ໃນລາຍການຊີວິດຊາວລາວໃນຕ່າງແດນແລງມື້ນີ້ ເຮົາຈະພາທ່ານໄປພົບກັບຄອບຄົວ ທ່ານແກ້ວ ບຸນຄົງ ນັກປູກຝັງມືອາຊີບ ຢູ່ທີ່ເມືອງ Fresno ລັດ California ທາງພາກຕາ ເວັນຕົກ ຂອງສະຫະລັດ. ການປູກຝັງ ເຮັດຮົ້ວເຮັດ ສວນ ຍັງເປັນຊີວິດວິດໃຈຂອງຊາວ ອາເມຣິກັນເຊື້ອສາຍລາວຈຳນວນນຶ່ງ ທີ່ພາກັນປູກຜັກຢູ່ຕາມບ້ານເຮືອນ ເພື່ອເປັນການ ພັກຜ່ອນຢ່ອນອາລົມ. ແຕ່ວ່າຄອບ ຄົວທ່ານແກ້ວ ບຸນຄົງ ເປັນຊາວສວນມືອາຊີບທີ່ໄດ້ ຂາຍຍົກຜົນລະປູກຂອງເຂົາເຈົ້າ ອອກສູ່ຕະຫລາດທາງພາກຕາເວັນຕົກຂອງສະຫະລັດ. ຄວາມເປັນມາຂອງຄອບທ່ານແກ້ວ ບຸນຄົງ ເປັນຢ່າງໃດນັ້ນ ກິ່ງສະຫວັນຈະນຳມາສະເໜີທ່ານໃນອັນດັບຕໍ່ໄປ.
Your browser doesn’t support HTML5
ຟັງການສຳພາດ ທ່ານແກ້ວ ບຸນຄົງ
ສະບາຍດີທ່ານຜູ້ຟັງທີ່ເຄົາລົບ ໃນລາຍການຊີວິດຊາວລາວມື້ນີ້ ເຮົາຈະພາທ່ານໄປຢ້ຽມ ຢາມສວນຂອງຄອບຄົວທ່ານແກ້ວ ບຸນຄົງ ຄົນອາເມຣິກັນເຊື້ອສາຍລາວ ນັກປູກຝັງມື ອາຊີບ ທີ່ເມືອງ Fresno ໃນລັດ California ໂດຍໄດ້ຮັບ ການປະສານງານຊຸກຍູ້ ຈາກ ອົງການ Food Commons ຊຶ່ງເປັນອົງການສົ່ງເສີມບັນດາຊາວສວນ ເພື່ອນຳເອົາຜົນ ລະປູກສົດໆອອກຂາຍຕະຫລອດປີ ແກ່ຜູ້ບໍລິໂພກຢູ່ໃນເຂດນະຄອນ San Francisco ແລະນະຄອນ Los Angeles ລັດ California ບ່ອນທີ່ມີຊາວເອເຊຍ ແລະຄົນເຊື້ອຊາດ ຕ່າງໆ ພາກັນອາໄສຢູ່ຢ່າງຫລວງຫລາຍ. ເມືອງ Fresno ມີປະຊາກອນຢູ່ຫ້າຮ້ອຍກວ່າ ພັນຄົນ ຕັ້ງຢູ່ລະຫວ່າງກາງ ນະຄອນ Los Angeles ແລະນະຄອນ San Francisco.
ໃນປີ 2012 ບັນດາຜູ້ນຳດ້ານທຸລະກິດ ນັກວິຊາການ ແລະສະມາຊິກປະຊາຄົມຕ່າງໆໄດ້ພາກັນເຫັນພ້ອມກັບສາຍຕາຂອງອົງການ Food Commons ແລະ ໄດ້ເຊື້ອເຊິີນເອົາ ອົງການດັ່ງກ່າວ ມາໃຫ້ການຊ່ວຍເຫລືອ. ພວກເຂົາເຈົ້າພາກັນເຮັດວຽກກັບສ່ວນບຸກຄົນ ແລະອົງການຈັດຕັ້ງຕ່າງໆໃນເມືອງ Fresno ລັດ California ເພື່ອອອກແບບ ແລະໃຫ້ໄດ້ຮັບຜົນຢ່າງເປັນທີ່ໜ້າພໍໃຈ ໂດຍລະບົບການປູກຝັງ ຂອງອົງການ Food Commons ຢູ່ທີ່ນີ້ ເພື່ອພິສູດໃຫ້ເຫັນ ເຖິງແນວຄິດ ແລະເປັນກົງຈັກເສດຖະກິດ ການພັດທະນາ ສ້າງ
ວຽກເຮັດງານທຳ ແລະອາຫານທີ່ມີສຸຂະພາບຢູ່ໃນຂົງເຂດ. ນີ້ແມ່ນອົງການຈັດຕັ້ງເອກກະຊົນເພື່ອ ປະສານງານກັບບັນດາຊາວສວນ ຢູ່ໃນເຂດເມືອງ Fresno ລັດ California ບ່ອນປູກຝັງທີ່ມິີຊື່ສຽງແຫ່ງນຶ່ງຂອງສະຫະລັດ ຊຶ່ງຊາວກະສິກອນມີທັງຄົນອາເມ ຣິກັນ ແລະຄົນອາເມຣິກັນເຊື້ອສາຍລາວຫລາຍໆຄົນ ທີ່ມັກປູກຝັງກຳລັງພາກັນຊື່ນຊົມກັບການ ຫາຢູ່ຫາກິນຢູ່່ໃນດິນແດນແຫ່ງນີ້. ບັດນີ້ເຮົາມາທຳຄວາມເຂົ້າໃຈ ກັບຄອບຄົວແກ້ວ ບຸນ ຄົງ ວ່າເປັນມາຢ່າງໃດ.
ທ່ານແກ້ວ ບຸນຄົງ ເກີດທີ່ແຂວງສະຫວັນນະເຂດ ປະເທດລາວ ທ່ານເປັນອະ ດີດທະຫານກອງທັບແຫ່ງພະລາດຊະອານາຈັກລາວ ເຄີຍໄດ້ໄປສຳມະນາທີ່ເມືອງພິນ ຫລັງຈາກນັ້ນ ໄດ້ເຂົ້າມາຕັ້ງຖິ່ນຖານຢູ່ໃນສະຫະລັດ ໃນປີ 1979. ທ່ານໄດ້ປະກອບອາຊີບຫລາຍຢ່າງ ແລະຫລາຍລັດກ່ອນຈະກາຍມາເປັນຊາວກະສິກອນປູກຝັງຢູ່ເມືອງ Fresno. ໃນຕອນ ເລີ້ມຕົ້ນ ທ່ານຕ້ອງໄດ້ເຊົ່າດິນ 1 ເຮັກຕາແຕ່ຕໍ່ມາເພີ້ມຂຶ້ນເປັນ 5 ເຮັກຕາ ເປັນບ່ອນປູກ ຝັງ ຫລັງຈາກໝົດອາຍຸ ແລ້ວ ເຈົ້າຂອງດິນບໍ່ຍອມຕໍ່ສັນຍາ ດ້ວຍເຫດນີ້ເອງທ່ານໄດ້ຕັ້ດ ສິນໃຈຊື້ດິນ 20 ເຮັກຕາເປັນຂອງຕົນເອງ. ທ່ານໄດ້ໂອ້ລົມກັບຊີວິດເບື້ອງຕົ້ນຂອງການ ເປັນຊາວ ສວນສູ່ ວີໂອເອ ຟັງດັ່ງນີ້
ທ່ານແກ້ວ ບຸນຄົງ ແລະພັນລະຍາ
Your browser doesn’t support HTML5
ເຊີນຟັງການສຳພາດ ທ່ານແກ້ວ ບຸນຄົງ 1
ຊີວິດກະສິກອນປູກຝັງເປັນວຽກໃຫຍ່ ມີຄວາມຮັບຜິດຊອບສູງ ແລະຕ້ອງໄດ້ ເຮັດວຽກ ຕະຫລອດປີ. ທ່ານແກ້ວ ບຸນຄົນ ໄດ້ເລົ່າເຖິງຄວາມຮັບຜິດຊອບຫລັງຈາກລະດູເກັບກ່ຽວ ຕໍ່ໄປອີກວ່າ :
ທ່ານແກ້ວ ກຳລັງລົກຫົວຜັກກາດຂາວ
Your browser doesn’t support HTML5
ເຊີນຟັງການສຳພາດ ທ່ານແກ້ວ ບຸນຄົງ 2
ທ່ານແກ້ວ ບຸນຄົງ ປັດຈຸບັນອາຍຸໄດ້ 59 ປີແລ້ວ ເປັນກະສິກອນປູກຝັງມາໄດ້ຫລາຍສິບປີ ແລ້ວ ແລະຍັງຈະດຳເນີນຢູ່ຕໍ່ໄປອີກ ຈົນກວ່າວ່າ ທ່ານຈະບໍ່ມີເຫື່ອແຮງ. ທ່ານໄດ້ກ່າວມ້ວນທ້າຍຕໍ່ວີໂອເອ ດັ່ງນີ້ :
ທ່ານແກ້ວກຳລັງເກັບໝາກເຂືອຫຳມ້າ
Your browser doesn’t support HTML5
ເຊີນຟັງການສຳພາດ ທ່ານແກ້ວ ບຸນຄົງ 3
ທ່ານແກ້ວບຸນຄົງ ແລະພັນລະຍາ ມີລູກດ້ວຍກັນຫົກຄົນ ທັງໝົດເກີດຢູ່ໃນສະຫະລັດ ປັດ ຈຸບັນເຂົ້າເຈົ້າໄດ້ຍົກຍ້າຍໄປຢູ່ຫລາຍແຫ່ງ ແລະລູກຊາຍກົກກຳລັງຮັບໃຊ້ຢູ່ໃນກອງທັບ ສະຫະລັດ. ທ້າວ Joe ພຣະວໍຣະຈິດ ແມ່ນລູກຊາຍຄົນທີສອງຢູ່ໃກ້ກັບພໍ່ແມ່ ແລະໄດ້ມາ ຊ່ວຍພໍ່ແມ່ ເປັນບາງຄັ້ງບາງຄາວ. ຢູ່ໃນວີດີໂອປະກອບລາຍງານນີ້ ທ້າວ Joe ໄດ້ກ່າວວ່າ
Your browser doesn’t support HTML5
ເຊີນຟັງການສຳພາດ ທ້າວ Joe ພຣະວໍຣະຈິດ
“ເວລາພໍ່ລາວຢູ່ເມືອງລາວ ແມ່ຂອງລາວມີສວນງາມ ແລະແມ່ລາວໄດ້ສິດສອນໃຫ້ພໍ່ ລາວ ຮູ້ຈັກວິທີປູກຝັງ ເວລາລາວໄດ້ມາຮອດເມືອງ Freshno ໃນຕົ້ນປີ 1990 ພໍ່ລາວ ກໍໄດ້ເລີ້ມປູກຝັງ. ໃຊ້ໜ້າດິນໜຶ່ງເຮັກຕາ ແລ້ວເພີ້ມຂຶ້ນມາເປັນ ຫ້າເຮັກຕາ ແລະບັດນີ້ິ ມີຢູ່ຊາວເຮັກຕາ. ຫລັງຈາກຂ້າພະເຈົ້າຈົບຈາກໂຮງຮຽນໃນປີ 2010 ຂ້າພະເຈົ້າໄດ້ ຕັດສິນໃຈມາຊ່ວຍເຂົາເຈົ້າ ເພື່ອຊ່ວຍໃຫ້ໄດ້ພັກ ຜ່ອນເລັກນ້ອຍ. ໃນການຊື້ທີ່ດິນແຫ່ງ ນີ້ ມັນໄດ້ຊ່ວຍພວກຂ້າພະເຈົ້າຢ່າງໃຫຍ່ຫລວງ ໂດຍທີ່ບໍ່ຕ້ອງມີຄວາມເປັນຫ່ວງວ່າຈະ ຖືກໄລ່ໜີ ຫລັງຈາກສັນຍາເຊົ່າດິນໝົດອາຍຸ ຊຶ່ງຊາວກະສິກອນປູກຝັງສ່ວນໃຫຍ່ມີ ສັນຍາຫ້າປີ ແລະໃນລະຍະຫ້າປີນັ້ນ ເຮົາສາມາດປູກຝັງໃຫ້ຫລາຍເທົ່າທີ່ຈະຫລາຍ ໄດ້.ເນື້ອທີ່ດິນເທື່ອກ່ອນນັ້ນ ພວກເຮົາມີສັນຍາຢູ່ສາມປີ ຫລັງຈາກສັນຍາໝົດລົງ ເຈົ້າຂອງ ດິນກ່າວວ່າ ພວກເຮົາບໍ່ສາມາດ ເຊົ່າໃໝ່ໄດ້ອີກ ດ້ວຍຄວາມຮັກ ທີ່ໄດ້ ຖະນຸຖະໜອມທີ່ດິນສວນ ມັນໄດ້ສ້າງຄວາມເຈັບປວດໃຫ້ແກ່ຄອບຄົວ ແລະພວກເຮົາ ຕ້ອງໄດ້ຊອກຫາບ່ອນປູກຝັງແຫ່ງໃໝ່ ແລະຕ້ອງໄດ້ປັບປຸງພັດທະນາທີ່ດິນໃຫ້ດີຂຶ້ນ.
ຕົກມາເຖິງຕອນນີ້ເປັນດິນຂອງພວກເຮົາເອງ ແລະພວກເຮົາບໍ່ມີຄວາມເປັນຫວ່ງວ່າ ຈະມີຜູ້ໃດຜູ້ໜຶ່ງມາເອົາດິນຂອງພວກເຮົາແລະພວກເຮົາສາມາດທີ່ຈະປູກຜົນລະປູກ ຊະນິດຕ່າງໆໄດ້ຕາມໃຈມັກ. ຜົນລະປູກທີ່ສຳຄັນຂອງພວກເຮົາມີໝາກແຕງ ທີ່ຮ້ອງ ວ່າ condura ໝາກຜັກໄສ່ ພວກເຮົາມີໝາກເພັດສີ່ຊະນິດຄື ໝາກເພັດຈີນ ໝາກເພັດ ໄທ ແລະໝາກເພັດອິນເດຍອີກ ສອງຊະນິດ. ພວກເຮົາໄດ້ເທເຫື່ອແຮງດ້ວຍຄວາມ ຮັກໃສ່ສວນຂອງພວກເຮົາ. ພວກເຮົາພະຍຍາມບໍ່ໃຊ້ປຸຍຫລາຍ ແລະໃຊ້ຢາຂ້າແມງ ໄມ້ຫລາຍເກີນໄປ ພວກເຮົາພະຍາ ຍາມຟັງເບິ່ງວ່າເຄື່ອງປູກຂອງຝັງຂອງພວກເຮົາ ມັກແນວໃດ ນີ້ແມ່ນທຸລະກິດ ແລະ ການບໍລິຫານຂອງຄອບຄົວ ແລະມັນເປັນໜ້າສົນ ໃຈທີ່ໄດ້ມາຮ່ວມຊ່ວຍພໍ່ຂອງຂ້າພະເຈົ້າ. ຄົນຈະຕ້ອງພາກັນກິນຖ້າຫາກ ເຮົາສາມາດ ຜະລິດອາຫານໃຫ້ເຂົາເຈົ້າໄດ້ ເຮົາ ສາມາດຜະລິດອາຫານໃຫ້ຊາວໂລກໄດ້ ຂ້າພະ ເຈົ້າຊື່ວ່າ Joe ພຣະວໍຣະຈິດ ແລະພວກເຮົາປູກຝັງຢູ່ຫລັງບ້ານຂອງພວກເຮົາ.”
ທ່ານຜູ້ຟັງທີ່ເຄົາລົບ ໂປດຢ່າລືມເຂົ້າໄປເບິ່ງ ເວັບໄຊວີໂອເອ ເບິ່ງວີດີໂອ ທີ່ໜ້າສົນໃຈ ກ່ຽວກັບ ສວນຜົນລະປູກ ຂອງທ່ານແກ້ວ ບຸນຄົງ ຢູ່ໃນລາຍງານເລື້ອງນີ້.