ໃນລາຍການຊີວິດຊາວລາວ ປະຈຳແລງວັນພະຫັດຂອງວີໂອເອ
ມື້ນີ້ ເຮົາຈະນຳເອົາການສຳພາດ ກັບທ່ານກອງປະກັນ ຣາຊພົນ
ແລະທ່ານຄຳຜາຍ ສູນນະລາດ ອາຊີບຂັບລົດ Taxi ສະມາຊິກ
ປະຊາຄົມ ລາວ-ຝຣັ່ງ ທີ່ນະຄອນຫລວງປາຣີ ມາສະເໜີທ່ານ
ກ່ຽວກັບຄວາມວຸ້ນວາຍຈາກກໍ່ການຮ້າຍ ທີ່ໄດ້ເກີດຂື້ນໃນວັນສຸກ
ທີ 13 ອາທິດແລ້ວນີ້ເຮັດໃຫ້ຫຼາຍກວ່າ 120 ຄົນເສຍຊີວີດ ແລະອີກຫລາຍຮ້ອຍຄົນໄດ້ຮັບບາດເຈັບ.ຄວາມວຸ້ນວາຍໃນນະຄອນປາຣີ ຍັງດຳເນີນ ຢູ່ໃນຂະນະນີ້. ທ່ານກອງປະກັນ ແລະທ່ານຄຳຜາຍ ຜູ້ໃຊ້ຊີວິດຂັບລົດ taxi ຢູ່ຕາມຖະໜົນຫລວງໃນນະຄອນຫລວງປາຣີແຕ່ລະວັນໄດ້ເຫັນເຫດການຕ່າງໆ ຊຶ່ງເຮົາຈະນຳເອົາທັດສະນະຄວາມຄິດເຫັນ ກ່ຽວກັບເຫດການດັ່ງກ່າວມາສະເໜີທ່ານ. ເຊີນພົບກັບ ກິ່ງສະຫວັນ ໄດ້ໃນອັນດັບ
ຕໍ່ໄປ.
Your browser doesn’t support HTML5
ເຊິນຟັງການສຳພາດ ທ່ານກອງປະກັນ ຣາຍພົນ ແລະ ທ່ານຄຳຜາຍ ສູນນະລາດ ທີ່ ນະຄອນຫລວງປາຣີ
ທົ່ວໂລກ ໄວ້ອາໄລ ການໂຈມຕີ ຢູ່ຝຣັ່ງ
ບັນດາທ່ານທີ່ຕິດຕາມຟັງຂ່າວໂລກຄົງຮູ້ດີວ່າ ນະຄອນຫລວງປາຣີ ປະເທດຝຣັ່ງ ກຳລັງ
ຕົກ ຢູ່ພາຍໃຕ້ວິກິດການ ກໍ່ການຮ້າຍທີ່ຮ້າຍແຮງສຸດໃນປະວັດສາດຝຣັ່ງ ທີ່ເລີ້ມຂື້ນໃນ
ວັນສຸກ ທີ 13 ເດືອນພະຈິກ ເຮັດໃຫ້ມີຜູ້ເສຍຊີວິດເຖິງ 129 ຄົນ ແລະໄດ້ຮັບບາດເຈັບ
ໜັກ ຫລາຍຮ້ອຍຄົນ. ຄວາມວຸ້ນວາຍ ແລະການກວດລ້າງຈາກເຈົ້າໜ້າທີ່ຕຳຫລວດ
ຍັງກຳລັງດຳເນີນຢູ່ໃນຂະນະ ນີ້ ເພາະສະນັ້ນ ເຮົາຈະນຳເອົາການສຳພາດຈາກ ພີ່ນ້ອງເຊື້ອສາຍລາວຜູ້ທຳມາຫາກິນ ຢູ່ໃນນະຄອນຫລວງປາຣີ ທີ່ຢູ່ໃກ້ຊິດກັບເຫດການດັ່ງກ່າວມາເລົ່າສູ່ ຟັງ ແຕ່ກ່ອນອຶ່ນເຮົາມາທຳຄວາມເຂົ້າໃຈກັບສິ່ງແວດລ້ອມຂອງ ນະຄອນ
ຫລວງປາຣີເມືຶອງທີ່ມີຊື່ສຽງໃນໂລກໜ້ອຍໜຶ່ງເສຍກ່ອນ.
Your browser doesn’t support HTML5
Tourists in Paris Voice Support for City After Attacks
ປາຣີ ນະຄອນຫລວງຂອງປະເທດຝຣັ່ງ ເປັນເມືອງທີ່ມີປະຊາກອນອາໄສຢູ່ຢ່າງໜາແໜ້ນ
ປະມານ 2 ລ້ານ ສາມແສນກວ່າຄົນ ເປັນເມືອງທີ່ມີຊື່ສຽງ ບໍ່ມີການລັບນອນ ຮູ້ກັນອີກວ່າ
ເປັນເມືອງແສງໄຟ ໂດຍສະເພາະຢ່າງຍິງເປັນເມືອງງົດ ງາມເຕັມໄປດ້ວຍຕຶກອາຄານ
ຫໍພິພິດທະພັນ ໂບດເກົ່າແກ່ ການອອກແບບເຄຶ່ອງນຸ່ງ ແລະການປຸງແຕ່ງອາຫານທີ່ໜ້າ
ຮັບປະທານຂອງໂລກ. ນະຄອນຫລວງປາຣີ ມີເນື້ອທີ່ຢູ່ 12,012 ຕະລາງກິໂລແມດ ຫລື
4,638 ຕະລາງໄມລ ມີນັກທ່ອງທ່ຽວມາຢ້ຽມຢາມຫລາຍກວ່າ 22 ລ້ານຄົນໃນແຕ່ລະປີ.
ໃນລະຍະຫົກເດືອນທີ່ຜ່ານມານີ້ ນະຄອນຫລວງປາຣີ ໄດ້ກາຍມາເປັນເປົ້າໝາຍ ຂອງ
ການໂຈມຕີ ໂດຍສະເພາະຈາກພວກຫົວຮຸນແຮງມຸສລິມ ທີ່ພາກັນອາໄສຢູ່ຢ່າງຫລວງ
ຫລາຍ ຊຶ່ງເຂົາເຈົ້າບໍ່ເຫັນດີກັບເສລີພາບການຂີດຂຽນປາກເວົ້າ ຄັດແຍ້ງດ້ານວັດທະນາ
ທຳ ທີ່ບໍ່ໃຫ້ຜູ້ຍິງມຸສລິມເອົາຜ້າປົກຫົວອັດໜ້າເຫັນແຕ່ຕາ ແລະຄັດແຍ້ງກັບການດຳລົງຊີ
ວິດຕ່າງໆຂອງປະເພນີປະເທດຕາເວັນຕົກ. ໜຶ່ງອາທິດທີ່ຜ່ານມານີ້ ນະຄອນຫລວງປາຣີ ໄດ້ເພີ້ມການປະເຊີນໜ້າກັບ ວິກິດການໃໝ່ທີ່ຮ້າຍແຮງສຸດ ພວກກໍ່ການຮ້າຍໄດ້ວາງ
ແຜນຍິງສັງຫານຜູ້ຄົນ ວາງລະເບີດຢູ່ເດີ່ນກິລາ ແລະຢູ່ຮ້ານອາຫານ ເຮັດໃຫ້ມີຜູ້ເສຍຊີ
ວິດ ເຖິງ 129 ຄົນ ແລະໄດ້ຮັບບາດເຈັບໜັກຫລາຍຮ້ອຍຄົນ. ພວກກໍ່ການຮ້າຍທີ່ຮູ້ກັນ
ວ່າ ISIL ຫລື ລັດອິສລາມ ໄດ້ອ້າງເອົາຄວາມຮັບຜິດຊອບຂອງການໂຈມຕີດັ່ງກ່າວ
ເນື່ອງຈາກວ່າ ຝຣັ່ງພົວພັນກັບການໂຈມຕີຖິ້ມລະເບີດ ທີ່ນຳພາໂດຍສະຫະລັດ ເພື່ອສູ້ລົບກວດລ້າງຕ້ານ ລັດອິສລາມໃນ ອີຣັກ ແລະຊີເຣຍ.
ພາບເດັ່ນ ປະຈຳ ວັນທີ 16 ພະຈິກ 2016
ໃນການດຳລົງຊີວິດຢູ່ໃນມໍລະສູມ ແລະເຫັນເຫດການດັ່ງກ່າວນີ້ ກໍມີພີ່ນ້ອງເຊື້ອສາຍລາວ
ທ່ານກອງປະກັນ ຣາຊພົນ ແລະທ່ານຄຳຜາຍ ສູນນະລາດ ປະກອບວິຊາອາຊີບເປັນຄົນຂັບລົດ taxi ຂົນສົ່ງຜູ້ໂດຍສານ ລະຫວ່າງເດີ່ນເຮືອບິນ Orly ແລະ Charles de Gaulle
ແລະຮູ້ທຸກຮ່ອມທຸກແຈຂອງນະຄອນຫລວງປາຣີ. ທ່ານກອງປະກັນ ໄດ້ເລົ່າຄວາມຮູ້ສຶກ ພາຍໃຕ້ຄວາມວຸ້ນວາຍໃນ ນະຄອນ ຫລວງປາຣີ ສູ່ ວີໂອເອ ຟັງວ່າ :
ທ່ານກອງປະກັບ ຣາຊພົນ
Your browser doesn’t support HTML5
ເຊີນຟັງ ການສຳພາດ ທ່ານກອງປະກັນ ຣາຊພົນ
ທ່ານຄຳຜາຍ ສູນນະລາດ ອະດີດນັກສຶກອົບຮົມຄູດົງໂດກ ທີ່ໄດ້ເຂົ້າມາຕັ່ງຖິ່ນຖານຕັ້ງແຕ່
ປີ 1975 ທ່ານກໍແມ່ນສະມາຊິກປະຊາຄົມລາວ-ຝຣັ່ງ ຄົນໜຶ່ງ ທີ່ທຳມາຫາກິນເປັນຄົນຂັບ
ລົດ taxi ສົ່ງຜູ້ໂດຍສານເຂົ້າ ແລະອອກນະຄອນຫລວງປາຣີ ທ່ານໄດ້ເລົ່າເຫດການສູ່ຟັງ
ດັ່ງນີ້ :
ທ່ານຄຳຜາຍ ສູນນະລາດ
Your browser doesn’t support HTML5
ເຊີນຟັງ ການສຳພາດ ທ່ານຄຳຜາຍ ສູນນະລາດ
ນັ້ນແມ່ນພາກສ່ວນໜຶ່ງຂອງ ການໃຊ້ຊີວິດທຳມາຫາກິນຂອງ ຊາວລາວ ສັນຊາດຝຣັ່ງ ທີ່
ນະຄອນຫລວງປາຣີ ເຖິງແມ່ນວ່າ ຈະເກີດຄວາມວຸ້ນວາຍກໍ່ຕາມ ແຕ່ການທຳມາຫາກິນ
ກໍຕ້ອງໄດ້ດຳເນີນຢູ່ຕໍ່ໄປ.
Your browser doesn’t support HTML5
Police Raid Paris Suburb as Manhunt Continues