ໜັງສືພິມ New York Times ໄດ້ລາຍງານໃນແລງວັນຈັນວານນີ້ ວ່າ ຜູ້ຊາຍຄົນນຶ່ງທີ່
ໄດ້ວາງແຜນການປະຊຸມ ລະຫວ່າງທ່ານ Donald Trump Jr. ກັບທະນາຍຄວາມ
ຣັດເຊຍ ໃນປີກາຍນີ້ທີ່ສະແດງຢູ່ໃນ email ເຖິງທ່ານທຣຳນັ້ນວ່າ ລັດຖະບານຂອງ
ຣັດເຊຍ ແມ່ນເປັນແຫຼ່ງທີ່ມາຂອງຂໍ້ມູນຕ່າງໆທີ່ອາດສາມາດສ້າງຄວາມເສຍຫາຍໃຫ້
ແກ່ການໂຄສະນາຫາສຽງ ຂອງທ່ານນາງ Hillary Clinton.
ໜັງສືພິມດັ່ງກ່າວຍັງເວົ້າອີກວ່າ ເລື່ອງລາວຂອງຕົນແມ່ນມາຈາກສາມຄົນທີ່ຮູ້ເລື່ອງ
email ແລະຂໍ້ຄວາມຈາກຜູ້ພິມ Rob Goldstone ໄດ້ບອກກັບທ່ານທຣຳວ່າ ເອກກະສານຕ່າງໆ ແມ່ນສ່ວນນຶ່ງຂອງຄວາມພະຍາຍາມຂອງລັດຖະບານຣັດເຊຍ ທີ່ຈະຊ່ອຍໃຫ້ພໍ່ຂອງທ່ານກໍຄືທ່ານທຣຳ ເອົາຊະນະທ່ານນາງ Clinton.
ການພົບປະກັນກັບທະນາຍຄວາມຣັດເຊຍ ນາງ Natalia Veselnitskaya ໃນເດືອນ
ມິຖຸນາ ປີກາຍນີ້ ຊຶ່ງເບິ່ງຄືວ່າ ເປັນການຕິດຕໍ່ຄັ້ງທຳອິດລະຫວ່າງເຈົ້າໜ້າທີ່ອະວຸໂສ
ຈາກຄະນະໂຄສະນາຫາສຽງຂອງທ່ານ Trump ກັບຜົນປະໂຫຍດຂອງຣັດເຊຍ
ໃນລະຫວ່າງການໂຄສະນາຫາສຽງ ຊຶ່ງມີຂຶ້ນ 2 ສັບປະດາ ຫຼັງຈາກທີ່ທ່ານທຣຳ ໄດ້ຖືກ
ເລືອກເປັນຕົວແທນຂອງພັກ Republican ແລະຫຼາຍໆສັບປະດາ ກ່ອນທີ່ Wikileaks
ຈະເລີ່ມເປີດເຜີຍ email ທີ່ເປັນການອັບອາຍຂາຍໜ້າຂອງທ່ານນາງ Clinton.
ທີ່ປຶກສາຂອງທ່ານທຣຳ ທ່ານນາງ Kellyanne Conway Howard Kurtz ສຳພາດໃນລາຍການ "MediaBuzz" ທາງໂທລະພາບ Fox News Channel ໃນນະຄອນ New York, ມີນາ10, 2017.
ທ່ານ Alan Futerfas ທະນາຍຄວາມຂອງທ່ານ Donald Trump Jr. ໄດ້ປະຕິເສດ
ເລື່ອງລາວຂອງທາງໜັງສືພິມ New York Times ວ່າ “ເປັນເລື່ອງໄຮ້ສາລະ ບໍ່ມີມູນ
ຄວາມຈິງ ໃດໆເລີຍ.”
ເຊົ້າວັນຈັນວານນີ້ ເຈົ້າໜ້າທີ່ທຳນຽບຂາວ ໄດ້ທຳການຕອບໂຕ້ແບບວ່າ ຈະຕໍ່ສູ້ກັບການ
ກ່າວຫາກ່ຽວກັບການພົບປະກັນ ທີ່ຮວມມີລູກເຂີຍຂອງທ່ານທຣຳ ແລະທີ່ປຶກສາອະວຸໂສ
ທ່ານ Jared Kushner ແລະທ່ານ Paul Manafort ທີ່ຕອນນັ້ນ ດຳລົງຕຳແໜ່ງເປັນ
ຜູ້ຈັດການຄະນະໂຄສະນາຫາສຽງ ຊຶ່ງເປັນສ່ວນນຶ່ງຂອງຄວາມພະຍາຍາມທີ່ຈະສົມຮູ້
ຮ່ວມຄິດກັບວັງ Kremlin.
ສະມາຊິກສະພາ Mark Warner, ສັງກັດພັກ Democratic ຈາກລັດ VA, ທີ່ລັດຖະສະພາ Capitol Hill ໃນນຳຄອນຫຼວງວໍຊີງຕັນ Washington, 3 ກຸມພາ, 2017.
“ຄະນະໂຄສະນາຫາສຽງແມ່ນບໍ່ໄດ້ສົມຮູ້ຮ່ວມຄິດ ບໍ່ວ່າທາງໃດທາງນຶ່ງ,” ຊຶ່ງນັ້ນແມ່ນ
ຄຳເວົ້າຮອງໂຄສົກ ທ່ານນາງ Sarah Huckabee Sanders ໄດ້ບອກຕໍ່ກອງປະຊຸມຖະ
ແຫຼງຂ່າວ ແລະທ່ານນາງຍັງໄດ້ກ່າວຕື່ມວ່າ “ທ່ານ Don Jr. ບໍ່ໄດ້ສົມຮູ້ຮ່ວມຄິດກັບຜູ້ໃດ
ທັງນັ້ນ ເພື່ອໃຊ້ອິດທິພົນຕໍ່ການເລືອກຕັ້ງ. ໃນສະຖານະຂອງພວກເຮົານັ້ນແມ່ນວ່າ
ຈະບໍ່ມີຜູ້ໃດໃນຄະນະໂຄສະນາຫາສຽງຂອງທ່ານທຣຳ ສົມຮູ້ຮ່ວມຄິດ ເພື່ອທີ່ຈະໃຊ້
ອິດທິພົນຕໍ່ການເລືອກ.”
ເຈົ້າໜ້າທີ່ທຳນຽບຂາວ ຍັງໄດ້ຈັດໃຫ້ມີການປະກົດຕົວ ຕາມຕາໜ່າງໂທລະພາບຂອງ
ເຈົ້າໜ້າທີ່ອະວຸໂສ. ທ່ານນາງ Kellyanne Conway ທີ່ປຶກສາຂອງທ່ານທຣຳ ໄດ້ບອກ
ກັບຜູ້ສຳພາດທາງໂທລະພາບ ໃນວັນຈັນວານນີ້ ໃນລາຍການ Good Morning America
ຂອງຕາໜ່າງ ABC ວ່າ ການພົບປະກັນຢ່າງສັ້ນໆ ນັ້ນ “ບໍ່ໄດ້ສ້າງປະໂຫຍດຫຍັງເລີຍ” ສຳລັບໂຄສະນາຫາສຽງ.
ອ່ານຂ່າວນີ້ເພີ້ມຕື່ມເປັນພາສາອັງກິດ
Your browser doesn’t support HTML5
Trump Russia Probe