ອົງການອະນາໄມໂລກຫລື WHO ກ່າວວ່າ ເຊື້ອອີໂບລາອາດ
ສາມາດຕິດແປດຜູ້ຄົນ ໄດ້ຮອດ 2 ໝື່ນຄົນ ໃນທົ່ວຂົງເຂດອາ
ຟຣິກາຕາເວັນຕົກ ກວ່າການລະບາດຂອງມັນ ຈະຍຸດຕິລົງ.
ອົງກອນດັ່ງກ່າວ ຂອງສະຫະປະຊາຊາດ ໄດ້ໃຫ້ການຊັ່ງຊາ
ຕີລາຄາຂອງຕົນໃນວັນພະຫັດມື້ນີ້ໃນຂະນະທີ່ລົງມືທຳການ
ປຸກລະດົມ ມູນຄ່າ 490 ລ້ານດອລລ່າ ເພື່ອຕໍ່ສູ້ກັບໂລກລະ
ບາດຂອງອີໂບລາ ທີ່ WHO ກ່າວວ່າ ໄດ້ເອົາຊີວິດຄົນໄປ
ຢ່າງນ້ອຍ 1.550 ຄົນແລ້ວນັ້ນ.
ອົງການອະນາໄມໂລກກ່າວອີກວ່າ ຈຳນວນຄົນຕິດເຊື້ອອີໂບ
ລາທີ່ມີລາຍງານໃຫ້ຊາບນັ້ນ ແມ່ນກາຍ 3 ພັນຄົນແລ້ວ ແຕ່ກໍກ່າວຕື່ມວ່າ ຈຳນວນໂຕ
ຈິງ ອາດສາມາດມີຫລາຍກ່ວານັ້ນ 2 ຫາ 4 ເທົ່າກໍໄດ້.
ພາບກ່ຽວກັບ ການລະບາດ ຂອງອີໂບລາ
WHO ກ່າວອີກວ່າ ການຕິດພະຍາດນີ້ສ່ວນຫລາຍແມ່ນຢູ່ໃນປະເທດໄລບີເຣຍ Sierra Leone ແລະກີນີ ແລະວ່າ ການລະບາດແມ່ນຍັງສືບຕໍ່ທະວີສູງຂຶ້ນ ແຕ່ວ່າພວກກໍລະນີ
ໃໝ່ສ່ວນຫລາຍ ແມ່ນລວມກັນຢູ່ໃນເຂດທ້ອງຖິ່ນບໍ່ເທົ່າໃດແຫ່ງ.
ກ່ອນໜ້ານັ້ນ ກະຊວງສາທາລະນະສຸກໄນຈີເຣຍ ແຈ້ງໃຫ້ຊາບວ່າ ມີຄົນຕິດເຊື້ອໄວຣັສ
ອີໂບລາ ຕື່ມອີກ 2 ຄົນ ເຮັດໃຫ້ຈຳນວນຜູ້ຕິດເຊື້ອທັງໝົດ ເພີ້ມຂຶ້ນເປັນ 15 ຄົນໃນປະເທດດັ່ງກ່າວ.
ບັນດາເຈົ້າໜ້າທີ່ກ່າວໃນວັນພະຫັດມື້ນີ້ວ່າ ຊາຍຄົນນຶ່ງທີ່ເຮັດວຽກໃຫ້ປະຊາຄົມເສດຖະ
ກິດຂອງພວກປະເທດອາຟຣິກາຕາເວັນຕົກ ໄດ້ຫາຍດີຈາກການຕິດເຊື້ອອີໂບລາ ໂດຍບໍ່ໄດ້ຮັບການປິ່ນປົວໃດໆ ແຕ່ວ່າ ທ່ານໝໍຂອງລາວໄດ້ເສຍຊີວິດໄປໃນສັບປະດາແລ້ວນີ້ ຍ້ອນຕິດເຊື້ອໄວຣັສດັ່ງກ່າວ.
ປັດຈຸບັນນີ້ ມີ 6 ຄົນແລ້ວ ເສຍຊີວິດໄປຍ້ອນເຊື້ອໄວຣັສອີໂບລາຢູ່ໄນຈີເຣຍ ໃນລະຫວ່າງການລະບາດຄັ້ງຫຼ້າສຸດນີ້.
ອົງການອະນາໄມໂລກ ກ່າວໃນວັນພຸດວານນີ້ເຊັ່ນກັນວ່າ ມີ 80 ຄົນກຳລັງຖືກຕິດຕາມ
ເບິ່ງຢ່າງໃກ້ຊິດ ກ່ຽວກັບການຕິດເຊື້ອໄວຣັສອີໂບລາ ໃນສາທາລະນະລັດປະຊາທິປະໄຕຄອງໂກ ໃນການລະບາດ ທີ່ບໍ່ໄດ້ແຜ່ລາມມາຈາກອາຟຣິກາຕາເວັນຕົກ.
ໃນຂະນະດຽວກັນອົງການພັດທະນາລະຫວ່າງຊາດສະຫະລັດຫລືຢູເສດ ໃຫ້ເງິນຊ່ອຍ
ເຫຼືອເພີ້ມອີກ 5 ລ້ານດອລລ່າ ເພື່ອຮັບມືກັບການລະບາດຂອງເຊື້ອໄວຣັສອີໂບລາ ໃນ
ອາຟຣິກາຕາເວັນຕົກ.
ເງິນກ້ອນໃໝ່ນີ້ ຈະຖືກນຳໃຊ້ສຳລັບເຄືອງອຸບປະກອນການແພດ ການເຝິກແອບພວກພະນັກງານສາທາລະນະສຸກ ແລະໃຫ້ການສະໜັບສະ ໜຸນ ໃນການປຸກລະດົມໃຫ້ປະ
ຊາຊົນຕື່ນຕົວ.
ປັດຈຸບັນນີ້ ອົງການ USAID ໄດ້ໃຫ້ການຊ່ອຍເຫຼືອ ເປັນເງິນເກືອບ 20 ລ້ານດອລລ່າແລ້ວ ເພື່ອຕໍ່ສູ້ກັບການລະບາດຂອງເຊື້ອໄວຣັສອີໂອລາ ນັບແຕ່ໄດ້ມີລາຍງານໃຫ້ຊາບ ກ່ຽວກັບການລະບາດຂອງເຊື້ອໄວຣັສດັ່ງກ່າວເທື່ອທຳອິດ ໃນເດືອນມີນາຜ່ານມາ.
ການຂາດອຸບປະກອນປ້ອງກັນ ແມ່ນນຶ່ງໃນຫຼາຍໆປັດໄຈທີ່ພາໃຫ້ເກີດການແຜ່ລະບາດຂອງເຊື້ອອີໂບລາ.
Your browser doesn’t support HTML5
ebola28august14