ໃນລາຍການຊີວິດຊາວລາວມື້ນີ້ ເຮົາຈະສະເໜີການສຳພາດກັບ ບັນດານັກເຄື່ອນໄຫວ ອາເມຣິກັນເຊື້ອສາຍລາວກຸ່ມນຶ່ງຊື່ວ່າ Free Lao Campaign ຫລືອົງການລາວເສລີທີ່ ໄດ້ມາຮ້ອງທຸກ ຕໍ່ສະພາສະຫະລັດ ກ່ຽວກັບສະພາບການປົກຄອງ ໂດຍສະເພາະ ດ້ານ ສິດທິມະນຸດ ການຄ້າມະນຸດ ຢາເສບຕິດ ເສລີພາບດ້ານສາສະໜາ ແລະອຶ່ນໆ ຢູ່ໃນ ສປປ ລາວ. ໃນວັນຈັນທີ 9 ສາມມື້ຜ່ານມານີ້ ເຂົາເຈົ້າໄດ້ມາເຕົ້າໂຮມກັນລາຍງານຢູ່ຕຶກ Cannon House ຊຶ່ງເປັນຕຶກນຶ່ງ ຂອງລັດຖະສະພາສະຫະລັດ ຫລັງຈາກນັ້ນກໍໄດ້ໄປ ປະທ້ວງຢູ່ຕໍ່ໜ້າສະຖານທູດ ສປປ ລາວ ຊຶ່ງ ກິ່ງສະຫວັນ ຈະນຳເອົາລາຍງານກ່ຽວກັບ ເລື້ອງນີ້ ມາສະເໜີທ່ານໃນອັນດັບຕໍ່ໄປ.
Your browser doesn’t support HTML5
ຟັງການສຳພາດ ອົງການລາວເສລີ ຍື່ນຄຳຟ້ອງຮ້ອງ ແລະປະທ້ວງ ສະຖານທູດ ສປປ ລາວ
ປ້າຍຄຳຂວັນປະທ້ວງ
ສະບາຍດີທ່ານຜູ້ຟັງທີ່ເຄົາລົບ ໃນຕອນເຊົ້າວັນຈັນ ທີ 9 ພຶດສະພາອາທິດນີ້ ໄດ້ມີຄະນະ ນັກເຄື່ອນໄຫວ ອົງການລາວເສລີຫລື Free Laos Campaign ມີສະມາຊິກເຂົ້າຮ່ວມ ທັງໝົດສິບທ່ານ ທີ່ໄດ້ເດີນທາງມາຈາກ ລັດ Oregon, Minnesota, Georgia ແລະ North Carolina ແລະຈາກເຂດວໍຊິງຕັນ ດີ. ຊີ. ກອງປະຊຸມນີ້ ເປີດກວ້າງໃຫ້ແກ່ທຸກໆ ຄົນ ມີຜູ້ເຂົ້າຮ່ວມທັງໝົດ 12 ທ່ານ. ຢູ່ໃນຫ້ອງປະຊຸມນ້ອຍໃນຕຶກ Cannon House ທີ່ວ່ານັ້ນ ມີບັນດາຜູ້ເຂົ້າຮ່ວມສີ່ທ່ານສັບປ່ຽນກັນກ່າວແຕ່ລະຫົວເລື້ອງ ແລະຈຳນວນນຶ່ງ ບໍ່ປະສົງຢາກໃຫ້ອອກຊື່. ເຂົາເຈົ້າພາກັນໃຊ້ສິດທິໃນການປາກເວົ້າ ນຳຮູບພາບການຂ້າ ຊາວຄຣິສຕຽນລາວ ທີ່ໜ້າສະຫຍອງຂວັນ ມາສະແດງໃຫ້ເຫັນ ຮ້ອງທຸກຕໍ່ສະພາສະຫະ ລັດ ໃນຄວາມເປັນຫ່ວງກ່ຽວກັບການປົກຄອງ ການເປັນຢູ່ຂອງປະຊາຊົນລາວ ໂດຍສະ ເພາະດ້ານສິດທິມະນຸດ ການຄ້າຢາເສບຕິດ ການຄ້າມະນຸດ ສິດເສລີພາບດ້ານສາສະ ໜາ ແລະຫົວເລື້ອງສຳຄັນອຶ່ນໆທີ່ເປັນບັນຫາຄ້າງຄາຢູ່ ດັ່ງທີ່ຍັງໄດ້ຍິນກັນ ຈາກບັນດາ ນັກເຄື່ອນໄຫວເຊື້ອສາຍລາວ ຢູ່ນອກປະເທດເລື້ອຍມາ. ກອງປະຊຸມດັ່ງກ່າວນີ້ໄດ້ຮັບຄວາມອຸບປະຖໍາ ຈາກຜູ້ແທນສະພາຕໍ່າ ທ່ານ Rob Wooddall ຈາກລັດ Georgia.
ອົງການລາວເສລີ ຜູ້ຈັດກອງປະຊຸມດັ່ງກ່າວ ເປັນອົງການໜຸ່ມນ້ອຍທີ່ໄດ້ຕັ້ງຂຶ້ນມາເມື່ອ ສິບປີກ່ອນ ໂດຍການນຳພາຂອງທ່ານ ໂຈ ຣັດຕະນະຄົມ ປັດຈຸບັນນີ້ຕັ້ງຖິ່ນຖານຢູ່ທີ່ລັດ Georgia. ທ່ານໄດ້ກ່າວຕໍ່ ວີໂອເອ ກ່ຽວກັບຈຸດປະສົງຂອງການມາປະທ້ວງຄັ້ງນີ້ວ່າ:
ທ່ານໂຈ ຣັດຕະນະຄົມ ປະທານອົງການລາວເສລີ
Your browser doesn’t support HTML5
ຟັງການສຳພາດທ່ານໂຈ ຣັດຕະນະຄົມ
ທ່ານກາຣະສາ ອິນຊີທອງ ລູກບ້ານຫລານເມືອງຈາກແຂວງສະຫວັນນະເຂດ ເດີນທາງມາຈາກລັດ Minnesota ທ່ານໄດ້ກ່າວຕໍ່ ວີໂອເອ ວ່າ :
ທ່ານກາຣະສາ ອິນຊີທອງ
Your browser doesn’t support HTML5
ຟັງການສຳພາດທ່ານ ກາຣະສາ ອິນຊີທອງ
ຍານາງແອນນາ ສົມວົງ ສະຕີອາເມຣິກັນເຊື້ອສາຍລາວຄົນດຽວທີ່ເດີນທາງມາຈາກລັດ Oregon ໄດ້ກ່າວເຖິງຈຸດປະສົງ ແລະຄວາມຕັ້ງໃຈຂອງການເສຍສະລະເວລາມາຮ່ວມ ດັ່ງນີ້ :
ນາງແອນນາ ສົມວົງ
Your browser doesn’t support HTML5
ຟັງການສຳພາດນາງແອນນາ ສົມວົງ
ອາຈານສອນສາສະໜາຄຣິສ ທ່ານຄອນ ພົມມະສານ ຈາກໂບດ The Mission Church
ທີ່ເມືອງ High Point ລັດ North Carolina ໄດ້ກ່າວຕໍ່ ວີໂອເອ ກ່ຽວກັບຄວາມເປັນຫ່ວງ ດ້ານສາສະໜາຢູ່ໃນ ສປປ ລາວ ວ່າ :
ອາຈານສອນສາສະໜາກຣິສ ທ່ານຄອນ ພົມມະສານ
Your browser doesn’t support HTML5
ຟັງການສຳພາດ ອາຈານຄອນ ພົມມະສານ
ສະຖານທູດ ສປປ ລາວ ທີ່ນະຄອນຫລວງ ວໍຊິງຕັນ.
ພາຍໃຕ້ດິນຟ້າອາກາດອັນປຽກຊຸ່ມຕອນສວາຍ ຂອງວັນດຽວກັນນີ້ ຢູ່ໜ້າສະຖານທູດ ສປປ ລາວ ບັນດາຜູ້ເຂົ້າຮວມກອງປະຊຸມຈຳນວນນຶ່ງ ກໍໄດ້ພາກັນຖືປ້າຍ ແລະທຸງຊາດ ຊ້າງສາມຫົວຮ້ອງໂຮ ລະບາຍຄວາມຮູ້ສຶກອອກມາ ໂດຍມີເຈົ້າໜ້າທີ່ຕຳຫຼວດຮັກສາສະ ຖານທູດຂອງສະຫະລັດ ຢືນສັງເກດຮັກສາຄວາມປອດໄພຢູ່. ທ່ານໂຈ ຣັດຕະນະຄົມ ຜູ້ນຳພາປະທ້ວງ ໄດ້ພະຍາຍາມນຳສົ່ງເອກກະສານ ເຄາະປະຕູສະຖານທູດ ສປປ ລາວ ແຕ່ບໍ່ໄດ້ຮັບຄຳຕອບ ແລະເຈົ້າໜ້າທີ່ ສະຖານທູດ ສປປ ລາວ ກໍບໍ່ໄດ້ສະແດງປະຕິກິລິຍາຫຽັງ ແລະບໍ່ໄດ້ ອອກຖະແຫລງໃດໆກ່ຽວກັບເລື້ອງນີ້. ການໃຊ້ສິດປະທ້ວງເປັນເວລາເກຶຶອບສອງຊົ່ວໂມງ ໄດ້ຜ່ານພົ້ນໄປດ້ວຍຄວາມສະຫງົບ ແລະເປັນທີ່ຮຽບຮ້ອຍດີ.