ວົງການທຸລະກິດການຄ້າຫວຽດນາມ ໄດ້ຮຽກຮ້ອງໃຫ້ ພາກັນ
ປະທ້ວງຂໍ້ວາບາດ ສິນຄ້າຄຸນນະພາບຕໍ່າ ແລະບໍ່ປອດໄພຂອງ
ຈີນ ທ່າມກາງຄວາມຮູ້ສຶກຕໍ່ຕ້ານຈີນທີ່ເພີ້ມທະວີ ຢູ່ໃນປະເທດ.
ການປຸກລະດົມ ທີ່ນຳພາໂດຍ ທ່ານ Vu Tien Loc ປະທານ
ສະພາການຄ້າ ແລະອຸດສາຫະກຳ ຂອງຫວຽດນາມ ຊຸກຍູ້ໃຫ້
ບັນດາຜູ້ບໍລິໂພກ ໃຊ້ສິນຄ້າທີ່ເຮັດຢູ່ໃນຫວຽດນາມ ເພື່ອເປັນ
ຊ່ອງທາງສະແດງໃຫ້ເຫັນ ຄວາມຈົງຮັກພັກດີຕໍ່ຊາດ ຕໍ່ໜ້າ
ການປະພຶດແບບຮຸກຮານຂອງຈີນ ຢູ່ທະເລຈີນໃຕ້.
ເຖິງຢ່າງໃດກໍດີ ທ່ານ Loc ໄດ້ກ່າວຕໍ່ ວີໂອເອພະແນກພາສາຫວຽດນາມ ວ່າ ທ່ານບໍ່
ໄດ້ຮ້ອງຂໍໃຫ້ຄົນ ປະທ້ວງຄັດຄ້ານສີນຄ້າຈີນທັງໝົດ ແຕ່ວ່າ ການຊື້ຜະລິດຕະພັນ ທີ່
ເຮັດຢູ່ປະເທດຂອງຕົນ ທີ່ມີລາຄາສົມຄວນ ແລະປອດໄພນັ້ນ ຄວນເປັນບຸລິມະສິດ.
ຫລາຍໆຄົນ ຮ່ວມທັງສະມາຊິກພັກຄອມມິວນິສ ໄດ້ຮຽກຮ້ອງໃຫ້ຫວຽດນາມ ຫລຸດຜ່ອນ
ການກາງຕໍ່ຈີນ ທາງເສດຖະກິດນັ້ນລົງ ຫລັງຈາກທີ່ຈີນໄດ້ເອົາຖານເຈາະນ້ຳມັນ ໄປຕິດ
ຕັ້ງໄວ້ຢູ່ໃນເຂດນ່ານນໍ້າ ທີ່ເປັນຫົວຂໍ້ຜິດຖຽງກັນເລື້ອງກໍມະສິດ ໃນເຂດທະເລຈີນໃຕ້.
ວີດີໂອພາສາລາວ: ຊາວຫວຽດນາມຂໍ້ວາບາດ ສິນຄ້າຈີນ:
Your browser doesn’t support HTML5
ຊາວຫວຽດນາມຂວ້ຳບາດ ສິນຄ້າຈີນ ຍ້ອນໂກດແຄ້ນ ເລື້ອງຖານເຈາະນ້ຳມັນ