ທຳນຽບຂາວ ກ່າວວ່າ ຢູເຄຣນ ຈະເປັນເລື້ອງສຳຄັນສຸດ ໃນ
ຫົວຂໍ້ປະຊຸມຂອງ ປະທານາທິບໍດີ Barack Obama ເວລາ
ທ່ານ ພົບປະກັບປະທານາທິບໍດີຣັດເຊຍ ທ່ານ Vladimir
Putin ທີ່ນະຄອນນິວຢອກ.
ວັງ Kremlin ກ່າວວ່າ ການປະຊຸມ ໄດ້ກຳນົດໃສ່ວັນຈັນຈະ
ມາເຖິງນີ້ ເວລາເປີດກອງປະຊຸມ ສະມັດຊາໃຫຍ່ ສະຫະປະ
ຊາຊາດ.
ໂຄສົກທຳນຽບຂາວ ທ່ານ Josh Earnest ກ່າວວ່່າ ປະທາ
ນາທິບໍດີ Obama ຕ້ອງການຢາກເນັ້ນໜັກ ໃຫ້ທ່ານ Putin
ເຫັນຄວາມສຳຄັນ ໃນການປະຕິບັດ ຕາມຂໍ້ຕົກລົງນະຄອນ Minsk ທີ່ໄດ້ແນໃສ່ການຈັດຕັ້ງປະຕິບັດການຢຸດຍິງຢູ່ໃນຢູເຄຣນ.
ທ່ານ Earnest ກ່າວວ່າ ກຳລັງຂອງພວກແບ່ງແຍກດິນແດນ ຢູ່ໃນພາກຕາເວັນອອກຂອງ
ຢູເຄຣນ ທີ່ໄດ້ຮັບການສະໜັບສະໜູນທາງທະຫານຢ່າງສຳຄັນຈາກຣັດເຊຍ ຍັງສືບຕໍ່ສ້າງ
ຄວາມບໍ່ທຸ່ນທ່ຽງໃນຢູເຄຣນ ໃນຂະນະທີ່ ການລົງໂທດຂອງປະເທດຕາເວັນຕົກຕໍ່ ມົສກູ ໄດ້ເຮັດໃຫ້ເສດຖະກິດຣັດເຊຍອ່ອຍເພຍລົງ.
ທ່ານກ່າວວວາ “ເພາະສະນັ້ນ ຈຶ່ງເປັນທີ່ແຈ້ງຂາວວ່າ ການໂດດດ່ຽວຈາກນາໆຊາດຂອງ
ຣັດ້ຊຍ ແລະການສືບຕໍ່ປະຕິເສດ ບໍ່ຍອມປະຕິບັດຕາມຫລັກການພື້ນ ຖານຂອງນາໆ
ຊາດ ໂດຍສະເພາະຢ່າງຍິ່ງ ເມື່ອເວົ້າເຖິງປະສົມປະສານກຳລັງຂອງພວກແບ່ງແຍກດິນ
ແດນນິຍົມຣັດເຊຍນັ້ນ ໄດ້ເຮັດໃຫ້ເກີດຄວາມເສຍຫາຍຢ່າງໜັກແກ່ເສດຖະກິດເຂົາເຈົ້າ.”
ໂຄສົກວັງ Kremlin ຄົນນຶ່ງກ່າວວ່າ ບັນຫາຂອງຊີເຣຍ ຈະເປັນທີ່ສຳຄັນສຸດຂອງກອງ
ປະຊຸມ ແລະປະທານາທິບໍດີທັງສອງ ຈະຫາລືກັນກ່ຽວກັບຢູເຄຣນ ຖ້າຫາກມີເວລາ.
ຣັດເຊຍ ໄດ້ເສີມຂະຫຍາຍການມີໜ້າຂອງກຳລັງທະຫານໃນຊີເຣຍ ຮວມທັງໄດ້ສົ່ງບັນ
ດາເຮືອບິນລົບ ແລະລົດຖັງໄປທີ່ນັ້ນ.
ລັດຖະມົນຕີຕ່າງປະເທດ ສະຫະລັດ ທ່ານ John Kerry ກ່າວວ່າ ບັນດາຜູ້ຊ່ຽວຊານທາງ
ທະຫານສະຫະລັດເຊື່ອວ່າ ຣັດເຊຍກຳລັງຊອກຫາການປ້ອງກັນກຳລັງແລະອາວຸດຂອງ
ຕົນຢູ່ໃນຊີເຣຍ ທ່າມກາງຄວາມບໍ່ທຸ່ນທ່ຽງຢູ່ໃນປະເທດ ທີ່ປະສົບກັບໄພສົງຄາມດັ່ງກ່າວ.
ຣັດເຊຍ ໄດ້ກ່າວວ່າ ຕົນຕ້ອງການຢາກທຳລາຍກຸ່ມລັດອິສລາມແລະພວກຫົວຮຸນແຮງແຕ່
ແຜນໄລຍະຍາວຂອງ ຣັດເຊຍໃນຊີເຣຍ ຍັງບໍ່ເປັນທີ່ແຈ້ງຂາວເທື່ອ.
ທ່ານ Earnest ກ່າວວ່າ ປະທານາທິບໍດີ Obama ຈະເຮັດໃຫ້ເປັນທີ່ຈະແຈ້ງ ຕໍ່ທ່ານ
Putin ວ່າ ໃຫ້ການສະໜັບສະໜູນ ແກ່ປະທານາທິບໍດີຊີເຣຍ ທ່ານ Bashar al-Assad
ນັ້ນ ເປັນການພະນັນທີ່ຈະເສຍໄຊ.
Your browser doesn’t support HTML5
Obama Putin Meeting