ມົສກູ ກຳລັງລໍຖ້າການເຂົ້າຮັບຕຳແໜ່ງຂອງທ່ານ ດໍໂນລ ທຣໍາ ທ່າມກາງຄວາມເຄັ່ງຕຶງດ້ານການທະຫານກັບ ຢູເຄຣນ ແລະ ມະຫາອຳນາດຕາເວັນຕົກ ທີ່ເພີ່ມຂຶ້ນ ພາຍຫຼັງທີ່ວັງ ເຄຣມລິນ ໄດ້ນຳໃຊ້ລູກສອນໄຟຂີປະນາວຸດຊະນິດໃໝ່ ທີ່ສາມາດຕິດຫົວລົບນິວເຄລຍໂຈມຕີທີ່ໝັ້ນຂອງຢູເຄຣນ.
ການປະກາດຂອງປະທານາທິບໍດີຣັດເຊຍ ທ່ານ ວລາດີເມຍ ປູຕິນ ຕໍ່ໂລກໃນເດືອນພະຈິກ ວ່າຣັດເຊຍ ໄດ້ຍິງລູກສອນໄຟຂີປະນາວຸດຄວາມໄວເໜືອສຽງ ທີ່ມີຄວາມສາມາດຕິດຫົວລະເບີດນິວເຄລຍ ໃສ່ຢູເຄຣນ ໄດ້ເຮັດໃຫ້ເກີດມີຄຳຖາມຫຼາຍຂຶ້ນວ່າ ຍ້ອນສາເຫດຫຍັງ ການຍົກລະດັບການໂຈມຕີດັ່ງກ່າວ ຈຶ່ງເກີດຂຶ້ນ ຫ່າງຈາກການມອບໂອນອຳນາດໃນວໍຊິງຕັນ ພຽງບໍ່ເທົ່າໃດອາທິດ.
ພົນເອກ ເຊີເກ ຄາຣາກາເຢັຟ (Sergei Karakayev), ຫົວໜ້າກອງກຳລັງລູກສອນໄຟຍຸດທະສາດຂອງຣັດເຊຍ ໄດ້ເນັ້ນຍໍ້າເຖິງຄວາມສາມາດໃນການທຳລາຍລ້າງຂອງລູກສອນໄຟຂີປະນາວຸດລຸ້ນໃໝ່ຂອງຕົນ.
ພົນເອກ ເຊີເກ ຄາຣາກາເຢັຟ (Sergei Karakayev), ຫົວໜ້າກອງກຳລັງລູກສອນໄຟຍຸດທະສາດຂອງຣັດເຊຍ ກ່າວວ່າ:
"ອີງໃສ່ພາລະກິດທີ່ກໍານົດໄວ້ ແລະໄລຍະຂອງອາວຸດນີ້, ມັນສາມາດໄປຮອດເປົ້າຫມາຍໄດ້ໃນທົ່ວຢູໂຣບ."
ກອງກຽດຕີຍົດ ແບກໂລງສົບຂອງທະຫານຢູເຄຣນທີ່ເສຍຊີວິດ ຈາກກອງພົນທີ 47 ເຊີຮີ ໂຊໂລວຽບວ໌ (Serhii Solovyov), ທີ່ເສຍຊີວິດລະຫວ່າງການສູ້ລົບກັບກອງກໍາລັງຣັດເຊຍໃນຂົງເຂດເຄີດສ໌ ເມື່ອວັນທີ 12 ພະຈິກ, ໃນພິທີຝັງສົບຢູ່ທີ່ເມືອງ ເອີປິນ (Irpin), ພາກພື້ນກີຢິບ, ຢູເຄຣນ, ວັນທີ 21 ພະຈິກ 2024.
ທ່ານ ປູຕິນ ກ່າວວ່າ ການຍິງລູກສອນໄຟຂີປະນາວຸດຂອງຣັດເຊຍແມ່ນເປັນການຕອບໂຕ້ຕໍ່ອຳນາດການປົກຄອງຂອງທ່ານ ໄບເດັນ ທີ່ກຳລັງຈະໝົດວາລະ ທີ່ອະນຸຍາດໃຫ້ຢູເຄຣນ ສາມາດຍິງລູກສອນໄຟທີ່ອາເມຣິກັນສະໜອງໃຫ້ ເຂົ້າໄປໃນຣັດເຊຍ. ທ່ານກ່າວວ່າ ມັນແມ່ນເພື່ອສະແດງໃຫ້ເຫັນວ່າ ຣັດເຊຍ ສາມາດບຸກໂຈມຕີເຂົ້າໄປໃນດິນແດນຂອງເນໂຕ້ໄດ້ ຖ້າຫາກວ່າຕົນຕ້ອງການ.
ບັນດາຜູ້ສັງເກດການກ່າວວ່າ ການໂຈມຕີດ້ວຍລູກສອນໄຟດັ່ງກ່າວ ແມ່ນເປັນສ່ວນນຶ່ງຂອງຍຸດທະສາດຂອງທັງຣັດເຊຍ ແລະຢູເຄຣນ ເພື່ອສະແດງໃຫ້ເຫັນຄວາມເຂັ້ມແຂງ ແລະກ້າວເຂົ້າສູ່ການເຈລະຈາດ້ວຍຈຸດຢືນທີ່ເຂັ້ມແຂງທີ່ສຸດເທົ່າທີ່ຈະເປັນໄປໄດ້.
ວັງ ເຄຣັມລິນ ກ່າວຫາປະທານາທິບໍດີສະຫະລັດ ທີ່ກຳລັງຈະອອກຈາກຕຳແໜ່ງ, ທ່ານ ໂຈ ໄບເດັນ, ວ່າທຳລາຍຄວາມພະຍາຍາມຂອງວ່າທີ່ປະທານາທິບໍດີ ທ່ານ ດໍໂນລ ທຣໍາ ທີ່ຕ້ອງການຍຸຕິສົງຄາມໂດຍໄວ ດັ່ງທີ່ທ່ານ ທຣໍາ ໄດ້ສັນຍາວ່າຈະດຳເນີນການ ໃນລະຫວ່າງການໂຄສະນາຫາສຽງຂອງທ່ານ.
ມັນເປັນການກ່າວຫາທີ່ຣັດເຊຍເຮັດມາກ່ອນແລ້ວ.
ທ່ານ ເຊີເກ ລາວລອຟ (Sergey Lavrov) ລັດຖະມົນຕີການຕ່າງປະເທດຣັດເຊຍ ກ່າວວ່າ:
"ແນ່ນອນ, ໃນປີ 2016, ອາທິດທໍາອິດຂອງ ທ່ານ ທຣໍາ ໃນທໍານຽບຂາວ, ໃນດ້ານແຜນການຂອງທ່ານ ສໍາລັບການປຶກສາຫາລືແບບປົກກະຕິກັບສະຫະພັນຣັດເຊຍ, ໄດ້ຖືກທໍາລາຍໄປຢ່າງຫຼວງຫຼາຍ. ຂ້າພະເຈົ້າ ບໍ່ປະຕິເສດວ່າຄວາມປາຖະໜາທີ່ຈະເຮັດໃຫ້ສະຖານະການນີ້ຮ້າຍແຮງຂຶ້ນ ແມ່ນສິ່ງທີ່ພວກເຮົາ ກຳລັງເຫັນຢູ່ໃນຕອນນີ້.”
ແຕ່ບາງຄົນໃນວໍຊິງຕັນກ່າວວ່າ ຣັດເຊຍບໍ່ສົນໃຈທີ່ຈະຢຸດສົງຄາມ, ບໍ່ວ່າຈະມີ ຫຼືບໍ່ມີທ່ານ ດໍໂນລ ທຣໍາ ຢູ່ໃນທຳນຽບຂາວກໍຕາມ.
ຜູ້ຊ່ຽວຊານກ່ຽວກັບຣັດເຊຍ ທ່ານ ວລາດິສລາຟ ອິໂນເຊມເຊຟ (Vladislav Inozemtsev), ຈາກສູນຍຸດທະສາດ ແລະການສຶກສາລະຫວ່າງປະເທດ ກ່າວເປັນພາສາຣັດເຊຍຜ່ານ Zoom ວ່າ:
“ສົງຄາມຄັ້ງນີ້ໄດ້ກາຍເປັນເລື່ອງປົກະຕິໃໝ່ສຳລັບບັນດາຊົນຊັ້ນສູງຂອງຣັດເຊຍ ທີ່ຕ້ອງການໃຫ້ສົງຄາມດຳເນີນຕໍ່ໄປ ເພາະມັນສ້າງການຂະຫຍາຍໂຕທາງເສດຖະກິດ. ແລະຖ້າມັນຢຸດລົງ, ຈະເກີດຫຍັງຂຶ້ນ? ຄົນທີ່ຮັບຜິດຊອບໃນຕອນນີ້ຈະໄປຢູ່ໃສ?”
ໃນຂະນະດຽວກັນ, ການສຳຫຼວດຄວາມຄິດເຫັນຄັ້ງໃໝ່ຂອງສູນວິເຄາະ ຢູຣິ ເລວາດາ (Yuri Levada) ໃນນະຄອນຫຼວງມົສກູ ໄດ້ສະແດງໃຫ້ເຫັນວ່າ ຄວາມຄິດເຫັນຂອງປະຊາຊົນຣັດເຊຍ ເບິ່ງຄືວ່າຈະປ່ຽນໄປສະໜັບສະໜູນການເຈລະຈາເພື່ອຢຸດຕິສົງຄາມໃນຢູເຄຣນ.
ໃນການສຳຫຼວດຄວາມຄິດເຫັນຂອງອົງການ ກາລລັບ (Gallup) ເມື່ອບໍ່ດົນມານີ້ ຢູ່ຊາຍແດນຣັດເຊຍໃນຢູເຄຣນ ໄດ້ພົບເຫັນວ່າ ໂດຍສະເລ່ຍ 52 ເປີເຊັນ ຂອງຊາວຢູເຄຣນທີ່ເຂົ້າຮ່ວມການສຳຫຼວດ ຕ້ອງການເຫັນປະເທດຂອງພວກເຂົາ ເຈລະຈາຢຸດຕິຄວາມຂັດແຍ້ງ ໂດຍໄວເທົ່າທີ່ຈະໄວໄດ້.
ຖ້າຄວາມຄິດເຫັນເຫຼົ່ານີ້ເປັນຄວາມຈິງ, ທ່່ານ ທຣໍາ ອາດຈະສາມາດຜັກດັນແຜນການຂອງທ່ານ ແລະ ຂໍໃຫ້ທັງສອງຝ່າຍ ເຈລະຈາສະຫງົບເສິກໄດ້ ເຖິງແມ່ນວ່າສະຖານະການໃນປະຈຸບັນ ຈະເຄັ່ງຕຶງຫຼາຍຂຶ້ນ ກໍຕາມ.
ອ່ານບົດລາຍງານດ້ານລຸ່ມນີ້ເປັນພາສາອັງກິດ
Moscow awaits Donald Trump's inauguration amid escalating military tensions with Ukraine and Western powers following the Kremlin's use of a new nuclear-capable missile against Ukrainian positions. Elizabeth Cherneff narrates this report from Ricardo Marquina.
Russian President Vladimir Putin's announcement to the world in November that Russia had fired a nuclear-capable hypersonic missile at Ukraine raised further questions on why the escalation is happening only weeks away from the transfer of power in Washington.
General Sergei Karakayev, chief of Russia's Strategic Missile Forces, emphasized the destructive capabilities of his new missile.
Gen. Sergei Karakayev, Russian Strategic Missile Forces.
“Based on the tasks set and the range of this weapon, it can reach targets across the entirety of Europe.“
Putin said the Russian missile firing was a response to the outgoing Biden administration's permission for Ukraine to fire American-supplied missiles deep inside Russia. He said it was meant to show Russia can strike far into NATO territory if it wants to.
Observers say the missile attacks are part of both Russia and Ukraine's strategy to show strength and arrive at negotiations on the strongest possible footing.
The Kremlin accuses outgoing U.S. President Joe Biden of sabotaging President-elect Donald Trump's efforts to broker a quick end to the war as Trump promised to do during his campaign.
It is an accusation that Russia has made before.
Sergey Lavrov, Russian Minister of Foreign Affairs.
“Of course, in 2016, Trump's first weeks in the White House, in terms of his plans for a normal dialogue with the Russian Federation, were undermined to a large extent. I don't rule out that this desire to foul up the situation is what we're seeing now."
But some in Washington say Russia is not interested in stopping the war, with or without Donald Trump in the White House.
Vladislav Inozemtsev, Center for Strategic and International Studies, ZOOM.
“This war has already become the new normal for the Russian elite, who want it to continue because it generates economic growth. And if it stops, what will happen? Where will the people who are now in charge go? “
In the meantime, a new poll by the Yuri Levada Analytical Center in Moscow suggests Russian public opinion appears to be shifting in favor of negotiations to end the war in Ukraine.
Across Russia's border in Ukraine, a recent Gallup poll finds that an average of 52% of Ukrainians surveyed would like to see their country negotiate an end to the conflict as soon as possible.
((https://news.gallup.com/poll/653495/half-ukrainians-quick-negotiated-end-war.aspx ))
If these opinions hold, the field may be open for Trump to push through his plan and get both sides to negotiate a truce despite the current escalation.