແຫຼງຂ່າວກ່າວວ່າ ຂໍ້ມູນຈຳນວນນຶ່ງໄດ້ມີການແບ່ງປັນກັບ “ໜ່ວຍສືບລັບ ຂອງປະ
ເທດພາຄີ” ຂອງສະຫະລັດ ຄື ອອສເຕຣເລຍ ອັງກິດ ການາດາ ແລະ ນີວຊີແລນ.
ສະຫະລັດ ແລະຍີ່ປຸ່ນ ໄດ້ເປັນພັນທະມິດກັນມາ ຫລາຍກວ່າເຄິ່ງສັດຕະວັດ ຫລັງຈາກກາ
ນສີ້ນສຸດລົງຂອງສົງຄາມໂລກຄັ້ງທີສອງ.
ຍັງບໍ່ທັນມີປະຕິກິລິຍາໃດໆ ຈາກໂຕກຽວເທື່ອ.
ໃນເດືອນມິຖຸນາຜ່ານມາ ອົງການ WikiLeaks ໄດ້ພິມເຜີຍແຜ່ບັນດາເອກກະ ສານທີ່
ກ່າວວ່າ ສະຫະລັດໄດ້ສອດແນມເບິ່ງປະທານາທິບໍດີຝຣັ່ງສາມຄົນສຸດທ້າຍ ທີ່ໄດ້ກໍ່ໃຫ້
ເກີດການໂຕ້ແຍ້ງທາງດ້ານການທູດລະຫວ່າງປະເທດທັງ 2 ເຖິງແມ່ນວ່າ ໄດ້ມີຄວາມ
ສຳພັນທີ່ດີຕໍ່ກັນມາ ແຕ່ຊຸມປີ 1700 ພຸ້ນ.
ໃນປີ 2013 ອົງການ WikiLeaks ລາຍງານວ່າ ອົງການຮັກສາຄວາມໝັ້ນຄົງແຫ່ງ
ຊາດຂອງສະຫະລັດ ໄດ້ລັກຟັງໂທລະສັບສ່ວນໂຕຂອງນາຍົກລັດຖະມົນ ຕີທ່ານນາງ
Angela Merkel. ລາຍງານໄດ້ກໍ່ໃຫ້ເກີດຂ່າວນອງນັນທາງດ້ານການເມືອງໃນເຢຍ
ຣະມັນ ແລະພາໃຫ້ມີການສືບສວນຢ່າງເປັນທາງການໃນທັນ ທີ.