ທ່ານຜູ້ຟັງທີ່ເຄົາລົບ ລາຍການຊີວິດຊາວລາວ ປະຈຳວັນພະຫັດ
ມື້ນີ້ເຮົາຈະນຳເອົາການສຳພາດທ່ານທອງຄູນ ພັດທະນາອະດີດ
ນັກວິສະວະກອນ ນັກລົງທຶນເຮັດໄມ້ອັດພື້ນເຮືອນ ແລະບັດນີ້ໄດ້
ກາຍມາເປັນເຈົ້າຂອງບໍລິສັດ ຜະລິດສົ້ມໝູ ຂຽບໝູແລະອາຫານ
ພື້ນເມືອງລາວອື່ນໆ ຢູ່ທີ່ນະຄອນ Dallas ລັດ Texas ແລະສົ່ງ
ອອກຂາຍຕາມຕະຫລາດ ຢູ່ທົ່ວສະຫະລັດ. ຊິວິດຄວາມເປັນມາ ຂອງທ່ານຄູນ ພັດທະນາ
ເປັນຢ່າງໃດນັ້ນ ກິ່ງສະຫວັນ ຈະນຳມາສະເໜີທ່ານໃນອັນດັບຕໍ່ໄປ.
Your browser doesn’t support HTML5
ເຊີນຟັງ ການສຳພາດ ທ່ານທອງຄູນ ພັດທະນາ ເຈົ້າຂອງຮ້ານຜະລິດສົ້ມໝູລາວ
ສະບາຍດີ ທ່ານຜູ້ຟັງທີ່ເຄົາລົບ ພົບກັນອີກຕາມນັດໝາຍ ກັບລາຍການຊີວິດຊາວ ປະຈຳ
ວັນພະຫັດ. ມື້ນີ້ ຂ້າພະເຈົ້າ ຈະນຳພາທ່ານໄປ ຢ້ຽມຢາມຖາມຂ່າວ ທ່ານທອງຄູນ ພັດທະ
ນາ ລູກຫລານເຊື້ອສາຍລາວ-ອາເມຣິກັນ ສຳເລັດການສຶກສາຝ່າຍ ວິສະວະກອນ ເຄີຍໄດ້ນຳໃຊ້ວິຊາທີ່ໄດ້ຮຽນມາ ຮັບໃຊ້ປະຊາຄົມລາວ-ອາເມຣິກັນ ໂດຍອອກແບບສິນລະປະ
ການປຸກວັດວາອາຮາມ. ຫລັງຈາກນັ້ນຕໍ່ມາ ທ່ານທອງຄູນ ໄດ້ມີແນວຄິດປະດິດຄິດສ້າງ
ຂຶ້ນມາໃໝ່ ທ່ານໄດ້ເດີນ ທາງໄປສຶກສາທີ່ປະເທດຈີນ ຮຽນຮູ້ກ່ຽວກັບການປູກຕົ້ນໄມ້ໄຜ່
ເພື່ອນຳເອົາມາເຮັດແຜ່ນໄມ້ປູພື້ນເຮືອນ. ທ່ານໄດ້ລົງທຶນກັບຊາວຈີນ ເລີ້ມເຮັດສວນປູກ
ໄມ້ໄຜ່ຢູ່ໃນ ສປປ ລາວ. ຫລັງຈາກນັ້ນຕໍ່ມາ ທ່ານໄດ້ຂາຍໃຫ້ແກ່ນັກລົງທຶນຈີນ ແລ້ວກັບ
ຄືນມາຢູ່ ສະຫະລັດ ອາເມຣິກາ ຄືນຄືເກົ່າ. ບັດນີ້ໄດ້ເລີ້ມບໍລິຫານ ບໍລິສັດເຮັດສົ້ມໝູ
ຂຽບໝູ ໃສ້ອົ່ວ ແລະອາຫານພື້ນເມືອງລາວຕ່າງໆຢູ່ທີ່ນະຄອນ Dallas ລັດ Texas ແລະ
ສົ່ງອອກຈຳໜ່າຍຕາມຕະຫລາດຕ່າງໆ ຢູ່ໃນສະຫະລັດ ໃນຂະນະປັດຈຸບັນນີ້.
ຂຽບໝູກອບ
ສົ້ມໝູ ແລະຂຽບໝູ ແມ່ນອາຫານພື້ນເມືອງເອເຊຍ ຊະນິດໜຶ່ງ
ທີ່ມີຄວາມນິຍົມຮັບປະທານກັນທີ່ສຸດຢູ່ໃນ ສະຫະລັດ. ຖ້າຫາກ
ທ່ານເຂົ້າໄປຮ້ານຄ້າ ຕະຫລາດເອເຊຍ ທ່ານຈະບໍ່ຜິດຫວັງ ແລະ
ຈະສັງເກດເຫັນຫໍ່ຂຽບໝູ ແລະສົ້ມໝູ ຂຽນເປັນພາສາລາວ ແລະ
ອັງກິດ ວາງຂາຍຊຶ່ງຜະລິດຕະພັນເຫລົ່ານີ້ ແມ່ນຝີມືຂອງຄົນລາວ
ເປັນເຈົ້າຂອງຢູ່ໃນຫລາຍໆລັດ ໃນສະຫະລັດ. ການຜະລິດສົ້ມ
ໝູ ແລະຂຽບໝູອອກຂາຍດັ່ງກ່າວນີ້ ຕ້ອງມີຂັ້ນຕອນ ມີໃບອະນຸ
ຍາດ ແລະຮຽນຮູ້ພື້ນຖານດ້ານອະນາໄມ ຄວາມປອດໄພຂອງ
ອາຫານ ແລະສິ່ງແວດລ້ອມອື່ນໆ.
ບັດນີ້ເຮົາມາຟັງການໂອ້ລົມກັບ ທ່ານທອງຄູນວ່າ ການດຳລົງຊີວິດໃນເບື້ອງຕົ້ນຂອງການ
ເປັນນັກວິສະວະກອນ ມາເປັນນັກຄົ້ນຄວ້າການຄ້າປູກຕົ້ນໄມ້ໄຜ່ ກ່ອນຈະໄດ້ກາຍມາເປັນຜູ້ຊ່ຽວຊານຜະລິດສົ້ມໝູ ຂຽບໝູ ແລະອາຫານພື້ນເມືອງລາວອື່ນໆອອກຂາຍຢູ່ຕາມ
ຕະຫລາດໃນ ສະຫະລັດ ຊຶ່ງທ່ານຄູນ ໄດ້ກ່າວຕໍ່ ວີໂອເອ ດັ່ງນີ້ :
ໄສ້ອົ່ວໝູ ປິ້ງແລ້ວນໍ້າມັນຍ້ອຍອອກມາ ແຊບອີຫລີ
Your browser doesn’t support HTML5
ເຊີນຟັງ ການສຳພາດ ທ່ານທອງຄູນ ພັດທະນາ 1
ຫລັງຈາກທ່ານທອງຄູນ ໄດ້ກັບຄືນມາ ສະຫະລັດ ທ່ານໄດ້ສຶກສາເລີ້ມເປີດທຸລະກິດ ບໍລິ
ສັດເຮັດສົ້ມໝູ ຂຽບໝູ ແລະອາຫານພື້ນເມືອງລາວ ຫລາຍຊະນິດ ອອກຂາຍຢູ່ທົ່ວ ສະຫະ
ລັດ ທ່ານທອງຄູນ ໄດ້ເລົ່າເຖິງຂັ້ນຕອນຕ່າງໆຂອງການຜະລິດ ການບໍລິຫານ ລາຄາ ແລະການສົ່ງໃຫ້ເຖິງຈຸດໝາຍຂອງຜູ້ບໍລິໂພກດັ່ງນີ້ :
ບັນດາພະນັກງານ ກຳລັງຫໍ່ສົ້ມໝູ
Your browser doesn’t support HTML5
ເຊີນຟັງ ການສຳພາດ ທ່ານທອງຄູນ ພັດທະນາ 2
ທຸລະກິດທຸກໆຢ່າງຢູ່ໃນ ສະຫະລັດ ຕ້ອງມີການແຂ່ງຂັນກັນ ໃຊ້ເວລາທົດລອງ ຕ້ອງມີ
ຄວາມມານະອົດທົນ ກ່ອນຈະເຫັນຜົນສຳເລັດ ທ່ານທອງຄູນ ໄດ້ບໍລິຫານວຽກງານດັ່ງ
ກ່າວມາໄດ້ປີປາຍແລ້ວ ແລະໄດ້ ກ່າວສະຫລຸບກ່ຽວກັບທຸລະກິດຂອງທ່ານດັ່ງນີ້ :
ທ່ານທອງຄູນ ພັດທະນາ ແລະພັນລະຍາ ຍານາງຣາຊນີ ກາແກ້ວ ເຈົ້າຂອງບໍລິສັດ Lao Chareun Foods.
Your browser doesn’t support HTML5
ເຊີນຟັງ ການສຳພາດ ທ່ານທອງຄູນ ພັດທະນາ 3
ຫໍ່ສົ້ມໝູ ທີ່ຕຽມສົ່ງອອກໄປໃຫ້ຜູ້ສັ່ງຊື້
ທ່ານຜູ້ຟັງທີ່ເຄົາລົບ ກະລຸນາຢ້ຽມຢາມ ແວັບໄຊທ໌ ຂອງວີໂອເອ
ເພື່ອຕິດຕາມເບິ່ງຮູບພາບ ການຜະລິດສົ້ມໝູ ຂຽບໝູ ແລະອາ
ຫານພື້ນເມືອງລາວຕ່າງໆຂອງ ທ່ານທອງຄູນ ພັດທະນາ ແລະ
ຍານາງຣາຊນີ ກາແກ້ວ. ຢ່າລືມອຸດໜູນຜະລິດຕະພັນ ລາວ-
ອາເມຣິກັນ ແລະສັ່ງຊື້ມາຊີມໄດ້.