ທ່ານຜູ້ຟັງທີ່ເຄົາລົບ ໃນລາຍການຊີວິດຊາວລາວ ມື້ນີ້ ເຮົາຂໍ
ແນະນຳໃຫ້ ທ່ານຮູ້ຈັກກັບ ພະນະທ່ານເອກອັກຄະລັດທະທູດ
ໄມ ໄຊຍະວົງສ໌ ຈາກ ສປປ ລາວ ປະຈຳນະຄອນຫລວງ ວໍຊິງ
ຕັນ. ໃນວັນຈັນ ທີ 3 ທີ່ຜ່ານມານີ້ ທ່ານໄດ້ຍື່ນສານຕາຕັ້ງ ຕໍ່
ປະທານາທິບໍດີ ບາຣັກ ໂອບາມາ ຜູ້ເປັນເຈົ້າພາບ ປະເທດ
ສະຫະລັດ ອາເມຣິກາ. ໃນຕອນແລງວັນດຽວກັນນັ້ນ ກໍມີການ
ກິນລ້ຽງສັງສັນ ກັນຢ່າງມ່ວນຊື່ນ ທີ່ ສະຖານທູດ ສປປ ລາວ
ຊຶ່ງ ກິ່ງສະຫັວນ ຈະນຳເລື້ອງນີ້ມາສະເໜີທ່ານ.
Your browser doesn’t support HTML5
ຟັງການສຳພາດ ພະນະທ່ານ ເອກອັກຄະລັດຖະທູດ ໄມ ໄຊຍະວົງສ໌
ສະບາຍດີ ທ່ານຜູ້ຟັງທີ່ເຄົາລົບ ໃນລາຍການຊີວິດຊາວລາວ ປະຈຳວັນພະຫັດ ມື້ນີ້ ເຮົາຂໍ
ແນະນຳໃຫ້ທ່ານຮູ້ຈັກກັບ ພະນະທ່ານ ໄມ ໄຊຍະວົງສ໌ ເອກອັກຄະລັດທະທູດ ຜູ້ມີອຳນາດ
ເຕັມຄົນໃໝ່ ຈາກ ສປປ ລາວ ປະຈຳສະຫະລັດ ອາເມຣິກາ ການາດາ ແລະເມັກຊິໂກ. ໃນ
ຕອນແລງຂອງວັນທີ 3 ສິງຫາ 2015 ທີ່ ທຳນຽບປະທານາທິບໍດີ ແຫ່ງ ສະຫະລັດ ອາເມ
ຣິກາ ນະຄອນຫລວງ ວໍຊິງຕັນ ພະນະທ່ານໄມ ໄຊຍະວົງສ໌ ໄດ້ເຂົ້າຍື່ນສານຕາຕັ້ງຂອງ
ພະນະທ່ານ ຈູມມາລີ ໄຊຍະສອນ ປະທານປະເທດ ແຫ່ງ ສາທາລະນະລັດ ປະຊາທິປະ
ໄຕປະຊາຊົນລາວ ໃຫ້ແກ່ພະນະທ່ານ ບາຣັກ ໂອບາມາ ປະທານາທິບໍດີ ແຫ່ງ ສະຫະລັດ
ອາເຣິກາ ເພື່ອເຂົ້າດຳລົງຕຳແໜ່ງເປັນ ເອກອັກຄະລັດຖະທູດ ວິສາມັນຜູ້ມີອໍາ ນາດເຕັມ
ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ປະຈໍາ ສະຫະລັດ ອາເມຣິກາ ເຊິ່ງ
ມີສຳນັກງານຕັ້ງຢູ່ ນະຄອນຫລວງ ວໍຊິງຕັນ.
ບັນດານັກການທູດ ສປປ ລາວ ທີ່ຜ່ານມາ ປະຈຳ ສະຖານທູດ ສປປ ລາວ ທີ່ ນະຄອນຫລວງ ວໍຊິງຕັນ
ກ່ອນຖືກແຕ່ງຕັ້ງໃຫ້ມາເປັນ ເອກອັກຄະລັດຖະທູດ ນັ້ນ ພະນະ
ທ່ານໄມ ໄດ້ເປັນ ຫົວໜ້າຫ້ອງການຂອງກະຊວງການຕ່າງປະ
ເທດ ສປປ ລາວ ຮັບຜິດຊອບກ່ຽວ ກັບເຂດເອເຊຍປາຊີຟິກ
ແລະອາຟຣິກາ ຂອງກະຊວງການຕ່າງປະເທດ ສປປ ລາວ. ພະ
ນະທ່ານເອກອັກຄະລັດຖະທູດໄມ ເຄີຍໄດ້ມາປະຈຳການຢູ່ ສະ
ຖານທູດ ສປປ ລາວ ທີ່ ນະຄອນຫລວງ ວໍຊິງຕັນ ເລີ້ມຈາກການ
ເປັນພະນັກງານເລຂາທີສາມ ກ້າວມາເປັນເລຂາທີສອງ ແລະ
ກ້າວຂື້ນມາເປັນ ເອກອັກຄະລັດຖະທູດ ທີ່ປຶກສາ ຮວມທັງໝົດສອງຄັ້ງ ເປັນເວລາເກົ້າປີເຄິ່ງ ແລະ ນອກນັ້ນກໍມີໜ້າທີ່ອັນສຳຄັນຕ່າງໆຢູ່ໃນ ກະຊວງການຕ່າງປະເທດ ສປປ ລາວ.
ເອກອັກຄະລັດຖະທູດ ໄມ ໄຊຍະວົງສ໌ ເກີດເມື່ອປີ 1962 ທີ່ແຂວງຫົວພັນ ແລະໄດ້ອົບພະ
ຍົບເຂົ້າມາຢູ່ ນະຄອນຫລວງວຽງຈັນ ຊື່ງທ່ານໄດ້ກ່າວເຖິງຊີວິດບັ້ນຕົ້ນຕໍ່ ວີໂອເອ ດັ່ງນີ້ :
ພະນະທ່ານ ເອກອັກຄະລັດຖະທູດໄມ ໄຊຍະວົງສ໌ (ຂວາ) ແລະ ນັກຂ່າວ ວີໂອເອ ກິ່ງສະຫວັນ ປະຖັມມະວົງ
Your browser doesn’t support HTML5
ຟັງການສຳພາດ ພະນະທ່ານ ເອກອັກຄະລັດຖະທູດ ໄມ ໄຊຍະວົງສ໌ ຈາກ ສປປ ລາວ 1
ໃນໂອກາດສະເໜີສານຕາຕັ້ງ ທ່ານເອກອັກຄະລັດຖະທູດແຫ່ງ ສປປ ລາວ ໄດ້ສະແດງ
ຄວາມປິຕິຍິນດີ ແລະ ຖືເປັນກຽດຢ່າງສູງ ທີ່ໄດ້ມີໂອກາດ ເຂົ້າຢ້ຽມຂຳ່ນັບ ພະນະທ່ານ ປະທານາທິບໍດີ ແຫ່ງ ສະຫະລັດ ອາເມຣິກາ ແລະ ໄດ້ນຳເອົາ ຄຳອວຍພອນ ຢ້ຽມຢາມ ຖາມຂ່າວອັນອົບອຸ່ນ ແລະ ຄວາມປາດຖະໜາດີຂອງ ພະນະທ່ານ ປະທານປະເທດ
ຈູມມະລີ ໄຊຍະສອນ ທີ່ສົ່ງເຖິງ ພະນະທ່ານປະທານາທິບໍດີ ບາຣັກ ໂອບາມາ ພ້ອມນັ້ນກໍ່ໄດ້ຕີລາຄາສູງຕໍ່ຜົນສຳເລັດ ໃນການພົວພັນ ແລະ ຮ່ວມມືລະຫວ່າງ ສປປ ລາວ ແລະ
ສະຫະລັດ ອາເມຣິກາ ໃນຊຸມປີທີ່ຜ່ານມາ ແລະ ຢືນຢັນວ່າ ຈະເຮັດສຸດຄວາມສາມາດຂອງ
ຕົນເພື່ອສືບຕໍ່ສົ່ງເສີມສາຍພົວພັນມິດຕະພາບ ແລະ ການຮ່ວມ ມືສອງຝ່າຍ ລະຫວ່າງ ສປປ ລາວ ແລະ ສະຫະລັດ ອາເມຣິກາ ໃຫ້ມີການ ຂະຫຍາຍຕົວສູງຂຶ້ນ.
ພະນະທ່ານ ເອກອັກຄະລັດຖະທູດ ໄມ ໄຊຍະວົງສ໌ (ຂວາ) ແລະພະນະທ່ານ ເອກອັກຄະລັດຖະທູດ ດຣ ຂຽນ ພັນສຸຣິວົງ ປະຈຳອົງການ ສະຫະປະຊາຊາດ (ຊ້າຍ)
ໃນໂອກາດດຽວກັນ ທ່ານເອກອັກຄະລັດຖະທູດ ໄມ ໄຊຍະວົງສ໌
ກໍໄດ້ສະແດງຄວາມຂອບໃຈ ແລະ ຊົມເຊີຍຕໍ່ການຮ່ວມມືສອງ
ຝ່າຍ ເຊິ່ງເຫັນວ່າມີຄວາມກ້າວໜ້າໂດຍສະເພາະການປະກອບ
ຊ່ວຍເຫລືອດ້ານທຶນຮອນ ເຂົ້າໃນໂຄງການເກັບກູ້ລະເບີດທີ່ບໍ່
ທັນແຕກ ປາງສົງຄາມ ເຊິ່ງເປັນອຸປະສັກໃນການພັດທະນາເສດ
ຖະກິດສັງ ຄົມຂອງ ສປປ ລາວ.ສໍາ ລັບການຮ່ວມມືດ້ານການຄ້າ
ແລະ ການລົງທຶນກໍເຫັນວ່າ ມີການຂະຫຍາຍຕົວເທື່ອລະ ກ້າວ
ໃນຊຸມປີຜ່ານມາ. ພ້ອມນັ້ນ ກໍໄດ້ສະແດງຄວາມຊົມເຊີຍຕໍ່
ສະຫະລັດ ອາເມຣິກາ ໃນການປະກອບສ່ວນ ຢ່າງຫ້າວຫັນເຂົ້າ
ໃນຂອບການຮ່ວມມືພາກພື້ນ ແລະອະນຸພາກພື້ນເຊັ່ນ ການ
ຮ່ວມມືໃຂອບແມ່ນຳ້ຂອງຕອນລຸ່ມ ແລະ ການຮ່ວມມືໃນຂອບ
ອາຊຽນ-ສະຫະລັດ ໂດຍສະເພາະ ການປະກອບສ່ວນເຂົ້າ ໃນການສ້າງປະຊາຄົມເສດ ຖະກິດອາຊຽນ ເຊິ່ງຈະເປັນປັດໄຈສຳຄັນໃນການສ້າງປະຊາຄົມອາຊຽນ ໃຫ້ສຳເລັດໃນ
ອະນາຄົດ.
ໃນຂະນະດຽວກັນ ພະນະທ່ານປະທານາທິບໍດີ ບາຣັກ ໂອບາມາ ໄດ້ສະແດງຄວາມຍິນດີ
ຕ້ອນຮັບ ທ່ານເອກອັກຄະລັດຖະທູດແຫ່ງ ສປປ ລາວ ຄົນໃໝ່ ໄດ້ສົ່ງຄຳຢ້ຽມຢາມຖາມ
ຂ່າວອັນອົບອຸ່ນ ແລະ ພອນໄຊອັນ ປະເສີດມາຍັງ ພະນະທ່ານປະທານປະເທດ ແລະ
ປະຊາຊົນລາວທຸກຖ້ວນໜ້າ ທ່ານໄດ້ໃຫ້ທັດສະນະວ່າ ໃນໄລຍະ 60 ປີແຫ່ງການພົວພັນ
ລະຫວ່າງສະຫະລັດ ແລະ ສປປ ລາວ ເຊິ່ງສອງປະເທດໄດ້ມີການຮ່ວມມືກັນຫລາຍດ້ານ
ເປັນຕົ້ນແມ່ນດ້ານສາທາລະນະສຸກ ສະພາບແວດລ້ອມ ພະລັງງານ ການສຶກສາ ການ
ປະຕິບັດດ້ານກົດໝາຍ ການຄ້າ ການລົງທຶນ ແລະ ຫລາຍບັນຫາໃນຂອບການຮ່ວມມື
ພາກພື້ນ ເຊິ່ງມີຄວາມເຊື່ອໝັ້ນວ່າ ການຮ່ວມມື ດັ່ງກ່າວມານັ້ນຈະມີຄວາມແຈ່ມໃສໃນ
ອະນາຄົດ. ສະຫະລັດ ອາເມຣິກາ ຈະສືບຕໍ່ຮ່ວມມືກັບ ສປປ ລາວ ໃນບັນຫາທີ່ເປັນຜົນສືບ
ເນື່ອງມາຈາກອະດີດເຊັ່ນ ການຊອກຄົ້ນຫາຊາກສົບຂອງ ທະຫານ ອາເມຣິກາ ທີ່ຫາຍ
ສາບສູນໃນປາງ ສົງຄາມ ເຊິ່ງຖືເປັນວຽກບູລິມະສິດສູງສຸດ ການຊ່ວຍເຫລືອດ້ານມະນຸດ
ສະທໍາ ແລະ ອາເມຣິກາ ຈະສືບຕໍ່ຊ່ວຍ ເຫລືອ ສປປ ລາວ ໃນການແກ້ໄຂບັນຫາລະເບີດ
ບໍ່ທັນແຕກ (UXO) ຢູ່ ສປປ ລາວ.
ທ່ານປະທານາທິບໍດີ ບາຣັກ ໂອບາມາ ໄດ້ສະແດງຄວາມຊົມເຊີຍຕໍ່ ສປປ ລາວ ໃນການ
ເປັນປະທານ ຮ່ວມກັບສະຫະລັດ ອາເມຣິກາ ຈັດກອງປະຊຸມວິສາມັນຂອງ ປະເທດເພື່ອນ
ມິດ ລຸ່ມແມ່ນຳ້ຂອງ ທີ່ຈັດຂຶ້ນຢູ່ປາກເຊ ໃນເດືອນກຸມພາ ຜ່ານມານີ້. ໃນປີ 2016 ສປປ ລາວ ກໍຈະເປັນປະທານອາຊຽນ, ເຊິ່ງອາເມຣິກາຖືວ່າ ອາຊຽນມີ ບົດບາດທີ່ສຳຄັນ ໃນ ການຮັກສາສັນຕິພາບ ແລະ ຄວາມໝັ້ນຄົງໃນຂົງເຂດ ແລະ ສົ່ງເສີມຄວາມຈະເລີນກ້າວ ໜ້າ ທາງດ້ານເສດຖະກິດ. ດັ່ງນັ້ນ, ຜົນສຳເລັດໃນການເປັນປະທານອາຊຽນຂອງ ສປປ ລາວ ແມ່ນມີຄວາມສຳຄັນທີ່ ສຸດສຳລັບສະຫະລັດ ແລະ ສະຫະລັດ ກຽມພ້ອມໃຫ້ການ ຊ່ວຍ ເຫລືອແກ່ ສປປ ລາວ.
ພະນະທ່ານ ເອກອັກຄະລັດຖະທູດ ໄມ ໄຊຍະວົງສ໌ ໄດ້ກ່າວເຖິງປະສົບພະການ ການສະເໜີສານຕາຕັ້ງ ຕໍ່ ປະທານາທິບໍດີ ບາຣັກໂອບາມາ ຄັ້ງນີ້ວ່າ :
ພະນະທ່ານເອກອັກຄະລັດຖະທູດໄມ ໄຊຍະວົງສ໌ ແລະປະທານາທິບໍດີ ສະຫະລັດ ທ່ານ ບາຣັກ ໂອບາມາ ທີ່ທໍາຳນຽບຂາວ
Your browser doesn’t support HTML5
ຟັງການສຳພາດ ພະນະທ່ານ ເອກອັກຄະລັດຖະທູດ ໄມ ໄຊຍະວົງສ໌ ຈາກ ສປປ ລາວ 2
ພະນະທ່ານ ເອກອັກຄະລັດຖະທູດ ໄມ ໄຊຍະວົງສ໌ ໄດ້ຖືໂອກາດ ດັ່ງກ່າວນີ້ ແລກປ່ຽນຄໍາ ຄິດຄຳເຫັນ ກັບພະນະທ່ານ ປະທານາທິບໍດີ ບາຣັກ ໂອບາມາ ວ່າ ໃນປີ 2015 ນີ້ ເປັນປີ ຄົບຮອບ 60 ປີ ແຫ່ງການສ້າງຕັ້ງ ສາຍພົວພັນການ ທູດລະຫວ່າງ ສະຫະລັດ ອາເມຣິກາ ກັບ ສປປ ລາວ ສອງຝ່າຍກໍຈະມີການ ແລກປ່ຽນການຢ້ຽມຢາມ ລະຫວ່າງການນຳຂັ້ນສູງ ຂອງທັງສອງປະເທດ ໃນປີ 2016 ນີ້ ສປປ ລາວ ຈະໄດ້ຮັບກຽດເປັນ ປະທານວຽນອາ ຊຽນ ຈຶ່ງຖືເປັນໂອກາດດີ ທີ່ ສປປ ລາວ ຈະໄດ້ຮັບກຽດ ຕ້ອນຮັບທ່ານປະທານາທິບໍດີ ບາຣັກ ໂອບາມາ ໃນການຢ້ຽມຢາມ ແລະ ເຂົ້າຮ່ວມກອງປະຊຸມສຸດຍອດ ຂອງຜູ້ນໍາອາ ຊຽນ ກັບ ສະຫະລັດ ແລະ ກອງປະສຸດຍອດຂອງ ຜູ້ນຳອາເຊຍຕາເວັນອອກ ທີ່ ສປປ
ລາວ ຈະເປັນເຈົ້າພາບ.
ກ່ຽວກັບສາຍສຳພັນ ແລະນະໂຍບາຍ ລະຫວ່າງ ສປປ ລາວ ແລະ ສະຫະລັດ ນັ້ນ ພະນະທ່ານ ເອກອັກຄະລັດຖະທູດໄມ ໄດ້ກ່າວດັ່ງນີ້ :
ພະນະທ່ານ ເອກອັກຄະລັດຖະທູດໄມ ໄຊຍະວົງສ໌ (ທີສອງຈາກຂວາ) ພ້ອມດ້ວຍພັນລະຍາ ຍານາງສຸມາລີ ໄຊຍະວົງ ແລະລູກແຝດ ຍິງແລະຊາຍ
Your browser doesn’t support HTML5
ຟັງການສຳພາດ ພະນະທ່ານ ເອກອັກຄະລັດຖະທູດ ໄມ ໄຊຍະວົງສ໌ ຈາກ ສປປ ລາວ 3
ຫລັງຈາກໄດ້ຍື່ນສານຕາຕັ້ງເປັນທີ່ຮຽບຮ້ອຍແລ້ວ ໃນຕອນແລງຂອງມື້ດຽວກັນກໍໄດ້ມີງານ
ກິນລ້ຽງສັງສັນ ຕ້ອນຮັບພະນະທ່ານເອກອັກຄະລັດຖະທູດ ໄມ ໄຊຍະວົງສ໌ ພ້ອມດ້ວຍພັນ
ລະຍາ ຍານາງສຸມາລີ ໄຊຍະວົງສ໌ ແລະລູກແຝດ ຍິງຊາຍອາຍຸ 18 ປີ ພ້ອມດ້ວຍບັນດາ
ແຂກຜູ້ມີກຽດ ຈາກປະຊາຄົມລາວ ທັງໃກ້ ແລະໄກ ເຂົ້າຮ່ວມນຳ. ນອກນັ້ນ ກໍມີແຂກກິຕິ
ມະສັກຄື ພະນະທ່ານ ດຣ ຂຽນ ພັນສຸຣິວົງ ເອກອັກຄະລັດຖະທູດ ສປປ ລາວ ປະຈຳອົງ
ການສະຫະປະຊາຊາດ ພ້ອມດ້ວຍຄະນະ ໄດ້ເດີນທາງມາຈາກ ນະຄອນນິວຢອກ ເພື່
ເຂົ້າຮ່ວມ ສະຫລອງໃນຄັ້ງນີ້ດ້ວຍ.
ບັນດາແຂກ ທີ່ເຂົ້າຮ່ວມ
ພິທີກິນລ້ຽງສະຫລອງ ໄດ້ຜ່ານພົ້ນໄປດ້ວຍຄວາມມ່ວນຊື່ນໂດຍມີອາຫານພື້ນເມືອງທີ່ໜ້າ ຮັບປະທານ ແລະການຟ້ອນລຳວົງ ຢ່າງສະໜຸກສະໜານມ່ວນຊື່ນ.