ອົງການອະນາໄມໂລກກ່າວວ່າ ຕົນຈະເລັ່ງລັດ ການນຳໃຊ້
ການປິ່ນປົວພວກຕິດເຊື້ອໄວຣັສອີໂບລາແບບທົດລອງ ໃນ
ຂະນະທີ່ຈຳນວນຜູ້ເສຍຊີວິດຍ້ອນການລະບາດໃນເຂດອາ
ຟຣິກາຕາເວັນຕົກ ກະໂດດຂື້ນເປັນຫຼາຍກວ່າ 2,000 ຄົນ.
ອົງການອະນາໄມໂລກກ່າວໃນວັນສຸກວານນີ້ວ່າ ເລືອດຂອງ
ບັນດາຜູ້ລອດຊີວິດມາໄດ້ ສາມາດນຳໃຊ້ໃນທັນທີເພື່ອປິ່ນ
ປົວ ພວກທີ່ຕິດກັບເຊື້ອໄວຣັສ. ການຄົ້ນຄວ້າສະແດງໃຫ້
ເຫັນວ່າ ການນຳເອົາເລືອດຂອງຜູ້ລອດຊີວິດຈາກອີໂບລາ
ມາໃຊ້ ອາດຈະຊ່ວຍບັນດາຄົນເຈັບອື່ນໆ ທີ່ພວມຕໍ່ສູ້ກັບເຊື້ອໄວຣັສນີ້.
ນອກນັ້ນ ອົງການອະນາໄມໂລກຍັງກ່າວວ່າ ຢາວັກຊິນທີ່ໃຫ້ຄວາມຫວັງໃນການປົວອີໂບ
ລາ ຈະເປັນບູລິມະສິດໃນການພັດທະນາໃນຫ້ອງທົດລອງ ແລະອາດຈະຖືກນຳອອກໃຊ້
ໃນທ້າຍປີນີ້. ຮອງຜູ້ອຳນວຍການທົ່ວໄປຂອງ ອົງການອະນາໄມໂລກ ທ່ານນາງ Marie-Paule Kieny ກ່າວວ່າ ການທົດສອບຂັ້ນຕົ້ນຂອງ ຢາວັກຊິນນີ້ ອາດຈະເປັນທີ່
ຮຽບຮ້ອຍ ພາຍໃນເດືອນພະຈິກ ຈະມາເຖິງນີ້.
ເບິ່ງວີດີໂອ ພາສາລາວ ກ່ຽວກັບການຄົ້ນຄ້ວາ ຢາທົດລອງປົວເຊື້ອອີໂບລາ:
Your browser doesn’t support HTML5
ພວກນັກຄົ້ນຄ້ວາ ເລັ່ງລັດ ທົດລອງ ຢາປິ່ນປົວ ເຊື້ອອີໂບລາ
ໃນຕອນເຊົ້າວັນສຸກວານນີ້ ລາຍງານກ່ຽວກັບສະຖານະການຈາກ ອົງການອະນາໄມໂລກ
ແຈ້ງວ່າ ການແຜ່ລະບາດຂອງອີໂບລາກຳລັງທະວີຄວາມຮ້າຍແຮງຂຶ້ນໃນກີນີ ໄລບີເຣຍ
ແລະຊີແອຣາ ລີອອນ. ລາຍງານຍັງກ່າວວ່າ ໄລບີເລຍມີຜູ້ຕິດເຊື້ອໃໝ່ ຫລາຍກ່ວາ 200
ກໍລະນີ ຕໍ່ອາທິດ ໃນຂະນະທີ່ ຊີແອຣາ ລີອອນ ແມ່ນຫລາຍກວ່າ 150 ກໍລະນີ ແລະກີນີ
ຫລາຍກວ່າ 100 ກໍລະນີ.
ອົງການອະນາໄມໂລກໄດ້ຕັ້ງໂຕເລກກໍລະນີຜູ້ຕິດເຊື້ອທັງໝົດຢູ່ໃນສາມປະເທດ ແມ່ນ
ຕ່ຳກວ່າ 4,000 ຄົນໜ້ອຍນຶ່ງ ແຕ່ບັນດາເຈົ້າໜ້າທີ່ສາທາລະນະສຸກເວົ້າວ່າ ໂຕເລກທີ່
ແທ້ຈິງນັ້ນ ອາດຈະສູງກວ່ານີ້.
Your browser doesn’t support HTML5
EBOLA CNPK