ປະທານາທິບໍດີ ສະຫະລັດ ທ່ານ ບາຣັກ ໂອບາມາ ຈະຈັດງານຄໍ່າຄືນດາລາສາດຄັ້ງທີ 2 ທີ່ທຳນຽບຂາວ.
ງານທີ່ຈະຈັດຂຶ້ນໃນວັນຈັນມື້ນີ້ ຈະນຳເອົາບັນດານັກວິທະຍາ ສາດ, ນັກອາວະກາດ, ນັກວິສະວະກອນ ແລະ ນັກວິທະຍາສາດດ້ານອື່ນໆ ຈາກພາກດາລາສາດ ແລະ ອຸດສາຫະກຳ ອາວະກາດ ເຊິ່ງເປັນຜູ້ທີ່ຈະມາແລກປ່ຽນປະສົບການກັບບັນດານັກຮຽນ ແລະ ຄູອາຈານ ໃນຂະນະທີ່ພວກເຂົາເຈົ້າໃຊ້ເວລາໃນ ຕອນແລງສ່ອງແນມເບິ່ງດວງດາວ ແລະ ເດືອນ ຢູ່ສະໜາມຫຍ້າດ້ານໃຕ້ຂອງທຳນຽບຂາວ.
ງານດັ່ງກ່າວຖືກຈັດຂື້ນເພື່ອສົ່ງເສີມຄວາມສຳຄັນຂອງ STEM ມີຄວາມໝາຍວ່າ ວິທະຍາ ສາດ, ເທັກໂນໂລຈີ, ວິສະວະກຳ ແລະ ຄະນິດສາດ ການສຶກສາ.
ບໍ່ດົນມານີ້ ທ້າວ Ahmed Mohamed ເດັກຊາຍອາຍຸ 14 ປີ ໄດ້ຖືກຫ້າມບໍ່ໃຫ້ໄປໂຮງຮຽນ ເມື່ອອາຈານຄົນໜຶ່ງເຂົ້າໃຈຜິດວ່າ ໂມງທີ່ລາວໄດ້ປະດິດຂຶ້ນນັ້ນເປັນລະເບີດ ກໍໄດ້ຖືກເຊີນໃຫ້ເຂົ້າຮ່ວມໃນງານດັ່ງກ່າວ.
ທຳນຽບຂາວກ່າວວ່າມີສວນສາທາລະນະແຫ່ງຊາດ, ຫໍສັງເກດດວງດາວ, ໂຮງຮຽນ, ຫໍພິພິ ທະພັນ ແລະ ແລະ ສະໂມສອນດາລາສາດຫຼາຍວ່າ 80 ແຫ່ງ ໄດ້ເປັນແຮງບັນດານໃຈໃຫ້ ງານດາລາສາດ ເພື່ອຈັດງານສ່ອງແນມເບິ່ງດວງດາວຂອງພວກເຂົາເຈົ້າເອງ.
ງານດາລາສາດ ທຳນຽບຂາວຄັ້ງທຳອິດໄດ້ຖືກຈັດຂຶ້ນໃນປີ 2009. ປະທານາທິບໍດີ ໂອບາມາ ໄດ້ກ່າວຕໍ່ນັກຮຽນມັດທະຍົມໃນເວລານັ້ນວ່າ “ມັນມີຄວາມລຶກລັບຫຼວງຫຼາຍເຫຼືອຢູ່ ແລະ ມັນກໍມີຫຼາຍໆບັນຫາສຳລັບພວກເຈົ້າທີ່ເປັນນັກຮຽນເພື່ອຫາທາງແກ້ໄຂ. ແລະ ຂ້າພະເຈົ້າກໍຢາກເປັນປະທານາທິບໍດີຜູ້ທີ່ຮັບຮອງວ່າພວກເຈົ້າມີນາຍຄູ ແລະ ອຸປະກອນທີ່ພວກເຈົ້າຕ້ອງການເພື່ອແກ້ໄຂບັນຫານັ້ນ.”