ບັນດາຜູ້ນິຍົມຊົມຊອບ ໝີ Panda ຂະໜາດຍັກ ໄດ້ຮັບຂ່າວດີ
ໃນວັນເສົາວານນີ້ ໃນຂະນະທີ່ ສວນສັດແຫ່ງຊາດຂອງ
Smithsonian ຢູ່ໃນວໍຊິງຕັນ ໄດ້ປະກາດການເກີດໃໝ່ ຂອງ
ລູກໝີ Panda ນ້ອຍຄູ່ໜຶ່ງ.
ສວນສັດດັ່ງກ່າວ ໄດ້ປະກາດການເກີດ ທີ່ໜ້າຕື່ນເຕັ້ນດີໃຈ
ຂອງລູກໝີນ້ອຍ ໂຕທີສອງ ທີ່ສຸຂະພາບດີ ໂດຍແມ່ໝີ Mei
Xiang ເມື່ອຕອນແລງຂອງວັນເສົາວານນີ້ ປະມານ 5 ຊົ່ວໂມງ
ຫຼັງຈາກ ທີ່ໄດ້ເກີດມີຄວາມຕື່ນເຕັ້ນ ໄປທົ່ວຂົງເຂດຢ່າງກວ້າງ
ຂວາງ ດ້ວຍຂ່າວການເກີດ ຂອງລູກໝີ Panda ໂຕທຳອິດ.
ເພດຂອງພວກລູກໝີ ທີ່ເກີດໃໝ່ນັ້ນ ຈະໄດ້ບອກໃຫ້ຮູ້ ໃນມື້ຕໍ່ໄປ.
Your browser doesn’t support HTML5
Panda Birth Washington
ໃນຄຳຖະແຫລງທີ່ຍືດຍາວ ຫຼັງຈາກການເກີດທຳອິດ ທາງການສວນສັດ ກ່າວວ່າ Mei Xiang ໄດ້ມີປະຕິກິລິຍາ ໃນທາງທີ່ດີຕໍ່ລູກໝີ ໂດຍການອຸ້ມເອົາລູກໝີນ້ອຍຂຶ້ນ.
ຜູ້ອຳນວຍການສວນສັດ ທ່ານ Dennis Kelly ກ່າວວ່າ “ພວກເຮົາມີຄວາມຕື່ນເຕັ້ນດີ
ອົກດີໃຈ” ແລະ ກ່າວອີກວ່າ “ລູກໝີ ແມ່ນມີຄວາມສ່ຽງ ໃນຂະນະທີ່ຍັງມີຂະໜາດ
ນ້ອຍຢູ່ ປະມານ 4 ຊັງຕີແມັດ ແຕ່ພວກເຮົາຮູ້ວ່າ Mei ແມ່ນເປັນແມ່ທີ່ດີຫຼາຍ.”